الحلال اجمل (للكاتبه/شـيرين مـحـمـد)

كلمه للثانويه

السلام عليكم ورحمه الله وبركاته
عاملين اي يابنوتات
معظمكم عارفيني شخصياً وفي لا وانا طبعا من النوع اللي مش بحب انشر كل اوقاتي علي السوشيال أو بمعني اصح مش بفتح كتير انا عندي حاليا 19 سنه
كنت اتمني اني اكون طالبه ثانويه عامه واكون ليا شخصيتي وكنت عايزه ادخل كليه زي اي بنت بتتمني انها تدخل وتعيش عادي يعني انا في الابتدائي يعني مش هكدب عليكم كنت من النوع الهادي + اللي مش فاهم انا باخد اي ومكنتش بذاكر يعني عادي او مش عارفه دخلت الاعدادي مفهومي عن الدراسه وضحلي اكتر بدأت اذاكر شويه في كام ماده جيت في 3 بدأت احل امتحانات كتير للمواد وبدأت اذاكر لحد ما جبت مجموع بتعبي وجايبه مجموع يدخلي الثانوي وانا الصراحه مش اصريت اني ادخلها بسبب عارفه مصاريفها كتير + الحاله الماديه مش اللي هي + اني عندي لسه اخوات اصغر مني + انا عارفه اني اهلي هيجوزني لان لسه عندي اخوات بنات ورايا لان دا مجتمعنا اللي عايشين فيه
اصريت علي ماما تدخلني تمريض خاص عشان ابدا اشتغل وهي كانت سنه مكثفه +قدمت في صنايع فني بدأت اخد المعهد مع الدراسه وبدأت انزل تدريبات في حضانه اطفال وبعد 3 شهور تدريب من غير مرتب + كنت بروح اسبوع من 7 الصبح لحد المغرب واسبوع من 7 المغرب لحد الصبح +طبعا المستشفي والمعهد والمدرسه في مكان غير سكني يعني باخد مصلات ساعه يعني كان تعب اووي
بردو كنت هتعاين في الحضانه بقا واخد مرتب ظهر فيروس كورونا واهلي منعوني من اني اكمل عشان كورونا ووافقت وكنت بروح المعهد والدراسه علي العملي بس دا كله في السنه الاولى ثانوي
السنه التاني في الاجازه اتقدمي حد ومكنتش موافقه بس اهلي ضغطو عليا جامد وقتها ووافقت قريت الفاتحه 3 شهور وطبعا بحكم أن هو لسه في الجيش مكنتش موجود علطول كنت مرتاحه شويه + هو ابن عمتي يابنات مع اني مش مختلطه بحد من ولاد عماتي فكان زي الغريب بنسبه ليا حددو بقا الشبكه بعد ال3 شهور لابستها وحصل مشكله تاني يوم بنا يعني حاجه الصراحه م عايزه اقولها هنا ايجه جوز عمتي بقا يحدد الفرح بعد شهرين علطول وانا عشان مش موافقه لاني مش مرتاحه + لان مش هو دا الشخص اللي هأمن نفسي معه وفي حاجات منه مش كويسه مش عايزه أوضحه + كل الجيران مكنوش مصدقين اني اتخطب ليه وان الشخص دا مينفعنيش بس عشان قرايب واهلي خايفين من الزعل ما بنهم + بعد ما فركشت الكل الصراحه اتبسط اووي يعني محدش قال لي والكلام دا لا الكل قال انا مش عارفه انتي وافقتي ازاي المهم بعد ما فركشت اتقدمي عرسان بطريقه فظيعه + ناس كويسين بدأت افرض الكل من حتي قبل ما اشوفهم لدرجه انهم بقا بيجو مثلا لاهلي في الشارع عشان نوافق المهم بدأت الناس طبعا تتكلم هي رافضه ليا واكيد مستنيه حد أو بتحب حد كلام طبعا الناس عارفينو انا من قريه يابنات مش مدينه المهم عدي شهرين علي الخطوبه وكنت اخر شهور الدراسه بتاعت الترم الثاني وكنت علي امتحانات يعني
