نار الغيرة(ليبية_منقولة)

الحلقة 21

نـــــــــار الغيره🔥
           
        حـــــلقه 21 حلقه نــــــار نــــــار نــــــار

يستطيع الإنسان أن يقاوم كل شيء إلا حزن يراه في عين أمه

وجي يوم خطبت نسرين❤

نوني عزمت صحباتها وعزمت اماندا ورواسي وريم وبتول ونرجس

وعلي عزم  عماد ومرته ورؤوف وصحابه

وعزمو هلبا ناس
معا هدا كلا نين جي اليل وجو الضيوف وصحابتها وهيا من الصبح في كوفيره روحت بعد العشي

اماندا: الله الله تهبلي مشاء الله
نوني: سلمهاا ياربي حتي انتي تهبلي
رواسي: صلاة ع نبي تجنني
نوني: سلمك حتي انتي تهبلي
نرجس: مشاء الله عليك
بتول: سمحه طرف
نوني: حشمتوني والله ختي انتوم تهبلوو

كانت لابسه قفطان معدس لونه دهبي وطويل ومكياجها بناتي خفيف يهبل

رواسي لابسه جام سوت امريكي وشاعرها كعكه

بتول لابسه قفطان طويل  متع سهره

نرجس قفطان قصير مرفرف

اماندا قونه مرفرفه ومعاها كت ابيض معا القونه يهبل

وقعدو الناس يجو والبنات يقدموو وجي دور المسكلجيه اماندا

اماندا: تفضلي
المرا: نجيها ي ربي بنت مني انتي
اماندا: بنت فتحيه
المرا: اني ندور لي ولدي
اماندا: لا مخطوبه اني سامحيني
المرا: ي خساره عجبتيني
اماندا: سلمك خالتي هي تفضلي
المرا: صحيتي
وقعدت تشوف فيها نين خشت

اماندا: متقل دمها ناناناااا
رواسي: خيركك ي فرخه ونتي ديما ترعشي فينا
اماندا: المرا قبل بتخطبني لي ولدها
رواسي:  ي عطك ما يطيرك انشاء الله علي هدي
اماندا: 😒😒😒
بتول: والله كلا دودي جوو هي
نرجس: اي حقا ره اني نضحك بدموعي😂😂
رواسي: ربي يصبر خويا
اماندا: خيرا مايصبرش
نرجس: عاد انتي لسانك خليه بروحه
ريم: جيتكوووم
اماندا: انتي تسكتي ولا اشبح وين تعدي بعدين تطربقي
ريم: اني هكي
اماندا: نوني ربي يصبر خوك
نوني: ههههههههه وخيرها مرت خوي تهبل
اماندا: اي تهبل ميمي
رواسي: غدوه خطبت نرجس
نرجس: شن خطر عليه خوك توا يدير الخطبه
اماندا:  قريب العرس ره وتو روحكوم بتعاونوني
نوني: وقالي امس رهيما الصحاب معا بعضهوم بيتزوجو
اماندا: لااااااااااا
كلهوم رعشو يلي في صاله
رواسي: حشمتينا الله يحشمك
اماندا: اتصلي بي خووك قوليلا يفسخ
نرجس: ههههه عليش
نوني: حتي ني عطني دعوه ياريتني ماقلت
رواسي: مفروض
ريم: انشاء الله عشان هدي
بتول: هدي اكتر انسانه مش مفهومه
اماندا حطت يدها ع جبهتها: جديات نبي نعيش حياتي
منبيش نتزوج
رواسي: اسكتي دودي وراسك
نوني: ماتقوليلاش ره
اماندا: امتا بعرسو
بتول: دودي اسكتيييي
اماندا صبت: باهي اسمعو افتحو اداعه
رواسي: افتحي
عدت اماندا فتحت الاداعه وقعدت ترقص
وجو وخشو البنات رقصوو اكتر وحده اماندا ترقص والعيون عليها
وشويا وقالو ابرهيم بيشوفها