#الكاتبه "لبوه🐆✨"
...................................
بنيـטּ
بعد ما انطيت موافقتي للشيخ وتمت مراسيم العقد وعلنه زوج وزوجه
ترس البيت صوت الهلاهل والمباركات والهوسات
اقاربنه شغلو اغاني وصارو يركصون اغلبيتهم ماعرفهم
وصديقات وياهم هم يركصون
بهل وقت جنت حيل فرحانه صرت للي حبه كلبي وللي حبني
حبنه جان نضيف وماخطأنه بشي نستاهل نتوج
حبنا بزواج
فززني من صفنتي من كالو حيدخل كله لبست حجابات وبنات لبسو عبيهم اني هنا خبطت بطني توتر ورجفه سرت بجسمي ماعرف شنو هل مشاعر الي اجتني فجأه ماعرف حب. خوف. توتر. خجل
كولهم حسيت بيهم همست البراء
بنين: براء روحي جيبيلي شال
براء: ياا شتسوين بشال
بنين: البسه غير حيجي حسين
براء: اي عيني واذا راح يجي غير بعد صرتي حلاله
بنين: حبابه اعرف والله بس استحي روحي جيبيلي
براء: بنين تسكتين احسلج لو
قبل لاتكمل صارت الهلاهل قويه تدل ؏ دخوله دخل بطوله الماخذ كلبي جان مدنك من وصل يمي واني احس دكات كلبي شويه شويه تزداد وهوه واضح حاله مو احسن من حالي
صار بصفي والباقين يهوسون ويصفكون وهو كل شوي يمسه جبينه مرت تقريبا خمس دقايق وجابو الذهب
بهل اثناء دخل عم حسين وهم هوسه وبقه واكف يمنه
جابو لحلقات مخلين بيهم شريط احمر راطيهم سوه من نلبسه يكصو لمن لزم ايدي وراد يلبسني اني قشعر جلدي من ملمس ايده الاول مره تطخ بأيدي انتبهت عليه ايده هم جاي ترجف لبسني حلقتي واني هم كوه لبسته حلقته من
رادو يكصون الشريط عمه لزم المكص وضل يباوع ع حسين وحسين كال لعمه
حسين: عمي شنو راح تسوي
عمه لحسين: حبيبي حسين بابا لاتخاف لاتخاف مراح اطهرك اريد اكصلك الشريط
كالها بعدم مبالاه وبنفس لوقت بطريقه فكاهيه
خلت كل الحضور يضحكون وحسين صار احمر
لبسني باقي لذهب بـ مساعده براء
شوي وبلشت العالم تروح وهو مايقبل يطلع يابه روح بره يم الزلم وهاي حجايته
حسين: بعد صارت حلالي شنو اعوفها واطلع موعيب عليه
متت ضحك عليه يحجي بكلب محروك وصدك ماطلع وجان بس يحوص مدري شبيه وشيريد ورا ماراحو اغلبيه العالم بقو بس المقربين كلش تقرب عم حسين علينه وكال
سجاد: وخر حسين اريد اسلم ع بنيتي الرحمٰن يحرسها
وخر حسين وعمو اتقرب باسني من راسي وكال
سجاد: بالخير والعافيه عليكم بنيتي الله يتمملكم ؏ خير وينطيني العمر واشوف وليداتكم ابتسمت وباوعت ع حسين كال وهو يريد ينفجر من العصبيه
