ساكن قمر احبابنا بين الهدب والعين

32

ابدو بذكر الله
.
.
"العشاء في المقلط عند عناد ومجد"
كانت جالسه تسوي كيكه وطلعت ترتب المكان و تلبس فستانها الي كان ازرق وماسك على الجسم
مجد:واو كاني اميره !!
جلست على الكنبه تنتظره يجي
دخل عناد والتفت وشافها وشاف التجهيزات
عناد:الله الله حركات وبركات
مجد:شرايك؟
عناد:تهبل تهبل
جلس جانبها
عناد:هاذا عشان وش؟
مجد:عشانك طلعت من المستشفى!
عناد:الله عشاني ويلومني اذا حبيتك !!
مجد:حتى انا احبك شوف الكيكه كيف طعمها؟
ذاق عناد الكيكه وابتسم يعطيها:حلوه !
مجد:صدق؟
عناد:والله حلوه الذ كيكه ذقتها !
ابتسمت مجد وحضنها عناد
عناد:الله لا يحرمني منش
-الصباح-
احمد:راشد قم اطلع العيال طلعو وانت باقي نايم
راشد:يبه شوي بس!
احمد:لا قم يلا لا انادي لك عمك عبدالله
فز راشد:لا لا يبه قايم قايم
طلع راشد بعد ما مسح وجهه
"كانو في الحوش متجمعين ويفطرون ويناظرون التلفزيون والراديو بجنبهم شغال على القران"
ملاذ:ارائكم يا أعزائي المفطرين كيف الفطور؟
عبدالله:انه لذيذ جدًا هل انتِ من قمتي بوضعه؟
ضحكت ملاذ على ابوها الي عطاها على جوها:نعم يا ابي انا من قمت برضعه!
عبدالله:ان حقا لذيذ ولكن ينقصه بعض الملح !
ملاذ:صدقت يا ابي
ضحكو عليهم الموجودين
عناد:ياربي ابوي تهكر
اديم:كله من التلفزيون هههههههه
لجين:هل اعطيتني من عندك الشاهي!
مجد:خذي
لجين:شكرا
مجد:عفوا
وسن بهمس:ماما بجيب العابي ابي جدو احمد وعبدالله يشوفونها
ديمه:روحي
ركضت وسن تجيب العابها وجلست بجنب احمد
احمد:ما شاء الله وش معاك؟
وسن:معي إبره و سماعه من منكم مريض؟
عبدالله:انا مريض
راحت وسن بجنبه:ايش اسمك؟
عبدالله:اسمي عبدالله الَ سند
وسن:وش يعورك؟
عبدالله:صدري
جابت وسن السماعه الطبيه وحطتها على صدره ضحك عبدالله عليها
وسن بحيرة:امممم صدرك يدق بسرعه رح عند راشد يعطيك الادوية عشان يخف مرضك
عبدالله:من عيوني نروح له
طلع راشد لعبه على شكل دواء:هاذا هو دواءك عليك ان تلتزم بو !
عبدالله:طيب
عناد:وانا تعبان بعد يادكتورة وسن
جت وسن عنده:وش فيك؟
عناد:قلبي
وسن:قلبك يعورك لانك مو جالس بجنب مجد
الكل:ههههههههههههههه
انس:وسن عيب يابابا!
وسن:طيب بس قالت له
ديمه:ايوا شفيك عليها
عناد:والله انك صادقه قلبي يعورني لاني مو جالسه بجنبها
وفز يجلس بجنبها
عبدالله:وعلى طول اصبر طيب
عناد:هههههههه
فاطمه:بنات اليوم حنا رايحين عند ام سهيل احد يبي معنا؟
ملاذ:انا
مجد:وانا
عناد:وانا
فاطمه:عيب قديك كبير
عناد:يمه تراها ترجع تقرب لي
عبدالله:من فين؟
عناد:اء شسمه ابوها اخوك
عبدالله:ذكي جدا يا الفالح اخوها جدك خال امك يعني هي جدتك وخاله امك!
عناد:صح صح كيف يصير ابوها اخوك نسيت
راشد:شكل اثار فقدان الذاكر جت بديت تصير شايب
ضربه عناد:شايب بعينك يا التبن
راشد:عمه منى مو ناويه تزوجين سهم وتفكينا منه
منى:بدري ياولدي
سهم:ليه ياحبيبي مضيق عليك؟
راشد:مراا
احمد:نزوجك انت بداله
راشد:صح انا بتزوج من الديره يمه يبه موافقين ؟
رهف:ونعم نختار لك وحده من بناتهم
راشد:موجوده البنت
عبدالله:من منا ؟
راشد:سر ياعم
عبدالله:امحق سر ، بعد الفطور توزعو انت وعناد وسهم الدكان وهتان و انس عند الحلال
"بعد الفطور توزعو وجلسو البنات برا ومنى وفاطمه و رهف راحو عند ام سهيل والبنات ماراحو"
ملاذ:مجد صبي لي شاهي!
