في ناس في حياتنا اليوم مبيعديش من غير منفتكرهم
ليهم معانا ذكريات وحكايات باقية
ليهم في القلب حب مش بيقل
الليل ليلاتي بيكتب عن دمع الشوق في بعادهم
والليل طويل والاطول منه قسي الذكريات
إن جات ذكراهم نقلب في الذكريات
ونفتكر الذكريات اللي عشناها
وتبقي الدموع اكبر دليل علي وجعنا
واختلطت الفرحه علي الوجع
وعاشت مع الليل
فحبينا نعيش على هواهم
في ناس البعد عنهم غنيمه
وفي ناس بيبقي غيابهم غير
وفي ناس لما فارقونا
بقينا نقول يارب نبقي بخير
في حب بييجي من الاحلام
وحب بييجي بالصدفه
وحب بيكون النصيب فيه هو السائد
وبتختلف الحكايات وتتوحد البدايات
باول حرف هو الباء وأخر حرف هو الكاف
في ناس حقيقي وجودهم نعمه
وناس وجودهم لعنة
وبنعيش في الحياه دي ندور علي الاحلي
ومن كل دول تفضل لينا الذكريات
