اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اسئلة كتير ومعنديش اجابات 😅
كل حاجة من دول عاملة زي السلم .. يعني بنطلعها خطوة خطوة
انا بس عايز اركز على حتة حب النفس
حب النفس بييجي من (القبول) انك تقبل انك عندك نقط ضعف، وانك بتغلط، وان فيك صفات وحشة .. زي اي بني ادم عادي
لما بتفهم دة بالتدريج بتلاقيك بتتصالح مع نفسك، ومش بتلومها على كل حاجة .. لان طبيعي انك تغلط
مش هتعرف تبقى احسن واحد في الدنيا .. لكن تقدر تبقى احسن بدرجة صغيرة من نفسك بتاعة السنة اللي فاتت .. ومش مطلوب منك اكتر من كدة
يعني الكفاية هو انك تحاول تستغل نقط قوتك والظروف المحيطة بحسب مقدرتك عشان تبقى احسن كل يوم ..
لكن دايما هتفضل عندك نقط ضعف ودايما هتلاقي ناس اشطر واغنى منك .. دي الحياة ومش هنعرف نغيرها
خطوة واحدة كل يوم كفاية اوي ❤
وخد او خدي حضن 🤗 -------------------------------------- ابعتولي اي سؤال او فضفضة على http://yousefzaki.sarhne.com (اللينك المباشر على صفحة بروفايلي) وهنزل الرسالة والرد هنا في جزء مخصوص
