حضرت الظابط عفيفي (Snow White)

part 1

في ذلك المنزل البسيط نري فتاة عادية الشكل ليست شعرها اشقر أو جسمها رشيق بل بالعكس وزنها عادياً جدا بل إنها اكتسبت البعض من الوزن الذائد ولكن ما يميزها هو لون عيونها التي أحياناً تكون خضراء واحيانا أخري عسلية نراها تنام في غرفتها وليس نوماً كالملائكة بل تنام بعرض السرير وهي رافعة رجلها عالحيط وتاركة ليدها العناء لتلتمس بالارض هذه هي بطلتنا سجي نروح برا في صالة بيتهم البسيط نسمع اخوها امير بينادي علي روان اختهم الصغيرة
امير: رواان خشي صحي سجي
روان:اصحي مين يا عنيا لا يا باشا هو انا ناقصة ولا مستغنية عن نفسي
امير:اه يا واطية انا هقوم ياختي هتعملي ايه يعني انا راجل يا ماما لو قربت مني هلطشها قلم اطيرها اه اوعي يختي
يدخل امير يلاقي سجي نايمة بالمنظر الي شرحتهلكم وكل حاجة من سواء لبسها أو كتبها كل حاجة مرمية في حتة في الاوضة
امير:ايه ده ايه المنظر ده بقي ديه أوضة بنت وقال البنات منظمين يجوا يشوفوا النظام الي عندي
ثم صاح بصوت عالي:سجي يا سجييي يا بنتي عندنا....
وكاد يكمل الي أن وجد مخدة محدوفة في وشه من سجي ثم ترجع تكمل نومها عادي
امير:اه يا بنت الذينة
يروح امير ناحيتها ويمسك كتافها يهزها منهم وهوب فجأة يلاقي قلم ثلاثي الابعاد علي وشه
سجي وهو بتفرك في عينها علشان تفوق:بت يا روان مش قولتلك مليون مرة متصحنيش صح ولا لااا هااا
امير:لا ديه مش روان ياختي ده انا
سجي تفتح عينها بصدمة:يانهاري فوحلقي
امير وهو بيشمر أكمام بدلة الشرطة الخاصة به:تعاليلي
تقوم سجي وتجري بسرعة الصاروخ
سجي وهي بتجري حوالين روان:استني بس يسطا هفهمك
امير وهو بيحاول يمسكها:تفهميني ضربك ليا بالقلم ده انا مش هسيبك يا سجي
روان بتريقة وهي بتقلده: انا راجل يا ماما لو قربت مني هلطشها قلم يطيرها ،كتك خيبة
قالت اخر جملة بضحك
امير وهو بيمسك سجي من قفاها:اقسم بالله لربيكي يا روان اخلص بس من البقرة الي في ايدي ديه
سجي:استهدي بالله بس يسطا ده انا حتي بحبك
ثم عضها امير من يدها
سجي بصراخ:اااه يا ابن العضاضة سيب يا عم اااه مبيأكلوش ليك لحمة في بيتكم
سابها امير لما تليفونه رن ونزلها
امير:الله يخربيتك هتخربي بيتي اتأخرت عالشغل اه ياني ياما
وخرج بيجري بسرعة  علشام يلحق شغله
سجي:بقي انا تعمل فيا كده طيب والله ما هسيبك يا أمير
تعالوا بقي نعرفهم
سجي: تملك من العمر 26 سنة اتخرجت من كلية آداب واشتغلت مُدرسة لغة عربية بس حالياً فترة اجازة من الدراسة بنت طيبة بس من كتر ما الدنيا جات عليها بقت زي ما بيقولوا شبح في نفسها اتوجعت اوي في حياتها بس هنعرف ازاي مع الاحداث 
امير: اخو سجي شغال في كلية الشرطة عنده28 سنة فرفوش بس مع إخواته بيخاف اوي عليهم بسبب الي حصل لسجي زمان عنده اخواته خط احمر ،اشتغل وتعب علي نفسه كتير لغاية ما اترقي في شغله
روان:اختهم عندها 11 سنة بتحبهم اوي ومش بتعتبرهم اخواتها قد ما شيفاهم صحابها
التلاتة مش عايشين مع أهلهم بسبب أن والدهم اتجوز وسابهم ومامتهم لما جات تتجوز الي حبته بعد ابوهم رفضها بسبب عيالها وكان وقتها امير لسة متخرج من شرطة كان عنده23 سنة وروان عندها 5 سنين ومامته قالتله ياخدهم بعيد بما أنه الأكبر واتجوزت وعاشت مع جوزها وخلفت منه
_______نروح عند سجي وهي لابسة بدلة ظباط خدتها من. واحدة صحبتها بتبيع لبس تنكري والحاجات ديه ولبست عليها باروكة وحاجات تداري بيها انها بنت علشان تعمل مقلب في امير وعلشان هي عارفه أن في القسم الي شغال فيه مفيش غير رجالة وبس
تدخل سجي بيها القسم وتسأل عن مكان امير وهي رايحة تخبط في واحد فتروح القهوة الي هو ماسكها تدلق عليها
سجي:مش تحاسب يا حمار انت
