ليار : كملت سوالف ويه سالي وبيت خالتي مها راحو وحنه هم رحنه اني اول موصلت صعدت الغرفتي طبعن سبحت وطلعت لبست برموده كلش قصيره وفانيله ورحت لفراشي واني مقهوره وحالتي نفسيه تعبانه محسيت على روحي ونمت كعدت ساعه بـ8 الصبح غسلت ولبست تراك شفت اهلي كاعدين كتلهم صباحو ياحلوين
الكل صباح النور
امي : شنو هل نشاط اليوم الي انتي بي
ليار : بداخلي يمه لو تعرفين شنو بداخلي وهذا مو نشاط هاذا تصنع علمود متعرفون شبيه نتهدت وحجيت مادري اليوم حاسه بنشاط
امي : الله يحفض هل نشاط
ليار : عيني اليوم ثنين مبقه شي للعرس مال اختي
امي : اي والله
ليار : يلا عيني لعروس كفي ايدج خل ننضف البيت ونعدله
منار : اي والله يلاا
ليار : ضلينه ننضف ونرتب بلبيت وابويه وامي يعزمون بالعالم ومرت الايام هيج اجه يوم الخميس واجت حنت اختي جنت ضايجه ومطايقه أحد صعدت سبحت وطلعت سويت شعري شسورته وخليت مكياج بس خفيف ولبست فستان اسود لأن اني شتريت الاحمر للعرس ولبست حذاء اسود وحطيت عطر وهذا كله ومنار بالصالون ودنيا مخبوصه خبص اجتي منار وماشالله ماسولفلكم شطالعه كيمر لابسه بدله ذهبيه وبيها لمع ولمكياج ترابي طالعه تخبل رحت يمها وكتلها الله يبعد عين الحساد عنج منورتي
منار : انجبي راح ابجي والله من التوتر
ليار : يروحي انتي الله يحفضج
منار : شكراً حبيبتي لو ما انتي اني مادري شسوي الحمدالله وشكر رب العالمين دزج وخلاج تصيرين اختي
ليار : يلا امشي ولتتوترين يحيلي
منار : تمام تمام بس اسنديني راح اوكع
ليار : حاضر سندتها ورحت وديتها للكوشه وكعدت يمها والعالم جانت ملتمه بس خالاتي بعدهن مجايات شويه شويه بدن يجن خالاتي بس خاله مها لحد لأن مجايه شويه ودخلت خاله مها هيه ومرام وسالي كمت شفت مرام لابسه فستان نيلي وبي فتحه من الرجل وتول من الصدر وضهر وحاطه مكياج خفيفه وجانت طالعه تخبل كتلها شنو هل جمال مرت اخويه
مرام : ياروحي انتي والله انتي الجميله
ليار : سلمت عليها وباوعت على سالي مرت محمد لابسه فستان رصاصي غامق ومكياج خفيف وطالعه حلوه سلمت عليها وكتلها ربي يبعد عنج الحسد
سالي : شكراً كلب
ليار : لعفو حياتي عفتهم ورحت يم منار واجتي مرام ورايه كومتني وركصنه ودبجنه شويه وكالو الزلم راح يدخلون كبل لبسنه شالاتنا دخلو وهنا شفت محمد لابس بنطرون اسود وقميص اسود وعضلاته بارزه من القميص ضلو الولد يركصون ويكولون كولات اني مقصرت هم ركصت بس اجه نضري على محمد جان يغزرني اني كبل وكفت عن الركص هوه بتسم بوجهي بس شافني وكفت عن الركص بس اني ضجت وكلت ليش هيج سوه هوه شعليه
أنت تقرأ
احببت ابن خالتي
Randomالسلام عليكم القصه تحجي على بنت حبت ابن خالتها تعالو نتعرف على أصحاب القصه
