"وهو الذي تَصفُو القُلوبُ بحُبه صلّوا عليهِ وسلّموا تسليما" ﷺ
................................................
_آرام: تخرجت وسوينا كروب على الانستا كل زملائي بي ومن ضمنهن نورهان ام فلان
صار فترة مو قليلة احاول وياها لخاطر ميسير اني جنت اريد فعلاً اجيبها لدربي واخذ منها الغراض يلي احتاجهن بشغلي
بنص سعرهن علمود اكمل بيتي بس من عفت تيمار تركت هالفكرة كمت اكمل بي شوية شوية حتى ماالي خلك للبيت ابد
جنت اجاريها علمود ميسير هو هم خطيه محتاج هالغراض كلش واني ويا شركة وهو واكع بدين لازم يفكه ب اقل من سنة يعني نهاية 2020 لازم يسدد
ومبلغ كلش جبير ف جاريتها وردت انسى تيمار بيها بس روحي لاعبة من كلشي اسمه حب بالدنيا كرهت الحب
المهم بعد فراك تيمار جبرت روحي على نسيانها النهار كله ناسيها بس بالليل ترجع كل سوالفها يا رب ساعدني على نسيانها
تالي طفلة تهد حيلي لا والله ما عاش اليهدني
اجت وضيعت كلشي بلحظة وحدة يلي حيرني انو احنا ما متعاركين حتى هيج فجاة اجت و كالتلي كل هالكلام والنوب قبلها بشوية جنا نضحك ونتشاقى هذا اخر كلام بيناتنا جان
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مرت 2019 وجان بداية كورونا عفت بغداد ورجعت لااهلي بداية 2020 لان حظر وشغلي وكف هالفترة ونورهان تطلب تحجي مع اهلي
وتحجي وياهم وهما كارهيها لان يكولون متزوجة وعدها جهال وتدور حبجيات هسه انت ولد وخل نكول مو واعي
زين هي ما تستحي تباوع ؏ جهالها من تحجي مع غير ابوهم حتى لو رجلها جلب وما يستحي اني اضحك ؏ كلامهم اني كل شي بحياتي ابينه شي بس بداخلي شي ثاني كلشي ما يعرفون عنه
رجعت اطلع مع اصدقاء السوء واشرب جنت انهظم من ارجع اشوف امي الدمعه بعينها وتلم بالجهال يمها وتكوللهم تعالوا ناموا يمي وعوفوا آرام وحده ينام اليوم علمودها تركت الشرب وبديت من جديد
