ميرا ـــــــــــــ لزم فكي بقوه و عصره و صك على سنونه
راجس ـــــــــــــ انتي ملكي فهمتي
ميرا ـــــــــــــ ا اني ماعرفك
راجس ـــــــــــــ بس اني اعرفج
ميرا ـــــــــــــ هدني عمو وفك مني ياخه
راجس ـــــــــــــ لسانج
ميرا ـــــــــــــ خزر عيونه رادن يطلعن و سنونه رادا يتكسرن من گد ماصاك عليهن حاولت مابجي بس ماگدرت وبجيت
راجس ـــــــــــــ هسه تتأخرين للبيت
ميرا ـــــــــــــ رجعت ومثل كل عادهيمشي ورايه لحد ما اصل البيت شيريد مني قررت اتشجع و انطي الانستا و اسئله عندي هوايه اسئله كتبته بورقه وضميته ثاني يوم رحت مالگيته ضجت مو قصة بس لان ماراح اعرف شيريد مني المهم بالرجعه شفت سيارته ناديت طفل گلتله ودي هاي لعمو هذاك راح دحگ وخزرني متت من الخوف بعد اريد اتحرك ماگدر ماوصلت البيت اله گلبي واگع شفت امي وگبل بجيت
الام ـــــــــــــ يمه اسم الله بنيتي يمه شبيج
ميرا ـــــــــــــ يمه مخنوگه مدري شبيه
الام ـــــــــــــ ياروحي انتي ياروح امج شبيج ليش مخنوگه
ميرا ـــــــــــــ ماما البنات بالمدرسه يكرهني لهذا السبب
الام ـــــــــــــ خليهن يولن يلى حبيبتي بدلي تا نتغدا سويتلج شي تحبيه
ميرا ـــــــــــــ اي،،، رحت بدلت فتحت الموبايل فتت عالانستا ماكو شي رحت تغديت ويه بابا وماما واخويه كملت غسلت المواعين شربنه جاي ورجت لغرفتي لگيت متابعه صورته موجوده تابعته اجن الرسائل دخلت عليهن اول شي راد عالستوري
راجس ـــــــــــــ شنهاي تحبين منو تا تنشريله هيج بعدج ماطگيتي من البيضه
ميرا ـــــــــــــ رجع عالتعليقات و مصورهن ودازهن و حاط سمايلات معصبه ويگلي منو هذا بعدين دزلي حسابات يكلي الغيهم،،،،، عمو شتريد مني
راجس ـــــــــــــ شايفتني بگد ابوج تا عمو
ميرا ـــــــــــــ ماعرف اسمك شناديلك وانسان غريب شتريد مني انته
راجس ـــــــــــــ اريدج الي
ميرا ـــــــــــــ شتريد مني
راجس ـــــــــــــ گلتلج شريد
ميرا ـــــــــــــ عوفني جاي اسويلي مشاكل واحراجات واني اخاف منك حيل اخاف لدرجه من اشوف عيونك يجي يغمى عليه
راجس ـــــــــــــ والمطلوب
ميرا ـــــــــــــ تعوفني
راجس ـــــــــــــ لا
ميرا ـــــــــــــ منو انته
راجس ـــــــــــــ متعرفيني
ميرا ـــــــــــــ اقارب انته
راجس ـــــــــــــ لا
ميرا ـــــــــــــ شتريد مني
راجس ـــــــــــــ اتصلي
ميرا ـــــــــــــ لا
راجس ـــــــــــــ ميرا اتصلي
ميرا ـــــــــــــ ما
راجس ـــــــــــــ ردي
ميرا ـــــــــــــ لا
راجس ـــــــــــــ افتحي الباب
ميرا ـــــــــــــ انته شنو تهدد
راجس ـــــــــــــ ردي
ميرا ـــــــــــــ مستحيل
راجس ـــــــــــــ انتبهي للشباك
ميرا ـــــــــــــ شفت ضو ليزر فتحته وشفته يدحگلي اتصل ورديت
راجس ـــــــــــــ ميرا شلونج ياميرا
ميرا ـــــــــــــ خايفه منك
راجس ـــــــــــــ خايفه خافي مايهمني المهم انتي الي
ميرا ـــــــــــــ هئ
راجس ـــــــــــــ ميرا
ميرا ـــــــــــــ هئييييئ عوفني بحالي الله يخليك كافي والله معيشني بجحيم هئ كافي والله مليت عوفني ماريدك بحياتي مامليت ماتعبت ماجزت عني هاي من بدت السنه وهسه راح تنتهي عوفني ياخي عوفني هئ
راجس ـــــــــــــ ميرا
ميرا ـــــــــــــ نعم
راجس ـــــــــــــ كلامج هذا لا تعيدي لان بس الله اليعلم شسوي بيج
ميرا ـــــــــــــ شتسوي
راجس ـــــــــــــ انتي ملكي فاهمه شنو ملك مالتي
ميرا ـــــــــــــ هئييييئ هئ هئييييئ
راجس ـــــــــــــ كافي بجي ويلى مثل السباعه منو هذا
ميرا ـــــــــــــ حبيبي
راجس ـــــــــــــ وانتي حبيبتي
ميرا ـــــــــــــ مو عليك هوا حبيبي
راجس ـــــــــــــ بس حتعوفي شئتي ام ابيتي
ميرا ـــــــــــــ مالك دخل
راجس ـــــــــــــ بمزاجي
ميرا ـــــــــــــ راح واني نمت العصر راسلني ادهم رديت لعب بيه طوبه فشار وسب و غلط متت من القهر رجع سوا مجموعه و حجه بررت لادهم كلشي