مجد:من عيوني
ساره:بنات تخليو يوم رحت معا هتان عند الحلال طلعت لي الابل و خرعتني
ضحكت ملاذ:تخيلت شكلك وانتِ تصارخين ههههههه
ساره:ليتني صرخت بس الا بكيت
اديم:افا عليش بكيتي من فاطمه
لجين:من فاطمه؟
مجد:الناقه عمي مسميها على عمتي فاطمه
ديمه:الله كيوتتت
ملاذ:هاذا هو حب الاولين يا جاهلين!!
مجد:حتى عناد ترا مسمي ناقته على اسمي
اديم:ايوا هي باقي عايشه؟
ملاذ:اي وجابت اثنين وتخليو بعد عناد مسمي ولدها متعب
لجين:الحبب افعاللل
مجد:صح مو كلامم
لين:الله تخليو سعد مسمي ناقته على اسمي !
ملاذ:حبي هم ما عندهم ناقه عندهم غنم يمكن مسمي غنمته على اسمك
فطسوا البنات ضحك
ديمه:دعس وفرم وهرس خواطر هههههههه
رمت لين عليها المخده:انقلعي ما امداني اتخيل
ساره:تخليت شكله وهو ينادي الغنمه يا لين يالين
لجين:تكفون ههههههههههههه عزتي لك يا لين
لين:تتوقعون اتخطى؟
اديم:ههههههههه مستحيل!
مجد:معليك بجبر خاطرك عندهم خيول يمكن الخيل بأسمك
ارسلت لين بوسات:الله يجبر بخاطرك يا مجد
مجد:امين
ملاذ:وعندهم كلاب يمكن مسمي كلبه عليك!!هههههه
ضربتها لين:ملاذذ !!
وسن:الحين سعد ذاك راعي البقاله بيتزوج لين؟
ديمه:ايوا بس ياماما هو مو راعي البقاله
لجين:حب البقاله واو هههههه
لين:اح ههههههههه
ملاذ:بدايتهم كانت بضربه بلعبه البطاطس
ساره:اغرب من كذا مافي
اديم:في ياحياتي في هههههههه
ملاذ:عندك ديمه وانس حبها من اول مساعده
مجد:شسالفه كنت في الرياض !
ابتسمت ديمه:كنا انا وياه نشتغل معا بعض و انا طاحت علي اوراق وجاء ساعدني و حبني وبس والله
لجين:اذكر وقتها جانا عقله مو معاه بس من يلومه
ملاذ:قصتهم مثل المسلسلات
اديم:صح تقولين اتراك
شهقت ملاذ:يوههه ذكرتني حلقه المسلسل بدات
راحت تجيب فصفص ورجعت تتابع
ديمه:بالله من باقي يتابع المصرييين ؟
ملاذ:اناااا ومؤيد ونص ابها يتابعون
مجد:بنات نسوي باستا؟
ملاذ:اتقي الله تونا قايمين من عدس و فطاير و جبن
مجد:نزود عادي عادي
اديم:خلصت روحو انتِ ولين ركض البقاله واشترو
لجين:مو الحين نسويها قرب التسعه كذا نكون وقتها جوعانين صدق مو الحين
ديمه:صادقه
لين:شوفو التبن نوال شو منزله
ساره:وش
لين:تقول عندنا ناس الله يوفقهم وبس يتزوجون من ديره
وهيا خذلك الحين لا طلعات ولا شي بس جالسين مكروفين الله لا يبلانا!!
ملاذ:انا اوريك فيها دقي عليها اسفل فيها
مجد:اغسلي شرعها تكفين
ساره:عاد هي غثيثه وانتِ لسانك طويل بالله بردي حرتي
ملاذ:ازهلو ، اجل تقول عيال الديره ما يطلعون زوجاتهم انا اوريها كيف الطلعات
لين:خذي اغسلي شرعها
دقت ملاذ على نوال وما بقت سبه ولا دعوة ما قالتها لها
صفقت لين:عاشت بنت خالي عاشت ملاذ
ملاذ:لاداعي لاداعي
مجد:قالت لك شي ؟
ملاذ:ايوا تقول شدخلك انتِ وانا صامله اسب فيها
ساره:انشهد انش كفو
ملاذ:من يومي كفو
لفت ملاذ تتابع الحلقه و البنات وراها يسولفون و يشربون شاهي
ساره:بنات تتوقعون خالتنا جابت بنات؟
اديم:محد يدري
مجد:مين خالتكم؟
لجين:عمتنا سلسبيل تزوجت واحد من قطر وهجت معه والا الان محد يعرف عنها شي!
مجد بصدمه:معقوله وعمي وعمي احمد ما دورو عنها؟
لين:الا كان رقمها عندهم وكانو كل مايتصلون عليهم ترد طفله وتقول باي وتسكر !
مجد:غريب الوضع وشلون كذا؟
اديم:مدري بس من زمان هاذا الكلام لانها هجت وباقي ماجينا على الدنيا يعني تقريبا يمكن لها 25 سنه مختفية
مجد:اف اف
لفت ملاذ عليهم:اقول لكم سر ؟
لين:قولي؟
ملاذ:تراها باقي تتوصل معا ابوي !