اتقدمي حد الصراحه من كتر الكلام الناس واللي بيتقال + أن هو كان شخص كويس وافقت اتخطيت شهرين بظبط واتجوزت يعني كان كل حاجه بسرعه لدرجه اني حسيت كل حاجه مكنتش حاسه بيها ولا كنت عارفه انا كنت بعمل اي سواء في تجهيز الجهاز واللبس وكل حاجه يعني اكتشف اني بقيت حامل + مسئوليه عيله + مسئوليه حمل مع العيله كان صعب جدا لاني كنت ضعيفه ومكنتش باكل وحملي مكنتش كويس جوزي سافر بعد الفرح بي3شهور طبعا مش هقلكم عشت احلي ايامي زي اي حد بيتجوز لا ملقتش الكلام دا كانت بمعني اصح ايام صعبه عديت شهور حملي+ كنت بكمل اخر سنه ليا كنت بروح المدرسه وزي ما بقولكم في مواصلات مع الحمل كانت تعبه اووي وبعد ما باجي المفروض ارتاح شويه طبعا مفيش الكلام دا كنت عادي كأني مكنتش في سفر ولا حاجه مع اني الدراسه كانت بعد الضهر بخلص كل حاجه قبل ما امشي بس مكنوش بيسبوني وكملت دراسه كنت بروح يومين بس في الاسبوع لان لازم اروح مفيش اعزار وانا كنت عايزه اكمل واكون معايا شهاده وطبعا شرط أنني اكمل دراسه بدأ الترم التاني مرحتش اول شهر فصلوني وبعتولي انذار روحت بقا وانا في اخر شهر ليا حمل+ اخر شهر دراسه وكانت ايام تعبه بس كانو صحابي بيهونو عليا + كنت برتاح شويه اخر اسبوع في الشهر ولدت بقا ومش اقولكم التعب اللي كان فيها طول الشهر دا تعب مكنش بقدر اقعد في العربيه الموصلات أو حتي في المدرسه واستحملت لحد يوم اللولاده بجدكان اصعب ايامي كنت بموت يومها لدرجه كنت بقولهم عايزه أولد كيسري مش قادره مش رضيو واستحملت وجع عدي سنه ونص اهو بس حاسه اني لسه عايشه اللحظه حاسه اني كل وجع وكل اللم بعيشه من تاني وكل يوم يفتكر اليوم
ا لحد الآن المهم بقا ولدت ابني حمزه جوزي جه من السفر بعد ما ولدت بشهر قعد 3 شهور بردو ومشي وطبعا الطفل بقا مسئوليه عليا واستحملت سهر وقله تقدير من الأهل وكلام كتير ومستحمله انا من صغري وانا بحب الخياطه كلمت جوزي عليه وبعتلي مكنه وبدأت اتعلم عليها لوحدي وبدأت اقوي نفسي بنفسي لاني عارفه محدش هيكون معايا ومحدش هشكر في اي حاجه هعملها سوء عملت أو لاء سبت المكنه شهور وركنتها بس كنت عايزه اعمل اي حاجه ليا بدأت أفكر اعمل اي لحد ما فكرت اني اعمل براند ليا للبس الشرعي وحاليا ليا شهر بعمل واجهز فيه وشجعوني يابنات لاني مليش غيركم بعض ربنا
وعامله صفحه علي الفيس ليا شيري للزي الشرعي عامله مسابقه فيها اشتريكو فيها وضيفو صحابكم فضلا وليس أمرا لاني هكبر بيكم بعد ربنا
الهدف من القصه أن مش الثانويه نهايه العالم
أن انتي احسن من غيرك
أن ربنا هو اللي عالم بكل احوالك يعني عمر ما ربنا هيختار ليكي الوحش ربنا بيديكي اللي يناسبكي أو عشان مجبتيش مجموع كويس ممكن الكليه اللي تدخليه تكون انتي القمه فيها وتكوني افضل من اللي نفسك فيها اهم حاجه الثقه بربنا وتكوني عارفه أن ربنا هيرضيكي بعد الصبر والتعب
متزعليش وهوني علي نفسك واحمدي ربنا علي كل حاجه وعايزه اقولك ربنا رحيم اووي بينا والحمدلله على كل حاجه
شيري
@https://www.facebook.com/profile.php?id=100077885505960&mibextid=ZbWKwL@

بنات ابعتولي ابعتلكم لينك الصفحه واسمها شيري للزي الشرعي صوره البروفايل في أول القصه

رأيكم بقا في القصه 😂😂😂