راجس ـــــــــــــ ششش انتي اطلعي وبيك خير تعال خاص
ميرا ـــــــــــــ لا اريد ابقى
راجس ـــــــــــــ گلت اطلعي
ميرا ـــــــــــــ انته منو وتدخل
راجس ـــــــــــــ جن عينج طلعت
ادهم ـــــــــــــ لاخر مره منو انته
راجس ـــــــــــــ شتصير من ميرا
ادهم ـــــــــــــ حبيبها وزوجها المستقبلي
راجس ـــــــــــــ بينكم خطبه عقد محكمه عرب محاجي عليها
ادهم ـــــــــــــ كافي حبنه
راجس ـــــــــــــ بعدكم اها بس منو يگلك زوجتك المستقبللليه
ادهم ـــــــــــــ انته منو
راجس ـــــــــــــ انته منو
ادهم ـــــــــــــ گلتلك حبيبها وزوجها المستقبلي و ابن خالها
راجس ـــــــــــــ اني مايهمني لو ابن عمها هيه الي
ادهم ـــــــــــــ بيك خير تلاگيني بال،،،،،، الساعه 12 الضهر
راجس ـــــــــــــ لا ب12 اوصل ميرا
ميرا ـــــــــــــ مامحتاجه توصيلتك اصلا ماخاف من الناس مثل ماخاف منك
ادهم ـــــــــــــ ب12
راجس ـــــــــــــ ماشي
ادهم ـــــــــــــ گ.... اله اطيح حضك
راجس ـــــــــــــ بنت هنا احترم اللفاضك وصدگ لوما موجوده لاسحلك سحول
ادهم ـــــــــــــ بيك خير لاگيني مو من ورا الگيبوردات
راجس ـــــــــــــ تدلل باجر بنفس المكان والساعه
ادهم ـــــــــــــ الله كريم
ميرا ـــــــــــــ حبيبي ادهم عوفه يولي
راجس ـــــــــــــ بسيطه الج والله لندمج على كل كلمه
ميرا ـــــــــــــ مر ثاني يوم وماجه لا الصبح ولا الضهر رحت راسلت ادهم مارد اتصل ماكو ضل بالي يمه اتصل هذا الحقير رديت بس ماحجيت
راجس ـــــــــــــ كسرتلجيا تكسير تريدي يعيش وافقي بالخطابه
ميرا ـــــــــــــ مستحيل اوافق ياحقير،،، دزلي صورة ادهم مدمي.
راجس ـــــــــــــ اگدر اسوي كلشي
ميرا ـــــــــــــ رجع. دزلي صوره وخال المسدس براسه متت من الخوف واني ابجي شويت النوب واجو نسوان امي اجت گالت بدلي گلتلها يمه بعدني صغيرا كالت ميخالف مايصير ماتطلعين سويت مثل ماگالت وبدلت ورتبت نفسي اني حلوه حيل ودمي محبوب من شافني اعتجبن بيه لان صغيرا وحلوه و الاهم لان هوا معتجب بيه ضليت ساكته وهنه يحجن عنه ضابط وعنده بيت وحده و عنده املاك وسيارات وعنده گيعان و محلات ويبو هوايه عددا امي گالتلهن نفكر مثل كل ام عراقيه تفكر براحة بنتها فكرت بيه وبدت تقنع بيه رحت ولگيته متصل گلت خل اراسله بس گلت لا خل اتصل وابجيلي كم دمعه بلكت يعوفني بحالي اتصلت ورد گمت ابجي واتوسل بيه مافعل
راجس ـــــــــــــ كافي اني مو گلبي حبااب هالگد تاعوفج گلتلج انتي ملكي يعني انتي ملكي خلص انتهت السالفه
ميرا ـــــــــــــ هئ الله يخليك گلبي يحب ادهم مگدر احب غيره والله اموت بأدهم مگدر بدونه عوفنه لتخرب حياتي عوفني
راجس ـــــــــــــ تؤ انتي وگعتي بنفسي ولا موحبا بيج بس لان اني اريدج
ميرا ـــــــــــــ هئييييئ عوفني بحالي الله يخليك
راجس ـــــــــــــ اتوسلي النوب
ميرا ـــــــــــــ هئ الله يخليك خيي عوف ادهم وعوفني اروحلك فدوه
راجس ـــــــــــــ اني الاروحلج فدوه تريدين ابن خالج مدري خالتج بخير اتسوين كلشي الاطلبه
ميرا ـــــــــــــ شتريد فلوس
راجس ـــــــــــــ ماريد بس توافقين عالزواج
ميرا ـــــــــــــ ماريدك
راجس ـــــــــــــ ششششش
ميرا ـــــــــــــ انته مريض نفسي
راجس ـــــــــــــ گولي كلامج بوجهي
ميرا ـــــــــــــ هئ
راجس ـــــــــــــ باجر تردين خبر موافقه ولا ابن خالج يروح
ميرا ـــــــــــــ هئ
راجس ـــــــــــــ لا بعيده لباجر ردي خبر هسه
ميرا ـــــــــــــ لا
راجس ـــــــــــــ رگبته رقيقه بسرعه ينذبح
صوتو وقدرو تعبنه وشكرا واذا معجبتكم القصه احذفوها و عادي اتقبل السلبيات بالتعاليق انتو قراء ومن حقكم تعلقون وتبدون رأيكم
وجبتلكم حساب بنيه SUGAR__7 كاتبه جديده اتمنى تدعموها واكو قصه ناشرتها حلوه كلش لتفشلوني 🥺
أنت تقرأ
ملك الراجس
Roman d'amourطبعا القصه ناشرتها قبل بس صار بيها خلل اطريت حذفها وانشرها من جديد 💔🥺
