Gazing the Clouds
(Unicode)
အပိုင်း တစ်ဆယ့်ခြောက်
ရုန်းကန်လေ ပိုပိုနစ်သည့်နွံငယ်
အခုတလောဆောင်းရာသီမို့အပူပေးစက်တပ်ထားသည့် ဂိမ်းဆိုင်ထဲဂိမ်းလာကစားသူနှင့်ကော်ဖီလာမှာသောက်သူတွေကြောင့် အလုပ်ကပိုများလာ၏။အမှိုက်တွေလဲများတာမို့သွားသွန်တော့ လမ်းထိပ်တွင်ရပ်နေသည့်ဟိုကလေးကိုတွေ့သည်။
"နှင်းကျနေတာကိုအခုထိအိမ်မပြန်သေးတာလား ဘယ်လိုကလေးမှန်းကိုမသိဘူး"
သူသတိမထားမိသေးတာမို့ အမှိုက်အိတ်ကိုချကာဆိုင်ထဲပြန်ဝင်မည်အလုပ် သူ့အနားကိုရောက်လာသည့် ကောင်မလေးနှင့်သူစကားပြောနေပုံမြင်လိုက်ရသည်။ခဏတာဆိုပေမဲ့ ရယ်လို့ပြုံးလို့မို့ဘယ်လိုမှလျှော်လို့မရတဲ့ မသင်္ကာစရာအခြေအနေကရှိနေ၏။
"ပတ်ဆောင်းဟွန်း!!"
"ခင်ဗျာ!"
ခပ်သွက်သွက်သူ့အနားလျှောက်သွားကာခေါ်တော့ သူကအထိတ်တလန့်ပြန်ထူးလာသည်။
"မင်းဘယ်အချိန်ထိငါ့ဆိုင်ရှေ့ယောင်လည်
လည်လုပ်နေမှာလဲ မျက်စိတွေနောက်လာပြီနော်"
"ဒါဆိုလဲအထဲပေးဝင်လေဗျာဒီလောက်နှင်းကျနေတာ ဘယ်အချိန်ထိကျွန်တော့်ကိုအပြင်မှာဒုက္ခခံခိုင်းမလို့လဲ"
ဒုက္ခခံခိုင်းတယ်ဆိုတဲ့စကားကိုကြားတော့ ဘေးပတ်ဝန်းကျင်ကလူတွေက အနိုင်ကျင့်နေသည်ထင်ကာ ဝိုင်းကြည့်လာကြသည်။အမှန်အနိုင်ကျင့်နေတာအဲ့ကောင်လေ။ဉာဏ်နီဉာဏ်နက်များနေတာကိုများ။
"ဘယ်သူကမင်းကိုဒုက္ခခံခိုင်းလို့လဲ"
ဆိုင်ကနေထွက်ပြီးသူ့အနားကပ်ကာပြောတော့ သူကပြုံးကာနားကိုတိုးကပ်ပြောရန်ကြိုးစားသည်မို့ ရုန်းကန်လိုက်၏။သို့သော်လဲဘယ်ကမှန်းမသိသည့်အားအင်နှင့် ခါးကိုဆွဲမယူလိုက်သည်မို့ အင့်ခနဲအသံထွက်မိကာ ချက်ချင်း သူ့မျက်နှာနားနီးကပ်သွားတာကြောင့် ခေါင်းငုံ့ရှောင်ခံလိုက်မိသည်။
"မင်း!!"
"လူတွေရှိနေတာကို ဘယ်လိုဖြစ်နေတာလဲ"
YOU ARE READING
Gazing the Clouds
Fanfictionချစ်ခြင်းတရားအစပြုရာနေရာသည်တိမ်စိုင်နှင့်ဆင်တူသော ဂျယ်ယွန်းသာဖြစ်ပါကြောင်း။ - ပတ်ဂျေး JayJake Fanfiction (Unicode,Zawgyi)
