ألواد /بـ لهجتنه 🫶🏻🤍
بارت 24
كاتبات مينا /ساره 💚🤍
______________________
"وجلست بعد نصر الحرب
خاسرا بين قبور احبابي"
_______________________
ألواد " كومي ياابوي
باوعت علي بخوف ابتسم وكال
ألواد" ماكو شيء كومي
كمت يمه راد يطلع رجع باوع عليه عدل حجابي لزم ايدي وطلعنه باوعت المكان الي احنه بي بيها هواي جيش الي كاعد والي واكف والي يمسح سلاح جان اكو كرسي وميز جبير كاعد رجال جبير يطلع بعمر خالي محمد كدامه حاسبه وأوراق عزيز كاعد يمه ونواف واكف وصلنه باوع عليه وابتسم
" شلونج بابا
هزيت راسي اشرلي على كرسي كدامه وكال
" كعدي بابا
كعدت وأواد وراي وكف صار يسأل اسمي واسم ابوي اجاوب وعيني على أواد وهو مدري شيكتب بالحاسبه اخر شيء مد ورقه كدامي وكال
"وقعي
باوعت لأواد هزلي راسه وقعت وكال
" عزيز تعال وقع انت كفيل
عزيز "ماعندي مانع سيدي
وقع عزيز باوع عليه الضابط وكال
" أهلا وسهلا بيج ببلاد الرافدين نورتي
ابتسمت اله باوعت لأواد مبتسم حجه أواد وهو يلزم ايدي
ألواد "سيدي احنه نكدر نمشي هسه
" بالتاكيد هسه محد يكدر يكول الكم شيء مادام عزيز تكفل تكدرون تمشون
ألواد " مشكورين سيدي ماننسى فضلك
" على راسي أواد هاذا واجبنه
وكفت راح نواف جاب الجنطه ومشينه يم سياره جيش جبيره صعدت نواف وأواد ضلو يحجون شوي وصعدو أواد لكدام ونواف لورا ويانه واحد من الجيش يسوق تحرك ومشينه باوعت لنواف دموعه تنزل حضنت ايده وصرت ابجي ويا بدون صوت محد بينه عنده القوه يواجهه امي مشينه تقريباً اربع ساعات باوعت من الجام دخلنه لافته بغداد ابتسمت واني ابجي هسه لو سيدره مماتت جان فرحنه سوه باوعت أواد مادلي ايده من يم الباب ولأن اني كاعده وراء خليت ايدي بأيده لزمها بقوه ويمسح بابهامه مثل الي يطمني وهو يحجي ويا الرجال الي يسوق ضل ماسك ايدي اخذ موبايل الرجال واتصل لاخالي كله خالي راح اجي لسوق وصلنه للسوق ضلينه ننتظره بعد ساعه اجئ نزلنه اول ما شافني حضني حضنته بقوه ابجي وهو يبوس راسي ووجهي
محمد " الحمدالله بابا الحمدلله
حضن نواف يبوسه وأواد هم تشكرو الرجال وراح أجر خالي تكسي صعدنا أواد لكدام وهو حاضني وكاعد بوسطنه اني ونواف نواف مخلي راسه على كتفه واني على صدره وصله لمنطقه نزلنه دفع للتكسي لازم ايدي دك الباب جان گلبي يدك بساع فتحو جانو ينتظرونا جان نايف وعبدالله نايف شاف نواف وحضنه بجو اثنينهم وعبدالله حضن أواد نايف هم حضن أواد وأواد يبوس راسه دخلنه اجئ حضني بجيت وهو وياي باوعت للبيت من سمعت صوت بجي بلعت ريقي ودخلنه كلهم كـاعدين امي كاعده تبجي وتضرب بوجهه ومرت خالي محمد يمها وجده كذالك ام أواد لازمتها والبنات بطرف جدو حاضن كوثر ويبجون اثنينهم من ام نواف شافت نواف وكفت بساع اجت حضنته وأواد راح لجدو واني مشيت يم امي كعدت كدامها شافتني سحبتني لحضنها تبجي وتحجي
أنت تقرأ
ألواد
Actionوهل يعلم الراحـلون اي جـمرة تـركوا في صـدور الـنفوس الباقيـه لن انسى أبدًا تلك الليلة فجعه وفاتك في حُنجُرَتي طَعّم بُكاءٍ مُر يُرهِقُني جِداً ثم ان الشَوق للمَيت يُميت بين القبور الهادئه هُناك روح أُحِبُها سينطوي تـعب الأيام ، كأنه لـم يكُن
