قراءة ممتعه ❤️🩹واني اسد الباب شفت ابوي جاي ... عيونه بكصته والتراب وراه ومبين من ملامح وجهه اخذ غير نظرة
من شفته هيج كلت الج الله يا سناء ! مشكله اني حتى حجابي مالابسته نسيته.
بسرعه رجعت ليوره وباوعت عليه جان واكف ويباوع باستغراب عفته وركضت للمطبخ وخليت شال على راسي
جان هو بقه واكف شوي واجه ابويه وكف يمه ويحجي وياه وساله كم شغله من كد توتر مانتبهت شنو سال
بعدين خله وراح وهو ركع الباب وراه ووكف بنص الحوش وصاح
: ولججججج سناااااءءء ياااعارررررر لازمههه الزلمهه وفجج سوالف وياهه!
يا ماتستحيننن وينجج اليوممم الا اطيححح حظج.
من شفته اجه اني بسرعه ركضت للمخزن مالي وقفلت باب عليه واسمع صوتهه شلون يصرخ ويفشر
ويغلط علي بديت ابجي وارجف وجسمي بده يحركني نوب محد موجود حتى لو يكتلني محد يدري.
اجه على باب يركع بيه ويتفل
: لجج ساقطههه من انتيي وصغيرهه تلعبيننن بذيلججج . والعباسسس الا اموتججج اليومم.
ابوي عنده تعقد من هاي شغله وخاصه من يمي عباله اني بيه نقص عقل وكلشي اسوي عادي لذالك من واني صغيره
كلش جان متشدد وياي ...مهم لفيت نفسي بالازار وشغلت مبرده اعلى شي بلكي صوتها يوخر صريخه
الان ماريد الوث سمعي بالحجي الي يكوله... وبقه يركع بالباب ويفشر حسيت على اي ساعه يوكع ويدخل عليه ابوي
بقيت ادعي من كل كلبي يجي واحد من اخواني لو اي واحد ... بقه بالنص ساعه يدك
: لج ساقطههه عبالجج ماللكفججج الا اموتججج وحك عباسسس اطيح حضججج ...لازمهههه الزلمههه
وتحجيننن ويااههه شعندج؟ اني هذااا الولددد اعرفهههه كلششش زينن بس انتييي اللههه اعلممم بيججج
شككدد حاجيههه وي ولددد هااااا احجيييي لجججج ادبسززززز.
نزلت دموعي بغزاره وره كلامه يعني يثق بابن صديقه اكثر مني؟
بقيت ابجي بدون صوت خليت راسي بين رجلي واني ادعي ربي بهذا الدعاء للامام الحسين الي قريته باحد الكتب؛"اللهم يا مسهّل الشديد ويا مليّن الحديد ويا منجز الوعيد ويامن هو كل يومٍ في أمرٍ جديد، أخرجني من حلق الضيق الى أوسع الطريق، اللهم ادفع عني مالا أطيق، ولاحول ولاقوة الا بالله العلي العظيم".
ماعرف شوكت راح الان من رفعت راسي ماكو صوت ...صارت عيني على مرايه على حايط
بقيت صافنه على نفسي وعلى شكلي ...من غير كل العشيره الا اني هيج طلع شكلي.!
صفنت اكثر على بشرتي الصفره كلش وبيضه شاحبه عبالك مال موته... وشعري الاصفر مدري ابيض
خفيف كلش و عيوني لونهن غريب كلش مثل اللون البنفسجي ! وجسمي الضعيف ونحيل كلش وهم لونه اصفر
اختلف عن المجتمع الي عايشه بنصهم يتميزون ببشرتهم السمره الحيويه وبشعر اسود مثل سواد اليل وثخين كلش
وعيونهم الواسعه البنيه لو السوده وضخامة اجسامهم ...مثل اختي الاصغر مني مبينه اكبر مني ب خمس سنوات
بالنسبه الهم كبرها طبيعي بس اني الي بيه الخلل ... كلشي بيه يختلف كلشي.
ماعرف مر شكـد وقت الان سمعت صوت امي جاي تصيحني اخذت نفس وفتحت باب على كيف
سمعت الاصوات منو ومنو وماسمعت صوت ابوي من تاكدت نزلت ركض لامي
لكيتها وي نوره وجهال كاعدين حولها ...رحت شمرت نفسي بحضنها واني ارجف
هي اخترعت ونوره بقت صافنه ...مسحت على شعري وكالت
: شبيج يمه سناء شمالج؟
من كالت هيج عيوني وحدهن صبن وبقيت ارجف ...جان هي تقره على راسي وتمسح
هديت شوي وكتلها كل سالفه
: ها يمه والله اني ماكلت شي ولا سويت شي بس ابويه من شافني راد يكتلني.
هي بقت صافنه محتاره شسوي تعرف ابوي اذا رجع راح يسوي مصيبه واحتمال انكتل ويحرض اخواني عليه
بس اني كلت بس اشوف اخواني افهمم قبل لا يجي ابويه ويذب جذب ويصدكونه
بقيت بحضن امي الي بقت ساكته ونوره بس تباوع بعيونها ...شوي واجو اخواني كلهم هم ونسوانهم
جان امي تحجي : يمه عندي موضوع وياكم !
