حب الى النهايه 💍🫂💙.

تفاصيل 💙💍

كونوا على يقين ان هنالك شيئ ينتضركم بعدَ الصبر ليبهركم وينسيكم مراره الالم.

مريم : مرتّ فترة وعلي ماشفته ولا وصل النا حسيته هل مرة ابتعد
من صدگ لانّ حييل طوّل وماعرفت اخباره بعد لان استحي اسئل
اخويه عليه ، كلامه الي گالة الي اخر مرة مديروح من بالي

جان يحجي بگل جدّيه بس اني مدااتقبله والسبب الاول ع ذمته مره
ومستحييل اقبل بهذا الشي اني والسبب الثاني ضايجه من كل عمامي

لان هاي السنين كلها ماسئلوا اذا عايشين او ميتين او شنو محتاجين
عبالك احنا غربه عليهم ، ف مستحيل اقبل ب علي لان اساساً ما
احب عمامي ولا احب التقي بيهم واتواصل وياهم بس علي زين

واهلي يحبوه ويحترموه لان من التقينا بيه لليوم هو يسئل علينا وكل
فتره يسير علينا ويطمئن عن احوالنا ف نتواصل وياه بس هو

واني مااحبه بسبب جرئته وياي بس هل مره حسيت ضميري أنّبني عليه كلامي حيل قاسي وياه ، وبكل مره نلتقي لازم تصير مشكله بيناتنا اني وياه بس اذا التقينا مره ثانيه راح اكون لطيفه شوي لان خلاص نهينا الموضوع وبعد ماكو شي بيناتنا .

ام مصطفى : هاي بعدج كاعده ياامي ، گومي شري الملابس ماكدر اصعد فوك بالسطح هاي ثاني مره احجي

مريم : اييي هسه كايمه راح اشرهم واجي بس ممكن طلب ياحلوه ؟

ام مصطفى : مدام السالفه صارت بيها ياحلوه معناها اكو شي احجي شتردين ..

مريم : فديتج بس انتِ تفهميني .

ام مصطفى : كولي شتردين

مريم : اريدج هسه تگومين وتحضريلنا من ايدج هاي العسل احلى بسبوسه بالدنيا

ام مصطفى : والله تعبانه جنت اغسل ملابس ومواعين وغسلت الكراج خليها بالليل اسويلكم

مريم : مع الاسف انتي ام الصووف المعدله مايصعب عليج شي تصعب عليج بسبوسه ؟ دكومي كومي يااحلى ام بالدنيا اروحلج فدوه اني اروح فدوه لهل عيون الي تباوعلي ، شو تعالي ابوووسج ممممممممممووححح يمه مو خدود كيمر كيمر

ام مصطفى : يبووووو وخري وخري خنكتيني ولج كافي عوفيني

مريم : يله يله بعد جبدي كومي كومي

ام مصطفى : هفففف امري لله كايمه انتو بلياي تضيعون والله

مريم : شلون لعد غير انتِ خيمتنا وكلشي بحياتنا اروحلج فدوه

ام مصطفى : يمه يمه منج ومن اللسانج الماينكدر .

مريم : هههههه يله مامي صاعده استعجلي عفيه

ام مصطفى : هاي فوكاها ولج ترى لا تخليني اكعد وكلشي ماسوي

مريم : لالا ع راحتج كملي شوكت ماتردين .