ليار : جنت نايمه حسيت أحد يكعدني باوعت لكيت امي
امي : بنتي كومي راح تتأخرين على الدوم وأبو الخط راح يجي كومي
ليار : ماما والله مابيه حيل اداوم تعبانه
امي : كومي ولججججج
ليار : يلاا كايمه كايمه بس لتعيطين
كمت ودخلت للحمام سبحت وطلعت لبست ملابس المدرسه واني محضره جنتي من البارحه وخذت جنتي ونزلت جوه لكيت اهلي كلهم كاعدين وكاعد يتريكون لأن عدهم دوام كتلهم صباح الخير
الكل :صباح النور
امي : يلا بنتي تعالي تريكي راح يجي ابو الخط
ليار : حاضر ماما كعدت وتريكت كملت رحت لبابا
بابا حبيبي
أبويه : احجي من الخير شرايده
ليار : هههههه يعني تعرف مصلحه
أبويه : اي بنيتي اي كولي
ليار : احمم احمم اريد فلوس
أبويه : اعرف بيج بس على المصلحه تجيني تفضلي ست ليار
ليار : اخذت الفلوس من عنده وبسته من جبينه ورحت لمصطفى
صوفي صوفي حبيبي وينك
مصطفى : خير يا طير شرايده
ليار : هاي شبيكم ياهوه الروحله يكلي شرايده
مطصفى : كولي شرايده بلا تزعل
ليار : اريد فلوس وبسرعه وبلا مناقشات يلااا
مطصفى : هاجج هااجج بس ولي من يمي لبومه
ليار : ننننننن عيبتله ورحت لأن اجه ابو الخط واني لازم اقط الاثنين أبويه ومصطفى وصلت للمدرسه دخلت سلمت على صديقاتي شفت اعز صديقه الي هيه نور سلمت عليه وحضنتهاا وكعدنه نسولف....
__________________
محمد : كعدت على صوت المنبه كمت سبحت وبدلت لبست بنطرون اسود وبدي اسود نص ردن وفوكاهن جاكيت كحلي ومشطت شعري وخليت عطر ونزلت شفت امي كتلهاا صباح الخير يا شمعت بيتي ونور عيوني وهوه ريتي
امي : صباح الخير وليدي أكلك شوف خوانك وين خل ينزلون يتريكون عدهم دوام
محمد : حاضر يمه بس اشوف أبويه واروح اكعدهم
رحت شفت أبويه صباح الخير بويه
أبويه : صباح نور
محمد : رحت أصيح خواني
مرام مهند وينكم تعالو تريكو
مرام : جيت حمودي جيت
مهند : جاي جاي دقايق
محمد : وره شويه نزلوا ثنينهم واني تريكت ورحت لدوامي
__________________
ليار : حليت من المدرسه ورجعت للبيت دخلت شفت اهلي منتضريني على الغده كتلهم شعجب
امي : حبيبه امشي بدلي وغسلي وتعالي نتغده
ليار : اوك ماما
منار : امشي ولي عاد متنه من الجوع
ليار : انتي اسكتي لا والله الخليج تتعاركين انتي وسيف
للعلم سيف خطيب منار يحبها كلشش بس اني هم يحبني مثل أخته ويعزني كلش بحيث من أكله منار تعاركت ويايه وضربتني يتعارك وياها واني طبعن بس هاذا الي يكدر يلزمها علمود متتعارك ويايه هههه
منار : بابا شوف بنتك
أبويه : ليار روحي صعدي احسلج موتينه من الجوع
ليار : راح اصعد صعدت سبحت وبدلت نزلت اتغديت وضلينه نسولف كملت غده وشلت السفره ويه امي صعدت نمت
___________________
محمد : كملت دوامي ورجعت للبيت شفت اهلي كاعدين السلام عليكم
الكل : وعليكم السلام
امي : يلا ابني تعال اتغده
محمد : حاضر يمه ابدل واجي صعدت سبحت لأن الدنيه حاره وطلعت بدلت ملابسي ونزلت تغديت
امي : وليدي
محمد : هلا يمه
امي : اليوم خميس نروح ننام بيت جدك
محمد : اي يمه واني شعليه أخذي مهند ومرام وروحي
امي : وانته ماتجي
محمد : يمه اني هسه تعبان وثاني شي عيب من بنات خالتي كلهن كبار مياخذن راحتهن
امي : لا يمه بالعكس يفرحن من أنته تروح وهنه صالهن هواي مشايفاتك وخالاتك هم مشايفاتك وكل ما اروح يسئلني عليك امشي ويانه
محمد : الله كريم يمه اروح انام صعدت باوعت شويه بالتليفون وشويه ونمت
____________________
الكتابه بقلم رقيه
انتظروني part الثاني قلبوشاتي
وانشالله راح اطول part
يتبع......
أنت تقرأ
احببت ابن خالتي
Randomالسلام عليكم القصه تحجي على بنت حبت ابن خالتها تعالو نتعرف على أصحاب القصه
