حضرت الظابط عفيفي (Snow White)

part 3

بعد ما يخلصوا خناقتهم تروح سجي علشان تنام وتلاقي مكان مليان رجالة وبيغيروا هدومهم عادي قدام بعض وفيه الي هيناموا من غير تيشرتات فتلف سجي وشها الناحية التانية ،يجي لطفي في الوقت ده ويحط ايده علي كتفها
لطفي:ايه يا عفيفي بتتكسف ولا ايه
سجي بأحراج:لا انا بس اتخنقت شوية قولت اما أخرج اخد نفسي كنت لسة خارج حتي دلوقتي
لطفي بضحك:هههه اه خارج طب نصيحة يا حلو نام بدري لأن اسر باشا مفيش معاه هدوء
سجي:تمام
وتخرج سجي وهي مخنوقة وتقعد في حتة بعيدة قدام بحيرة صغيرة وفجأة تلف بيها الدنيا وتفتكر
فلاش باك وهي طفلة عندها 14 سنة
سجي:يا بابا ارجوك انا مش بحبه بلاش يجي هنا ده بيبصلي بنظرات غريبة دايما
والدها مجدي،:ما أن شاء الله عنك ما حبتيه وبعدين اتعودي عليه ويبصلك براحته ده جوزك في المستقبل
سجي:جوز مين يا بابا انا لسة صغيرة
مجدي:صغيرة اه طب انا هوريكي
وينزل فيها ضرب ويجي امير الي عنده16 سنة يحاول يدافع عنها فأبوه يزقه بعيد وكل ما يقع امير يرجع يقوم تاني علشان يدافع عن أخته لدرجة أنه كان بياخد بعض الضربات عنها
اند فلاش باك
سجي بدموع:ليه بس يا بابا كده ليه لو مكونتش أجبرتني عليه مكانش كل ده حصلي مكونتش هبقي كده
وتمسح دموعها وتقوم تدخل المعسكر تلاقيه مليان شباب وبدأ جسمها يرتعش ولكنها مضطرة تكمل علشان اخوها وتروح وتحاول تنام بس مش عارفه وتفضل سهرانة خايفة ومرعوبة لأنها في مكان محاط بالشباب خايفة اوي خايفة يحصلها الي حصل زمان
_________عند امير كانت روان بتعيط وامير حاضنها
امير:خلاص اهدي يا روان
روان ببكاء:اهدي ازاي بس وهي مش معايا يا أمير ارجوك خليني اشوفها ارجوك
امير:مبقاش ينفع خلاص لازم أقل حاجة بعد شهرين
____________________
في صباح يوم جديد
يقف اسر وقدامه المتدربين ويبدأ يراجع الاسماء ويجي عند اسم عفيفي ومفيش رد لغاية ما رد لطفي
لطفي:عفيفي نايم يا باشا
اسر:نايم هو احنا بنلعب هنا
مروان:يا باشا هو بس كان تعبان بليل اكيد مش اكتر
لطفي:حتي لو تعبان ده مش مبرر ليه
اسر:انتبااه
يقفوا معتدلين
اسر وهو بيكلم الي جمله:خد بالك محدش فيهم يتحرك وخليهم يسخنوا لغاية ما اجيب استاذ عفيفي
الشخص وهو بيأدي التحية العسكرية: تمام يا فندم
يمشي أسر
مروان:ينفع الي عملته ده يا لطفي حرام عليك الواد باين عليه غلبان
لطفي:بلا غلبان بلا بتاع هي ناقصة قرف
__________اما عند اسر يروح يلاقي سجي نايمة
اسر:عفيفي،عفيفي.....عفيفي
ومفيش رد يهز فيها وهوب يلاقي قلم علي وشه ويسمع صوت أنثوي
سجي:يوووه يا روان سيبيني انام
اسر بغضب وعيون حمرا: انت يا حضرة الظابط قوم روان مين
يروح اسر جايب جردل مائة ويدلقه عليها
تقوم سجي بفزع وتلاقي اسر في وشها
