نروح لمريوم طلعت عالطول ودقت لغيث
مريوم: هلا غياث
غيث: اهلين مريوم شحالج
مريوم: الحمدلله طيبه شحالك انت ها بشر شسويت
غيث: والله شقولج
مريوم: قول قول شصار وياك
غيث: حصلت ولد خالتي ورمست وياه
مريوم: يرمس شراتنا؟
غيث: لا يرمس مغربي
مريوم: وكبف فهمت عليه؟؟؟!
غيث: شفيج ترا اعرف ارمس مغربي
مريوم:جذاااب
غيث: والله
مريوم: انزين شصار؟؟
غيث: قال انه هو حاول وياهم وقالهم انه مالي حد بس محد سمع رمسته وخالتي حلفت عليه انه لو لحقني لا هو ولدها ولا شي وقال انه عصبو عليه وقالو هو عنده اهل ومحد يقدر يتحمل مسؤوليتي وقال انه واحد من خوالي حاول انه يدورني بس ماحصلني من بعد ما يديه سال عني عندهم قال انه الحين خالتي تدورني وتبا تعتذر مني عالايام اللي فاتت ويبوني ارجع لهم بس انا قلت له انه مابغي اجوفهم خلاص دام مايبوني انا ماباهم وانه اصلا اساسا كنت ابغي اعاتبهم بس فكرت فيها خلهم لا يعرفون عني شي وقلت لولد خالتي مايقول لهم انه حتى جافني وانا بقعد ع تواصل وياه
مريوم: احسن لك سويت الشي الصح وانت ياغيث تحملت وايد منهم ومنا والحين دورك تسوي اللي يريحك
غيث: بس انا ماالومكم لان ماكنتو تعرفون عني بس ماعليه اللي صار صار ان شاءالله باجر انا فالبلاد بجوفكم قبل لا تسافرون
مريوم: ان شاءالله عيل منو بيبك من المطار؟
غيث: محمد اخو شما وشما بيون
مريوم: بسير ويااهمم
غيث: يلا ايلسي مكانج انتي وراج سفر ارقدي وريحي
مريوم: جنك حمد عوذبالله كلكم ذكور
غيث: لا والله
مريوم: هيه يلا سكر بروح اتعشا
غيث: يلا باي
وسكرو وراحت داخل
حمد: شفيج جي قمتي؟
مريوم: رحت اجوف غيث لو جاف اهله ولا بعدهم
خليفة: شقال لج؟
خبرتهم مريوم كل شيي
ذياب: احسن له
مريوم: يدديهههه
اليد: امري شيخه البنات
مريوم: شرايك تسافر ويانا
اليد: والله ودي بس خلني فالبلاد احسن
مريوم: افا ماتباني يعني؟
اليد: يالله شهالرمسه
مريوم: اتمصخر والله فديتك
فطوم: مريوم باجر شو بتلبسين؟
مريوم: جوفي بلبس بنطلون بيج وقميص ابيض هاي نك وباخذ ويايه كوت لان الجو بارد هناك
فطوم: يسلااممم
مريوم: انتي شراح تبلسين؟
فطوم: للحين ماجفت ولا اخترت
مريوم: طععع
وقعدو يسولفون وعقب كل واحد راح بيته ورقد
ع الساعه 11:45 قامت مريوم ع صوت فونها
