Ups! Gambar ini tidak mengikuti Pedoman Konten kami. Untuk melanjutkan publikasi, hapuslah gambar ini atau unggah gambar lain.
Maluku Pulau kacil di timur indonesia, yang kaya akan suku Yang hidup sederhana, walau cuma cengke, pala, deng sagu Mar katong tetap satu
24 tahun suda, ktong hidop deng trauma Katong masih inga, bagaiamana negri yang hidop damai deng samua perbedaan bisa ancor cuma gara-gara ego. Tagal satu seng mau jaga satu, Satu sg mau kasi inga satu Kalo katong ini maluku
Di maluku Katong dapa ika deng pela gandong Yang dong bilang, potong di kuku rasa di daging Bukang potong sodara la rasa diri seng ada tanding
24 tahun lalu, maluku ponoh deng darah Para kekasih di tinggal yang terkasih Hari-hari su pono deng aer mata Tar pikir, beso lusa ana cucu mau jadi apa.
24 tahun lalu, dalam satu sudut mata rumah Mama angka hati angka doa par ilahi robbi jaga bapa deng ana supaya pulang jang tinggal nama. Di mama pung muka, ana laki-laki kasi erat tangan minta tuhan bapa jaga mama deng ade biar bisa baku dapa baku sapu aer mata.
Di ruma-ruma, sg ada yang tidor sono Saparo dzikir di mushola deng al-fatiha Saparu mengadu di gereja deng haleluya Biar beso, sg ada keluarga yang ilang nyawa
Ambon ilang manis
Dari tragedi masalalu ktong su harus balajar banya Saparu ilang ruma, ilang kapala keluarga, bahkan ilang ana Beda dalam iman bukang berarti beda dalam Sagala
Biar yang pahit talang akng deng sopi Yang manis carita akang par generasi Sodara tuang eeee Maluku itu cinta yang katong sama-sama polo deng doa Karna hidop orang sodara harus bisa polo yang beda pake cinta yang sama Sg pandang sapa marga apa, sapa agama apa.
