حب الى النهايه 💍🫂💙.

عذاب الحب 💙💍

من أنتِ؟ يا من سلبتِ مشاعري وأحاسيسي
من أنتِ؟ يا من تفجّر بركان شوقي إليها
من أنتِ؟ يا من هلّت مدامعي من أجلها
من أنتِ؟ يا من عجزت الرّوح عن نسيانها
من أنتِ؟ يا من جعلتني أتحسّر ألماً على ما مضى من عمري بدونك رحماكِ سيّدتي. رحماكِ على قلبٍ ينشطر ألماً في غيابك رحماكِ على روحٍ ترتوي من عذب همساتك رحماكِ يا سيّدتي، ما عدت أقوى على الحياة بدونك

.
.
.

علي : مريم لا تكومين خلي احجي وياج كلمتين وشسوين سوي

_ احجي ؟؟ ، شوفي يابنت عمي اني عاشگج تعرفين شنو عاشگج
خيالج مايروح من بالي عندي شغل وتعبان وبنص تعبي اتذكرج

واشتاقلج حسي بيه عاد ترى اني ماجاي اضحك عليج انتي عرضي
ومنّي وبيّة انتي بنت عمي واني وياج نفس الدم تتوقعين عندي غايه

كوليلي ليش ماترديني عندج احد بحياتج حتى انسحب منج واوعدج بعد ماتعرضلج ولا تشوفين وجهي بس انطيني جواب يريح بالي

لا تصفنين احجي اسمعج كلشي احجيلي حتى اعرف شنو سبب رفضج اليه وعلى اساس كلامج اتصرف اني .

مريم : شوف علي مو قصه عندي احد بحياتي بس انت اول شي متزوج وعندك مره وثاني شي ماعندي مشاعر اتجاهك حالك حال
مصطفى وماعندي شي وياك بس انت تصرفاتك تضوجني هواي

علي : هي تحجي وكلامها احسه مثل الخنجر بگلبي شنو مثل مصطفى ، مريم اول شي اني زوجتي ماباقيه وياي طول العمر
فتره وانفصل عنهه لان مامتواهمين وشي ثاني مستعد اسوي كلشي
لأجلج بس اريد منج تصيرين ويايه وكافي هل غرور العندج

مريم : يعني تجبرني عليك ؟؟؟

علي : خلاص براحتج .

مريم : نرفزني عفته ورحت الغرفتي ، كعدت اتذكر كلامه وليش ديسوي هيجي وياي معقوله صدك يحبني لو مجرد نزوه مجاي
اعرف شنو غايته من هذا الموضوع اخر شي نفضت الافكار
من راسي وخليت سماعه وفتحت يوتيوب ورحت العالمي الثاني

علي : كلش ضجت وتنرفزت اتمنيت املخ شعرهاا شهل غرور هذا
بسيطه اذا مااخليها هي تتوسل بيه مااطلع علاوي ،

_ اجتي عمه جابت الغده تغديت وكبل طلعت للبييت سبحت ونمت
ماكعدت الا الساعه ب٧ بليل اتعشيت وطلعت ويه اصدقائي

_ بهذه الفتره صرت كلش عصبي الي يكلي السلام عليكم اتعارك وياه وضعيتي مخربطه مالي خلك كلشي اروح للدوام وارجع واطلع

_ بس بدون رغبه هيج ع اعصابي راسلت مصطفى واخذت رقمها وحفظته عندي اراقب الصور الي تخليهن ومن تنشر صورها اخذلهن سكرين واحفظهن عندي بلبرنامج ومن اشتاقلها اشوفهن