هلو حبايبي اشلونكم اخباركم بنات ليش التفاعل نازل ترة بعد كم بارت و تخلص القصهه شنو انحسدتو 😔💔
الحياة مواقف ، والمواقف لا تُنسى ... قد ينسى الإنسان أيامه الصعبة ، لكن لن ينسى من هوّنها عليه ، واحتضن قلبه فيها ، لتكن لكم لمسة حانية في أيّامهم الصعبة...
(تصويت + تعليق + تعليقات بين الكومنتات)
بقلم الكاتبه :: الموسويه
ــــــــــــــــــــــــــــــــــــ🍃🌸🍃
" ازل "
::- ضليت كاعدة يم خاله بعدين رحت مددت على رجليها جان تندك الباب ردت اكوم عذراء كالت
عذراء :: ابقي حبيبتي اني اروح
" ازل "
::- هزيت راسي بقبول و كعدت عدلت كعدتي و عدلت شالي لن خاف احد من الولد و دخل مهيمن شايل امير و قمر وراه
ام اسد :: يا هلا بحفيدة اشتاقيتلك يمه نورتي بيتج يمه
قمر :: منور بيكم عمه و باست ايدها و راسها
ام اسد :: اي عفيه يمه توة نور البيت
قمر :: فدوة لكلبج عمه منور بيكم
عذراء :: اشتاقينالج بذات
قمر :: اني هم والله
ازل :: يا هلا بم اموري نورتي
قمر :: فدوة لكلبج جكليتي منور بيج
" ازل "
::- و اجن البنات سلمن عليها و طبت هيه و مهيمن راحت ودت غراضها لغرفتها و تنوم ابنها
ام اسد :: تعال يمه شوكت رحت رجعت مريتك
مهيمن :: يمه جنت بل مستشفى جانت عندي خفارة ردت ارجع و خابرني ابويه ضل يحجي عليه لن عايف قمر يم اهلها ...
و كال هسه تروح بوجهك ترجعها و رحت لبيت اهلها و حجيت ويه ابوها و ابوها كال بويه بينكم انتو و مرتك محد ما يحقله يدخل و حجيت وياها و رجعتها
ام اسد :: عفيه بيك يمه هاي مرتك و ام ابنك
مهيمن :: اي يمه يله اني رايح ارتاح نعسان البارحه مانمت جان عندي خفر
ام اسد :: نوم العافيه يمه على كيفك ويه مريتك
مهيمن :: صار يل غاليه و باس راسها و ايدها
ام اسد :: الله يرضه عليك يمه
" ازل "
::- راح مهيمن و اني ضليت يم خاله كاعدين هيه كلش حنينه و كلبها طيب كبالك احنه مو جناينها تعاملنه مثل بناتها
ام اسد :: ها يمه وين صفنتي
ازل :: خاله انتي ونعم الام والله يعني تعاملينه مثل بناتج مو عبالك جناينج
أنت تقرأ
عذاب فصليه
General Fiction_ عوفني اكرهك شتريد مني والله اني ما الي ذنب الله لا يوفقك _ اله اندمج يا حقيرة والله لخليج تتوسلين بيه عار _ والله اني معليه حباب تعبت من ضربك و اهاناتك الي ترة اني انسانه مو حيوان _ انعل ابوج لا الخلفج يا كلبه اله ادفعج الثمن غالي اني اعلمج اذا ما...
