عشق يوسفي

part 4 /2

مساء الخير 🤍🤍

أسد :-

تندمت أني اخذته وياي بالسيارة جان مأصار الي صأر بس اني همين جنت غلطان لحيت وياه زيادة عن اللزوم مادري ليش من شفته ملابسه عصبت كلش واخذته بسيارتي لان ماريد احد بالطريق يتعرض اله وهوا وحده مجان لازم أدخل بملابسه لاني مجرد أبن عمه بس من جاب سيرت نرمين اني هنا فقدت وتخبلت عليه حرفيا مادري شصار بيا كلش عصبت عليه وتماديت عليه ومديت ايدي عليه اعترف أني غلطان بس ايضا يوسف جان همين غلطان مايصير هيج يحجي ويكول وعفته وحده بالطريق وحده لاني مجنت بوعيي وبسرعه رحت للمقر ودخلت للسجن نزلت طيحه ونص بالمجرم الي لزمت اني قضيته طلعت قهري كله بيه بالكوة فكوه من ايدي الكلب مايقبل يعترف الحقير أيدي راحت من كد ما ضربت بيه رحت للحمام غسلت ايدي وجهي وباوعت على انعكاسي بالمراية وذكرت يوسف وضربت المغسله بيدي حيل شلون عفته وحده طلعت التلفون ردت اتصل عليه بس اذكرت اني حتى رقمه ماعندي اصلا شون اتصل عليه مادري طلعت رحت للمكتب شفت الملفات جانن بس ملفين خلصتهن وكمت اخذت مسدسي وطلعت من المكتب صعدت بالسيارة وتوجهت للبيت اريد ارتاح شوية احس التعب مأكلني أكل وصلت تقريبا لرأس الشارع جان اشوف سيارة فرمان نزل منها يوسف استغربت اني هنا كلش وبقيت السيارة بمكانها ماحركت ضليت اباوع شيسون بنفس السيارة وهمين كلش عصبت وحسيت بنار بكلبي وبجسمي  كله ماكدر اسيطر على عصبيتي النار وبعدها شفت فرمان نزل جنطه جبيرة شوية من السيارة وشفت صفاء بيده نبراس متجه الهم من فرمان شال نبراس وانطاه ليوسف اني هنا احس همين راح افقد وعصبت اكثر وضربت مقود السيارة بقوة وفتحت الجامه وتنفست صارت عيوني حمرا ليش مادري ليش هيج احس حتى نرمين الله يرحمها ماجنت احس بهاذا الاحساس من جانت تحجي ويا فرمان وتشاقة وياه وصير ملامسات بينهم بس هسة من شفته شوية طخ يوسف احس تخبلت شفت فرمان حرك السيارة وبقو يوسف وصفاء بالشارع وجان اسمع ضحكه يوسف وبسرعه حركت السيارة اتجاهم بس ماطبكت يمهم شوية بعيد عليهم وجنت وراهم يعني مو كدامهم حتى يشوفوني نزلت ورحت عليهم من صحت بيهم بعصبية وبحده انتبتهت على يوسف الي اختفت ابتسامته الي اخذت عقلي بسرعه وخرها ونزل انضاره للارض اني سويت نفسي ماهتميت بس جذب اني مهتم وكلش همين وأخذ كلبي ويا عقلي همين من شفته شايل نبراس معقولة احبه استغفرت ربي بيني وبين نفسي شكبرني شكدني يسوي هيج بيا عمري كله محد جذبني مثله بالرغم من صوته العالي والسانه الطويل رد علي بعدها صفاء وطب من شفت يوسف يريد يلحكه مادري شون صحت باسمه مادري يمكن مااريده يروح اوف يا كلبي مجاي اعرف شبيك  ولا جاي اعرف شتريد من التفت علي وصارت عيونه بعيوني مادري شكله معقوولة اكله والله بس هيج حبيت انطق اسمك اكيد لا فأتخذت من نبراس حجه واخذته من يدين يوسف الي عبس بخفه ابتسمت من الداخل بس مو معناتها هاهية اني راح اسامحه اذا اعتذر طبعا والي فاجأني اكثر انه ورا شوية جا اعتذر وجان وجهه مو تمام مبين انه جان مدمع ماجتت ناوي ارد عليه اصلا بس الساني مدري شلون طلع هل كلام ويوسف ماقصر بالرد هو والسانه الي يلعلع ابد ماقصر كمت بسرعه عليه وجريته من زنده ردت اكضي بيه التوبه بيت ناس غربه وبيه زلم وهيج لابس ويعيط لا وصلت حدها عاد وياه عطت بيه وصيحت عليه وهوا همين وخر ايدي بقوة عنه طبعا اني جنت مخفف قبضتي على ايده لذالك كدر يسحبها وراح يريد يشيل نبراس بس ماخليته وبسرعه صعدت فوك هسة اكيد يوسف عصب سمعت خطواته على الدرج .