اديم:كيف دريتي؟
ملاذ:شفته قبل اسبوع يكلمها
دخل عبدالله وجلس بجنبهم:مين اكلم؟
ملاذ:عمتي سلسبيل
عبدالله:على طاري عمتكم تراها بترجع
اديم بفرحه:والله؟
عبدالله:والله اليوم بيجونا هي وعيالها
مجد:عمي فضول كم معاها هي؟
عبدالله:ثلاثه عيال و اربعه بنات
لجين:تعرف أسماهم؟
عبدالله:ايوا إيلاف و دنا و جنى و كوثر والعيال اسر و اياد و اسير
ملاذ:اسماهم حلوه
لين:ايي
عبدالله:انبسطي يا وسن بتحصلين بنت تلعب معاك !
وسن:الله جدو هي كم عمرها؟
عبدالله:4 او 5 نفسك كم عمرها يا بنتي؟
ديمه:5 والشهر الجاي تدخل 6
عبدالله:الله يحفظها يارب
وسن:جدو هي كيف حلوه؟
عبدالله:ايوا مثلك
جلست وسن بحظن عبدالله
وسن:حتى انت حلو يا جدو
عبدالله:والله؟
وسن:والله!
عبدالله:مجد يابنتي صبي لي شاهي من عندك
مجد:ابشر
مدت مجد الشاهي لـ عبدالله
عبدالله:بتروحين معا عناد؟
مجد:ماكنت بروح بس يقول الي هناك بعضهم نفس كلامنا
عبدالله:يابنتي اذا انتِ ماتبين اجلسي
ملاذ بمزح:وشلون تجلس يبه تبي معا عناد
ضربتها مجد
عبدالله:ماعليك منها هاذي الي على لسانها تقوله
ملاذ:شدعوه يبه احد يقول لبنته و اخر عناقيده كذا؟
حضنها عبدالله:لا والله محد يقول لها السموحه ياروح ابوك
ملاذ:عادي يبه عادي امزح تراني
عبدالله:ماعليه
دخلو العيال وجلسو بجنبهم
انس:ديمه صبي لي قهوة
ديمه:ابشر ، احد يبي؟
عناد:بالله من عندك شاهي
راشد:ام قرون اعطيني من عندك البطانية (قال لها ام قرون لانها مسويه شعرها اثنين و مظفره )
ملاذ بعصبيه:لا دامك قلت لي ام قرون تحلم
قام راشد ياخذها منها وفزت تركض وهو وراها
سهم:خلاص يا بزران
عبدالله:ياعيال ترا عيال عمتكم و خالتكم جاين اليوم(هو قال خالتكم لان سهم تصير خالته)
هتان بصدمه:ها؟؟؟
انس:اف اف اذكرها يوم كنت بزر كانت تشتري لي حلاوه من البقاله
عناد:اكبر دليل انك شايب انك شفت عمتنا
انس:لا ياشيخ شايب بعينك
سهم:كم عمر عيالها؟
عبدالله:هم ثلاثه اياد عمره اتوقع 16 و اسر 20 و اسير 19
انس:ويدينهم باقي صغار
عناد:هههههههههههههه انت اكبرنا اذا جو اجلس معا ابوي وعمي
انس:ولايهمك
حضنه عناد:لاتزعل تراني امزح
بادله انس الحضن:افا ليه ازعل منك؟
جت وسن بينهم:لا تحضن ابوي رح احضن جدو
ضحك عناد:الطفله الغيوره
مسكها انس ورفعها لفوق:و يروحي على الي يغار على ابوه !
راشد:من عمتنا ومن انتم؟
هتان:سلسبيل
راشد:منهي سلسبيل؟
عبدالله:تعال تعال عندي
جلس راشد بجنب عمه
عبدالله:هاذي سلسبيل اختنا انا وابوك تزوجت وانتم باقي ماجيتو راحت قطر معا زوجها و لعد جتنا وكانت تتصل علي وتسال عليكم و اليوم هي جايه و بتجلس شهرين هنا رمضان و العيد
راشد:ها وبعد السنين هاذي فكرت تجينا ؟
عبدالله:ايوا
جو فاطمه و منى ورهف و احمد وجلسو معاهم
عناد:ماعلينا يلا نغني؟
ملاذ:يلا من زمان ماغنينا معا بعض
فز سهم يجيب العود من المقلط ورجع لهم شغلت ملاذ كميرا جوالها وحطته على جنب وراحت تغني معاهم وتصفق
ابتسم سهم وبدا يدق العود يغني:
مَنْ عَقَّبَ لِي صَار .. جِئْتنِي مُحْتار
وَفَرّ الْأَعْذَار .. تفداك السِّنِين .
طَيْر وَدَك طَار .. وَأَسْمَع بختصار
يَا زَمَن غَدَّارٌ .. وين الوافين