الكاتبه"لبوه🐆✨"
.........................................
حسين:
بعد ما خطبت وصارت بنين جنت طاير من الفرحه
طول الوقت مبتسم منظرها بدلتها توترها رجفت ايدها
بين ايدي تفاصيل صغيره بس ابد مانساها البنت الي احبها او الي اعشقها طول الوقت احلم بيها تكون الي ومن نصيبي واخيرا صارت باسمي وحلالي
بعد يومين من الخطبه من اعترفت الها بحبي وطبعاً هيه تعرف اني احبها بس هاي اول مره انطقها ولمن هيه هم اعترفت حسيت ملكت الدنيه
هل فرحه اجت عوض من رب العالمين عن كل لحضه تعبتها عن كل لحضه تأذيتها عن كل مشاكل حياتي من اشوف نضرت عيونها الحنينه تجاهي رغم خجلها ورتباكها من اكون يمها بس ميهم اكدر اشوف واعرف
نضراتها الي وخوفها عليه من كتلها راح التحق
حبيتها من بعيد لبعيد جانت مثل شي مقدس واخاف عليه من كلشي وجنت بكل مره ادز اهلي يطلبوها ويردون بالرفض اضوج وانقهر بس اصراري الها يزيد ويوم بعد يوم اريدها اكثر ما اتخيل غيري ياخذها واني اخذ غيرها هاي حبيبتي الاولا والاخيره
هاي الي راح تصير ام الجهالي
طلعت من بيتهم متوجه لبيت اهلي حتى اتحضر لازم من الفجر اطلع للموصل لان تحولت من معسكر سبايكر
بعد ما المجزره وبعد ما صقطت الموصل اكثر العسكر
حولوهم للموصل
وصلت للبيت حضرت ملابسي واحتياجاتي بجنطتي العسكريه كملت واتصلت ع جماعتي العسكريه مثل كل مرا حته نتفق ع المكان وين نلتقي ومنين نطلع اتفقنه وسديته
منهم
رجعت اتصلت ع بنين مجاوبتني ضحكت بعدها تستحي من الموقف هيه كلها بوسه اتمددت بفراشي حته انام وصدك شوي ونمت كعدت الساعه 5:00دخلت زينت لحيتي الي هستوها طاله وبدلت وطلعت ما اتريكت شربت جاي وطلعت متوجه لجماعتي
