زي موجة
ف البحر شاردة
زي إيدك
من غير سلام
إتفقنا تكوني وردة
و إتفقنا
مفيش كلام
قلنا يمكن
البعد أرحم
من لقا
وسط الزحام
قلنا يمكن
لو بعدنا
هنعيش حياتنا
ف سلام
و لو ف يوم
قابلنا بعض
تبقا صدفة و السلام
و لو سألنا "عامل إيه؟"
تبقا الإجابة
فل و تمام
إتفقنا إتفاق
و نسينا وضع الشروط
فطبيعي جدا يوم ما أخالف
أقول إن فهمي كان مغلوط
و مفيش مقابلة
غير بالصدف
و الصدفة عندك
دايما تموت
فطبيعي جدا
أعيش كئيب
ولا تنجى روحي
من بطن حوت
"A.E"