هم صفنو عليها وعليه الان جنت بصفها ووجهي مبين عليه البجي
جان كمنه للديوانيه وسدت الباب وحجت
: يمه تعرفون ابوكم شلون يعامل سناء ومو حاجه احجيلكم عن تفكيره مو؟
هزوا راسهم وهم ساكتين ...جان بدت تسولفلهم كلشي
: يمه وهيج وهيج سالفه وانتو تعرفون اختكم كلش زين وهي صح غلطت من فتحت الباب اله
بس اني خوفي من ابوكم الي مايفهم شي ...
حجه طراد :بس الغلط من سنيه؟
جان اندار عليه ويخزر
: منو عاتب عليج وتفتحين الباب ...كم مره محذرج اذا محد بالبيت لاتفتحين باب لأي واحد؟
اني سكتت ودنكت راسي بخوف
امي حجت وهي تهدي بيه
: اي يايمه جا هي غلطت بس ابوك فاهم غير شي وهنا مشكله يمه.
سكت طراد وبده ينفخ... باوعلي محيسن بنظرات مطمئنه وكال
: باعي يمه سناء ابد لتطلع من يجي ابوي واني افهمه كل سالفه واكله اني وصيتها تفتح باب اله.
ابتسمت امي وكالت
: اي يبعـد امك بس لا تخلون ابوكم يوصل بنيتي وعلي بس يوصلها اموتن وراها.
كلنا حجينا: اسم الله عليج يمه .
حجه جابر بجديه
: بس بعد ديربالج تفتحين باب خوش شفتي نتائج غبائج.
هزيت راسي واني ساكته ... وبدو يتناقشون ويحجون شلون راح يقنعون ابوي بالفكره
ترخصت منهم ورحت للمخزن مالي وكلولي اقفله من جوه للاحتياط وقفلته.مر وقت وصار الاذان وصارت ساعه ب 8 ونص بالليل واسمع صوت صياح جوه وميزت بينهم صوت ابوي!
جسمي رجف وتقربت من باب اسمع الحجي
ابويه : ولكمممم ويننن هاييي العارررررر ساقطههه وحق العباس اليوم متبقى تشم الهوى.
كلماته كزبرن جسمي ولطشت على باب اكثر وارتكزت عليه ...سمعت صوت طراد وهو يهديه
: بويه شني سالفه على كيفك وي نفسك !
ابويه : وحق عليٌ ابن ابي طالب هاي ام زلم اطيح حضها وينهاااا صيحوهااا الييي!
حجه محيسن وكال : بويه غير نفهم شمسويه
ابويه : ولكممممم واكفهههههه وي زلمه ودك سوالف وياه باب الشارع الماتستحي.
محيسن : بويه ترى اني وصيتها تفتحله باب حتى يدخل عراض موصينها عليه.
سكت ابويه شوي ويمكن اقتنع بسالفه بس بقه يصرخ ويحجب على محيسن
: ولككك شني تخلييي حرمه تفتح الباب نوب منو سناء سكطط ...
وبقى يرزل بيه وبينه وامي تحاول تهديه واخواني كلهم والوضع تخربط واني كمت ارجف وعيوني ماكمت احس
بيهن رحت شربت علاجي وتمدتت على جربايه واسمع بس صريخهم من جوه تقريبا ال 10 ونص
يلا فضت سالفه وستكوا وقنعو ابوي تقريبا
شويه وصاحوني اخواني نزلت على كيف ومالكيت ابوي موجود يمكن راح نام
كعدت بنصهم وفهموني اذا شفت ابوي ابد متحجي وياه او اكول شي ومااعيد الي سويته ابد
محيسن: فهمت بعد ميحتاج نعيد حتى لتصير مثل هاي مشكله خاف انسدت مده تجي ماتنسد خوش!
هزيت راسي باي ... جان حجت امي
: يمه اني ما مقتنعه بابوكم وعلي احسنه عده دسيسه مو معقوله يعدي موضوع هيج بساع.
اخواني سكتو الان كلام امي صح وهزوا راسهم وكالو الله كريم وكلمن راح لفراشه وطفو اضويه البيت
وفرغ بيت ورحت طلعت للحوش مثل كل مره هيج وقت...
اخذتلي زاويه وكعدت اندب وابوي على حضي
ليش مو مثل كل بنات؟ ليش ابوي هيج يكرهني ويعاملني بهل شكل؟ بسبب شكلي لو اكو سبب
حتى بابوي حضي ماكعد ...لا بشكلي لا عيوني لا شعري لا جسمي وحتى تفكيري نوب يجي عليه ابوي
كعدت اتامل نجوم وعيوني تجري دموعها بشكل جبير واعرف مو زين عليه بس
ابجي افرغ الي بداخلي الي محد يفتهمه لو افر دنيا كلها .يتبع...........................
شنو رئيكم بتصرف محيسن؟
وحاله سناء؟
وتتوقعون الاب صدك يخطط لشي💀؟؟؟دمتم سالمين ❤️🩹
![](https://img.wattpad.com/cover/336841837-288-k319742.jpg)
YOU ARE READING
ضوء القمر
Fantasyصرخت بكل قوتي واني الهث بسبب التعب مال اليوم :اييي...انيي عدوتكك! وعدوةة الكلل! حتى الشمس! ورة ماحجيت هو بقى ساكت ...وبعدين كام يضحك وكال : واني الليل بنفسه ...خاف انتي عدوة الشمس اني مالتقي بيها اصلا! .................. قصة تروي عن شخص تسبب في معنا...