الشخص(مازن):انا الي حمار انت الي خبطتني وبعدين انت مين انا اول مرة اشوفك هنا
سجي بصوت رجولي:وانت مالك يا بغل انت ما تخليك في حالك أما عالم حشرية بصحيح
مازن:بقي كده حلو اوييي شكلك مش ظابط اصلا ولا نيلة
يمسكها من أيدها
سجي:ايدك يسطا لتوحشك فيه ايه
مازن: انت يا عسكري خد الواد ده حطه في الحبس لحد ما نشوف ايه دنيته
وياخدها العسكري ويحاول ياخدها ناحية الحبس
سجي:استني يا عم انا جاي للرائد امير
يقف مازن
مازن:انت جاي لأمير لا انا مش مصدق أن أمير يعرف اشكالك تعالي ورايا
ويمسكها من أيدها يجرها وراه لحد مكتب امير
وامير لما يلاقي مازن دخل عليه يقف ويأدي التحية العسكرية
مازن:امير انت تعرف الجدع ده
لسة امير هيرد راحت سجي ناحية امير 
سجي:معلش ممكن بس يا باشا تسيبنا خمسة مع بعض ولما نخلص هتيجي لغاية مكتب حضرتك
مازن بأستغراب:ماشي ،امير الجدع ده لو هرب منك هتتحمل انت المسئولية لاني لدلوقتي مش مصدق أنه ظابط
يخرج مازن
امير يزق سجي وهو بيقول:انت مين يا جدع انت
سجي ترجع لصوتها العادي والدموع تتجمع في عيونها:ده انا يا أبيه
امير بصدمة:سجي
ويشيل الطقية يلاقيها لافة شعرها ومخبياه فيها
امير:ايه الي جابك هنا
سجي بدموع:كنت عايزة اعمل فيك مقلب وقولت اجي وافزعك اكني جاية اقبض عليك
امير بعصبية:انتي بتستهبلي يا سجي ديه فيها حبسك وهو فيه هزار مع الشرطة يا بنتي وملقتيش غير رئيس القسم الي تعملي معاه كده
سجي بعياط:والله ما كنت اقصد يا أبيه ده كان هيرميني في السجن مع الرجالة انا خايفة اوي
وتجري سجي تترمي في حضنه ويربت  امير علي ضهرها
امير:طب خلاص اهدي انا هتصرف ماشي يا عيوني
سجي: ماشي
يروح امير وهو ماسك ايد سجي جامد وخايف من الي داخل عليه ويخبط ولما يسمحله بالدخول يدخل
مازن:ها يا أمير
امير وهو بيحاول يداري توتره علشان ميتفضحش:ده يا باشا متدرب من المتدربين الجداد واتمني حضرتك متزعلش منه الي ما يعرفك يجهلك يا باشا
مازن:تمام كويس انه هنا اكيد علشان يستلم الظرف بتاع القائد بتاعه
امير: أيوة يا باشا
مازن: عموماً انا معايا الاظرف هنا ها يا ابني اسمك ايه
امير اتوتر وسجي اكتر
سجي:عفيفي ،عفيفي يا فندم
مازن بأستغراب:اسمك عفيفي
سجي:اه
يدور مازن وهو بينطق اسمها عفيفي عفيفي عفيفي
بعد كده قال:لا مش موجود الاسم ده
امير:تلاقيهم نسيوا يحطوا اسمه خلاص انا هخليه يرجع من البداية ويعمل الخطوات تاني عن ازنك يا فندم
ومسك ايد سجي وكان هيمشي بس سمع كلام مازن
مازن:استني عندك يا أمير
يلفله امير
مازن: صعب يا ابني يعمل الخطوات ديه كلها ده فيه تدريب لازم تجتازه وده لوحده مجهود ،بص يا عفيفي علشان امير شخص ناجح ومن اكفأ الناس هنا انا همشيلك في ورقك وحالا هكتبلك ظرف بأسم القائد بتاعك واسمك
امير بتوتر:لا لا يا فندم ملهوش لزوم صدقني هو هيعرف يتصرف مش كده يا عفيفي
سجي:اه طبعا يا باشا انا هتصرف
مازن وهو بيكتب الظرف:لا انا خلاص هخلصه اهو
وخلصه ومد ايده لسجي الي خدته منه وهي مرعوبة
مازن:اشوفك في التمرين يا بطل علشان قريب إن شاء الله تكون معانا هنا شد حيلك
سجي:الشدة علي الله وحسبي الله ونعم الوكيل
مازن بأستغراب:نعم
سجي: بقول وربنا يدي حضرتك من حيث لا تعلم
ثم قالت في سرها(يديك خازوق زي ما ادتني يا بعيد)
ويمشوا سجي وامير واول ما يخرجوا من القسم ويوصلوا البيت.....
بقلمي: Snow White ❄️🌪️
وما ادراك امتزاج الجليد مع العواصف ليصنعوا كاتبة تمزج ما بين الواقع المؤلم والخيال الرائع❤️
اتمني تكون البداية عجبتكم نفس مواعدنا (الاحد -الثلاثاء-الخميس) اشوفكم البارت الجاي اتمني تقولولي رايكم خاص ولو بتقرأوا من الواتباد ياريت متابعة حلوة زيكم وvote❤️