حب الى النهايه 💍🫂💙.

بدايه 💙💍

طحت بهواك يمدلل...تراني
مريض ونايم بردهه...تراني
فصيله دمي اوو زائد...تراني
بس دمك ترى يرهم عليه

مريم : من مواليد 2003 بغداديه الأصل , عمري 6 سنوات وتوفه والدي وانتقلت للبصره اني واهلي ودرست وعشت ونشأت هناك والحمد لله والدتي ابد مقصرت ويانا جانت هي الاب 👨🏼‍🦰 وهي الام 👩🏻‍🦰 .....

علي : من مواليد 1995 بغدادي الأصل ، عايش ببغداد مع عائلته ومتزوج وموظف ب أحد مصارف بغداد .....

*** ( مريم وعلي أبناء عم )

(2020)
مريم : بهذا الوقت جنت طالبه رابع اعدادي والحمد لله مستواي فوق الممتاز ودرجاتي كلها عاليه ، واكثر شي احبة هو دراستي واهلي              

_حياتي جانت حلوه وبسيطه وهادئه اغلب وقتي دراسه واشتغل واساعد ماما بتنظيف البيت احياناً بالطبخ  يعني حياه روتينيه عاديه

_ بسنه 2018 انتقلنا البغداد وعشت بيها لهذا اليوم وحبيتها بس تبقى البصره هي العشق 😂🥺 لان قضيت طفولتي كلها بيها 

_ وهسه نسلم القلم لعلولي يحجي كافي هواي حجيت 😂💔

علي : هلووو متابعين  🧡 مشمش 🧡 طبعا مريم ندلعها مشمش من هسه خلي اكوللكم 🤤 احححح نوب شلون مشمش هوه 🤤صدقه الوجهه , احم كافي علي شبيك شجاك اليوم 🙄🙄.

_ احم اخوان اعذروني رحت زايد المهم 😄 ، حياتي قبل لااعرف مشمش جانت كلش روتينيه يعني دوام وبيت اكثر وقتي مشغول ومن ارجع الف راسي وانام وبليل من ورى المغرب بعد اطلع ويه اصدقائي ماارجع الا الساعه ب١١ بليل هيج .

_ جنت متزوج زواج تقليدي ومو من كامل قناعتي لخاطر اهلي وافقت وحياتنا مشاكل وبارده حيييل وماكو كل حب من الطرفين

_ ابوي وامي منفصلين عن بعض وكلمن متزوج واحنا اني وخواتي
يم ابوي عايشين ووضعنا المادي الحمد لله والشكر ميسور الحال .

_ والحمد لله من فضل ربي وتعبي اشتريت قطعه ٢٠٠ متر وجاي أبني بيها علمود الم اهلي ببيت احسن من الايجار وشلعان الگلب

_ وصارلي متزوج تقريباً ٤ سنوات وابد ماحسيت بنفسي متزوج ومثل باقي العالم وحب واهتمام وكلام حلووو ومداراه .

_ بهاي ال٤ سنوات مصار عدنا طفل والخلل مو مني جان ف بأختصار ماكو شي حلو بزواجي لا طفل ولااهتمام ولا عيشه حلوه

_ رغم كل هذا بس ابد ما ألتجأت للدرب الحرام لان ادري ماوراه رزق ولا بركه لان اول شي غاضب الله وثاني شي بس صرف .

_ التهيت بتكوين نفسي حتى ماأحتاج لاحد ، وكلما اريد انفصل عن زوجتي تصير معارضات من الاهل لان جانوا يحبونها وراغبينهاا

مريم : عرفتوا مختصر عن حياتنا وهسه تعالوو للجزء الجميل 😜
الي هو بدايه علاقتنا وبدايه الزحف مال استاذ علي 😅😂