اسر:اربع دقايق ،اربع دقايق بالعدد والاقيك برا معاهم بتسخن والقلم ده هيكون نتيجته كبيرة اوي سااامععع
سجي وهي بتأدي التحية وهي عالسرير:تمام يا فندم
يخرج اسر وتبدأ سجي ترجع للنوم
يفتكر اسر حاجة فيرجعلها يلاقيها بتنام
اسر:عفيفييييي
سجي:حاضر حاضر يا فندم اربع دقايق وهكون عندك
يخرج اسر وتقوم سجي تلبس بسرعة
وتخرج بعد 10 دقايق
اسر: نورت يا عفيفي تأخير6 دقايق ب18 ضغطة زيادة ،الدقيقة بتلاتة وده علشان اول يوم ليك بس اه ومتنساش انت ولطفي تنضفوا المعسكر عقابكم من امبارح
سجي في سرها:يا حوستي السودا يانا ياما
يبدأوا التمرين بالجري
اسر:كل واحد هيتحسبلوا لف المدرج خلال قد ايه ومين اسرع واحد وصل بما أنها البداية هتلفوا 20 مرة بس
سجي:ولازمتها ايه البس هو احنا عبيد عندك
يقرب اسر منها لغاية ما تلزق في الحيطة
اسر:وعلشانك هتبقي انت 30 افرح يا عم
ويبعد عنها
سجي بصوت واطي:ياريتني ما فتحت بوقي
اسر:بتقول حاجة يا عفيفي
سجي:بقول ربنا يزيدك عفة وستر يا اسر بيه
اسر:اه بحسب
سجي:ليه آلة حاسبة نيهاهاها
اسر بصلها نظرة خرستها
اسر:يلا ابدئوا
فضلوا يجروا وسجي ابطأهم لغاية ما خلصوا 20 دورة ومشيوا وسجي كملت ل25 ووقفت قدام اسر
سجي:ممكن نخليهم25 بس
اسر:امممم لا هما30
سجي:طب وعلشاني ده احنا حتي زباينك
اسر بأستغراب:نعم!!
سجي:قصدي انا لسة هتبهدل اكتر يا اسر بيه وورايا معسكر وليلة
اسر:كمل ال30
سجي بدأت تجرب ومجرد ما جريت خطوتين رجعتله
سجي:مينفعش نبدلهم ب30 جنيه
اسر بعصبية:اجري يالا
سجي جريت خطوتين ورجعتله تاني
سجي:ولا حتي 300 جنيه
اسر:وحياتك كلمة كمان هيبقوا 300 فعلا بس دورة
سجي:لا وعلي ايه العوافي يا اخويا
وترجع تجري
بعد كده يبدأوا تمارين الضغط وطبعا سجي عندها زيادة بسبب التأخير
ويخلصوا كل التدريبات وطبعا الي سجي عملتهم كانوا الاسوء
وجه دور تنضيف المعسكر مع لطفي
لطفي مسك سجي من التيشرت
لطفي:انا مش هنضف حاجة انت الي هتعمل كل حاجة ولو فتحت بوقك بكلمة قدام اسر باشا هتكون نهايتك علي ايدي يا حلو
وسجي خافت لما لقته قرب منها كده ومسكها من التيشرت وبدأت تنفذ الي اتطلب منها بس جه مروان
مروان:متزعلش من لطفي يا عفيفي انا هساعدك
سجي:لا مينفعش انت معملتش حاجة علشان تشيل بدل لطفي
مروان: انا بساعدك لأن المعسكر كبير وصعب حد يقدر يعملوا لوحده ولا عايز تنام متأخر علشان اسر باشا يعاقبك
سجي:لا وعلي ايه ،شكرا بجد يا مروان
مروان:علي ايه بس يا عم احنا اخوات
وفي المساء بعد ما الكل نام يصحوا علي صوت ضرب نار ويخرجوا بسرعة يلاقوا......
اشوفكم البارت الجاي اتمني تقولولي رايكم خاص ولو بتقرأوا من الواتباد ياريت متابعة حلوة زيكم وvote❤️
بقلمي: Snow White ❄️🌪️
وما ادراك امتزاج الجليد مع العواصف ليصنعوا كاتبة تمزج ما بين الواقع المؤلم والخيال الرائع❤️