يوسف : ازاي بتقولي كدا و انا جريت وراكي كتير .. ازاي مش مطمنة ! دا انا قعدت اكتر من سنة و انتي حتي مكنتيش شايفاني كل دا ميخلكيش مطمئنة !
شمس : هي دي الفكرة ! انت فضلت ورايا عشان مكنتش قابل فكرة أن في حد رافضك .. عشان كرامتك متسمحش اني اقولك لا ! ... بس اول حاجة عملتها بعد م بقيت ضامن وجودي انك قررت تردها ليا ! علي الرغم اني مكنش بيني و بينك تار احنا مش في حرب مين يكسب و فكرة اني فتحت الباب عشان شوفت انك مصر و انك بتحاول تباين كل الوقت دا حبك و تمسكك بيا ... انت عرفت أية نقطة ضعفي و عرفت ازاي تلعبها صح مش اكتر .. معرفتش تمثل كتير صح !
كانت أقرب حاجة ليك انك ترد كل الفترة علي مدي سنين طويلة ! ... انت محستش بشفقة حتي ناحيتي !
يوسف : انتي لية شايفاها كدا !!
شمس : انا شوفت حاجة عكس اللي بقولوا ليك عشان اشوف عكسة !!!
انت كنت ف الاول تقولي عمري م هقابل زيك وانت متتقارنيش مع حد ... بس بعد كام سنة بقيت بتقارن بأشخاص مليش دعوة بيهم ... انا زي م انا عمري م كنت ولا هتغير دلوقت أو بعدين ... انا متقارنش بحد ... كنت بسمع المقارنة اللي انت مفكرها هزار و بسكت علي أمل انك تفهم اني اخدت علي خاطري وبردوا عادي !! ... ووقت م فكرت اني اقارن بينك و بين أشخاص بردوا مش ف نفس الكافة معاك ادايقت!! ... طب ما لا ترضية علي نفسك بترضية عليا لية !
انت وصلتني في مرحلة ما اني مستاهلش الحب اصلا !!!
انت دخلت حياتي لية !!
يوسف : انتي عارفة اني بحبك... انا مقدرش اعيش من غيرك!!
شمس : كفاية كلام من نوعية مقدرش اعيش من غيرك دي ... انت بتقدر عادي و بتقعد بالشهور مبتعرفش عني حاجة .. و بتيجي بمزاجك ووقت م تبقي حابب و بتمشي بردوا وقت م تبقي حابب ... فكرة انك متقدرش تعيش من غيري كلام بس ... في الحقيقة انك تقدر تعملة ...
انت عارف ان علاقتنا دي اكتر علاقة توكسيك في الحياة !
انت بتأذيني و انا مكملة عادي ... مكملة حتي وانا جوايا شايل منك ... و انت طول الوقت بتكسر ف احلامي ... و مكملة وانا عارفة أن العلاقة نهايتها فراق و مش هتنتهي غير بيها و مكملة ... مفكرتش ف مرة علي مدار كل السنين دي اقفل عليها الباب بالقفل ... بقيت واقفة لا قادرة امشي ولا قادرة أكمل ... انت قضيت عليا ووقفت تتفرج زيك زي الغريب ...
يوسف :..
أنت تقرأ
لقاء لم يحدث
Short Storyلقاء كنا نتمني أن يحدث .. كلمات نتمني أن نبوح بها ولكن لم يأتي اللقاء ولم نبوح بما في قلوبنا ... نتمني أن نسمع بعض الكلمات اللتي قد تكون سبب في عدم عذابنا لأنفسنا لعلها كانت سبب لشفاء أرواحنا .. و لكن لم نسمعها .. لعل يوما ما .. في وقت ما ... في مكا...
