الحب اوقعني بجحيمك

Part 『3』

"الحب اوقعني بجحيمك "
    "بقلمي وردة النرجس"

لا تنسون التصويت+التعليق بين الفقرات♥

◼︎◻︎◼︎◻︎◼︎◻︎

عماد : لا بعدني ما شارحلج الموضوع عدل

صار قريب من يمي وفجأة رفع ايده خلاهاعلى وجهي حاولت ابعد ايده ولسوء حظي ينفتح الباب ويدخل دكتور مهيمن

مهيمن : هاي شجاااي يصير هنااا

أبتعد بسرعة سوه نفسة يعدل بالسترة مالتة
-عماد:ماكو شي

-مهيمن:تكدرين تطلعين نيران

عفتهم وطلعت خجلانه من دكتور مهيمن خابرت بابا كتله تعال اخذني عفت كُلشي وطلعت للبيت

◼︎◻︎◼︎◻︎◼︎◻︎

علي
الوضع متكهرب بالبيت والمشاحنات مستمره من كل الأطراف تكول كاعدين بين مشجعين برشا وريال كلساع واحد يصرح تصريح ويخلي الطرف الثاني يشتعل

دخل ابو الهمم يا اخي لو عندي هدوء جان عشت بنعمة ولا جن البيت مشتعل والكلاسيكو على وشك البدء دخل بهدوئه سلم على جدي وراح لغرفة ابوي ما اتحملت رجلي اخذتني وراه

لگيتة كاعد مقابيلة وثنينهم الأبتسامة على وجهم

علي: هااا حجيت وياه وهديته حته ما خليت
كل قيمه للكلاسيكو تدري بي مو حلو من دون مشاحنات الجمهور

-مهيمن:يا كلاسيكو شبيك أنتَ

علي:عوفك مني ها بوووية ها شگالك واقتنعت وتضحك

مهيمن : يعني انه ما اريد ازوج هسه وافقت بس حتى اهدي ابوي انه فكرة الزواج من اساسها رافضهه

علي : حلو بين قوسين تاخذ جدي ؏ كد عقله

-حسين:عيب بابا شهل كلام

مهيمن:انچب لك بلا قلة أدب تعااال أمشي وياي أريدك بشغلة

-علي:لككك هلا انه ما أجي

باس ابوي واترخص منه طلع يمشي للغرفة مالتة وانه وياه گال وهوَ يمشي

-أسمع أكو طالبة وياي

بعده ما مكمل كلامه وصفرت رووح جدي
طالبات وحبشكلات بعد اقره ؏ زهيران السلام

مهيمن : انتَ وجه واحد يسولف وياك صوجي احترمتك

علي : والله راح اسكت بس شبيهه هاي الطالبه وغمزتله

-مهيمن:شوف علي خليك جدي شويه واحكم بالصح خوش؟

-خوش موتتني سولف

-أكو طالبة وياي بنيه حبابة وصار شي ابد مو حلو اليوم ويانه دكتور ساقط ونذل جانت تحچي وياه ودخلت شفتة يحاول يتحرش بيها رزلتة رزالة ناشفة بَس ما برد گلبي خايف يخدعها!