بعد سنة ...
الساعة ١ بعد منتصف الليل
شمس في غرفتها
شمس : أيوة يا بنتي ... لا صدقيني بحاول اخلص الشغل اهو عشان ابعتهولك ... متقلقيش الصبح هيبقي عندك 😅
زميلتها : مش قلقانة انا بس مستر حازم مستعجلني اوي -المدير- غير كدا صدقيني دا مش وقت التسليم ..
شمس : مفيش مشكلة .. زي م قولتلك هيخلص انهاردة إن شاء الله ... طب اقفلي مستر حازم شخصيا بيتصل ..
زميلتها : طيب تمام روحي ردي احسن يزعق ليا انا🙆
شمس ضحكت : لية بس دا محترم و طيب 😀
زميلتها : محترم ماشي .. طيب معاكي انتي بس 😉
شمس : طيب يا مشاكسة روحي هيبقي شرير دلوقت لانة بيتصل تاني 😂
زميلتها بخوف: روحي طيب .. باي
شمس ضحكت : باي
شمس ردت : أيوة مستر حازم ... الشغل هيكون خلصان كمان شوية و هيكون في ايد حضرتك الصبح ..
حازم بصوت هادي : انا اسف يا شمس اني مسهرك كدا و بيتصل كمان في الوقت دا ... بس العميل فاجئني انا شخصيا .. انا اسف
شمس : حضرتك مش محتاج تتأسف دا شغلي ... انا شوية و هخلص ... حضرتك محتاج حاجة !
حازم بإحراج : لا و مرة تانية انا اسف .. اشوفك بكرا .. اقصد هشوفكم بكرا ف الاجتماع ..
شمس بإبتسامة* : إن شاء الله .. سلام
حازم : سلام
_______________________________________________
بعد ساعة كانت خلصت
الساعة ٢ بعد منتصف الليل
التليفون بيرن ...
شمس لنفسها* : اية الرقم الغريب دا ... ممكن يكون حد من المكتب .. هيرنوا دلوقت يعني ... هرد و امري لله
شمس : الو!!
...: صمت...
بعد للحظات سمعت تنهيدة
شمس : الو ..!!
...: الو يا شمس
شمس عرفت الصوت كويس : مين معايا !
يوسف : انا يوسف يا شمس ... وحشتيني !
شمس بهدوء* : حضرتك اكيد غلطان ... الرقم غلط .. سلام
قفلت الخط ...
وقفت في الشباك الاوضة بتاعتنا ... و هواء الفجر بيداعب شعرها و هي مبتسمة و فية صوت راديو من بعيد لأغنية لأم كلثوم بتقول ..
"ياللي ظلمتوا الحب ... العيب فيكم يا في حبايبكم ... أما الحب يا روحي عليه ... في الدنيا مفيش ابدا احلي من الحب .."
شمس تعافت بعد آخر لقاء ... و استمرت حياتها و بدأت تنجح و تركز علي نفسها و حياتها .. والاكيد انها مش هتكرر اخطاء الماضي مرة تانية و هتفتح قلبها اكيد مرة تانية .. بس للشخص الصح 😉.. يوسف حياتة هتكمل عادي .. بس هيفضل يدور علي شمس في كل اللي هيقابلهم .. يمكن هي شخصية عادية .. بس مختلفة .. فيها حاجة مختلفة عن اللي هيقابلهم .. ولسة هيقابلهم ....
"هناك لقاءات كنا نتمني حدوثها ... ولكن قد تكون شفاء لنا و قد تكون سبب لمرض سيظل في. قلوبنا للأبد .. قد يكون هناك ردود لأسئلة تشفي ما في قلوبنا و قد يكون هناك ردود علة ستظل ملازمة لنا للأبد ... هناك لقاءات الأفضل إنها لم تحدث و هناك اسئلة من الأفضل إننا لم نعرف إجاباتها... و هناك أمور من الأفضل إنها تظل بلا إجابة و بلا معرفة منا ..."
إلي اللقاء آخر لقصة من القلب ..💙
أنت تقرأ
لقاء لم يحدث
Short Storyلقاء كنا نتمني أن يحدث .. كلمات نتمني أن نبوح بها ولكن لم يأتي اللقاء ولم نبوح بما في قلوبنا ... نتمني أن نسمع بعض الكلمات اللتي قد تكون سبب في عدم عذابنا لأنفسنا لعلها كانت سبب لشفاء أرواحنا .. و لكن لم نسمعها .. لعل يوما ما .. في وقت ما ... في مكا...
