حب في مهمه رسميه

بارت 5 ❤️

* في البارت السابق *
٭------------------------٭
ذهاب عائله رسلان الي بيت سالم النقيب والاطمئنان ع يوسف وتفاجأت ملك بوجود زين ومشاكسات بين يوسف ويارا واتفاق كلاوس مع رجل ولكن لا نعلم من هو الي الان وخناق حازم وساره بسبب انها تلفت اللوحه الخاصه به وفك يوسف الجبس واطلاق ع يارا اسم جعفر
_____________٭_____________٭______________
« فيلا سالم النقيب »

اخذت يارا الصنيه وصعدت الغرفه ودخلت وقالت بهدوء : اتفضل الاكل

اعتدل يوسف وقال : وحد يجيب الاكل كدا

نظرت له يارا وقالت : اومال الناس بتجيب الاكل ف ايه ان شاء الله وبعدين احمد ربك اني جيبالك الاكل لحد الاوضه انت هتتأمر عليا

نظر يوسف بكبرياء وقال : انتي تطولي تجبيه لحد عندي

رمقته يارا بحده وقالت : ولاااا انت متنرفزنيش

نظر لها يوسف بصدمه وقال : ولاااا !

وضعت يارا الدواء امامه وقالت : خد الدوا بعد الاكل هشتغلك ممرضه كمان

اخذ منها يوسف العلاج وقال : شكرا ي استاذ جعفر

رفعت يارا اصبعها وقالت بتحذير : اياك تقول الاسم دا تااني فااهم

ابتسم يوسف بمشاكسة وقال : ما انتي جعفر ب لبسك دا في انثي تلبس كدا ما تبصي ل اختك قمر اهي

نظرت له يارا وكانت ترتدي بنطلون جينز وسويت شيرت اسود شبه رجالي وقالت بجديه : انا مش جيباك بيتي وبحميك عشان تبص ل اختي انت فااهم

نظر يوسف لها وقال : انا مش ببص ل اختك دي أختي الصغيرة ومش هبص ل بت الراجل اللي حماني ودخلني بيته انا عارف الاصوول كويس

اتنهدت يارا بضيق وقالت : انا اسفه مكنش قصدي كدا

نظر لها يوسف وقال : شكرا ل مساعدتك انا اول ما هبقي كويس همشي من هنا وارجع بيتي تاني

نظرت له يارا بضيق وقالت : وانا قولتلك اسفه ومش هتطلع من هنا فيه خطر ع حيااتك

يوسف قال بعصبيه : انا اعرف احمي نفسي كويس

اغمضت يارا عينها بعصبيه وقالت : بص بقا دماغك النشفه دي مش معايا وانا ف مهمه وبنفذها انت تحت حمايتي ولازم تبقا كدا تماام ف ياريت تسمع كلامي بقاا وانا اعتذرت عايز ايه تاني

نظر يوسف لها وقال : مش عاوز حاجه ممكن تطلعي برا بقا

خرجت يارا بضيق وقابلت حازم وقالت ببتسامه : حمدالله ع السلامه ي زوما

اقترب حازم وقبل رأسها وقال : الله يسلمك ي حبيبتي ... ولاحظ ملامحها المضايقه وأكمل : مالك ايه اللي ضايقك

ابتسمت يارا وقالت : تعالي نقعد ف اوضتي انت اللي مش كويس

ابتسم حازم وقال : سيبك دلوقتي لما تفوقي كدا من القضية نبقي نتكلم