اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
افترضي انك مثلا لما بتزهقي او بتحسي باكتئاب، تخرجي علشان تغيري جو، فترجعي نفسيتك احسن
لو انتي مريضة اكتئاب، هتحاولي تعملي كدة برضو، لكنك تخيلي انك مشلولة وحد تاني هو اللي بيحركك على كرسي بعجل، وهيوديكي اماكن مبتحبيهاش، وكلها دخان وبيجيلك ضيق نفس .. تخيلي كمان انك خرسا، فمش قادرة تقوليلهم انك مش قادرة تاخدي نفسك .. وهتموتي وتمشي، لكن كل اللي حواليكي بييجو عندك مبتسمين وبيقولولك اي خدمة خرجناكي، يلا قومي ارقصي بقى .. ومبيبقوش فاهمين انتي ليه مش بتقومي ترقصي وتغني معاهم
اهي دي حياة مريض الاكتئاب
اي حاجة في الدنيا مش بتبسطه .. لكن الاكتر ان حتى الحاجات العادية زي غسيل الوش او النزول من السرير بتكون شبه مستحيلة والاصعب ان كل اللي حواليكي مش فاهمين المشكلة فين لانهم مش حاسين باللي انتي فيه
معظم الوقت الاكتئاب بيكون على هيئة نوبات والوقت الصغير بين النوبات ممكن نضحك ونعيش عادي واصلا احيانا وسط النوبات بنضطر نهزر ونشتغل عادي، لان الدنيا مش بتستنانا ولازم نتعود نعيش حتى وسط نوبة الاكتئاب
اتمنى اكون وصلتلك الصورة حبة
خدي حضن 🤗 -------------------------------------- ابعتولي اي سؤال او فضفضة على http://yousefzaki.sarhne.com (اللينك المباشر على صفحة بروفايلي) وهنزل الرسالة والرد هنا في جزء مخصوص
