محمد(بوسيف) مريوم روحيي غرفتج ولاتنزلينن للين ماايي
اليد: محممد خلههااا البنت غلطت وعادي الواحد يغلط الحمدالله هو بخير
مريوم: السموحه من الكل وانا بسير الغرفه وصعدت وهي زعلانه بس بعد مستانسه لان هي الغلطانه ومستحيل تطلعه هو الصحح يعني هي غلطانه وخذت غلطتها وراحت غسلت ميكبها وبدلت ملابسها ورقدت
خليفة(بوحمد): محمد لا تعصب عليها البنت ماسوت شي
حمد: عمي اسمحلي بس ترا البنت ماغلطت انا خفت يصير لها شي وصار اللي صار البنت امانه بعد عمي عشان خاطريه لا تعصب عليها ترا انا هني جدامك مافيه شي وهاي ايدي عطها اسبوع وبيشيلون الجبس(التجبير) فعمي ليش تعصب عسبت شي مايستاهل
محمد(بوسيف): مسمووح ياولد اخويه ولا تخاف مش معصب عليها بس ابا تعرف الغلط شوي
طبعا كل واحد راح يرتاح لين ما العاملات يزهبون الغدا ويرتبونه ع الساعة 2:33 فالعزبة الكل متيمع ع الفره إلا مريوم
اليد: مريوم وينها ماتبا غدا
فطوم: انا دقيت الباب جم مره محد يرد واساسا حصوه عندها فشكلهم راقدين
اليد: انا بسير اجوفها
محمد(بوسيف): لا ابويه خلها انا بسير
سار محمد(بوسيف) فوق ودق الباب بس محد رد ورد يدق
مريوم بصوت فل رقاد: فطووم شو تبينن؟؟
محمد(بوسيف): انا ابوج
قامت مريوم وفجت الباب عنه
محمد(بوسيف): مريوم اسمحيلي اليوم صارخت عليج ماكان قصدي بس عسب تعرفين انه غلط اللي صار
مريوم: لا بابا مسموح وانا اعرفك اصلا ماتعصب إلا ع الغلط وانا اعرف غلطتي عسبت جيه قلت
محمد(بوسيف) باس راسها: فديتج بابا يلا تعالي غداا
مريوم: شكلهه يدووه اللي طاابخهه عطوني ثواني البس وبي
نزل محمد ومريوم بس لبست مخوره وشيله ونزلت ركض والكل يطالعها مصدوم
اليده: عوذ بالله بلاج تركضينن؟؟
مريوم: يدوووه اسالج بالله انتي اللي مسويه الغداا؟؟
مريوم: هيه ليش
مريوم: ياااسلااام انا يوعانهه الصراحه
الكل:ههههههههههههههههههههههههههههههههههههههههههههههههههههههههههههههههههههههههه
اليد: فديتج ياالغاليه تعالي عدالي ايلسي
مريوم: ويي يديه لو بتاكلني بقعد عدالك اما لو مابتاكلني بقعد عدال ماماتي
اليد: تعالي تعالي باكلج وبقطع لج اللحم بعد شتبين
حمد: جنه هي اللي ايده مكسوره هب انا
