حضرت الظابط عفيفي (Snow White)

part 15

فهد:لازم نروح المستشفي حالااا الاول
وراحوا بسرعة للمستشفى ومعاهم قوات من الجنود
اسر:اخلوا المستشفى حالا من الكل لأننا مش ضامنين يعملوا ايه
سجي:لازم نفضي كل الاماكن القريبة منها ممكن تكون قنبلة في حتة جمبها
فهد:انا والحرس هنتعامل هنا لازم حد يشوف المعسكر
اسر:هروح انا
سجي:لا يا اسر هروح انا انت هنا هيحتاجوك علشان نخلي الاماكن الي جمب المستشفي إنما المعسكر أمره سهل لكن أننا نفضي الاماكن صعب
اسر:قولت هروح انا بلاش عند خليك هنا ساعد فهد
سجي:تمام خد بالك من نفسك
يروح اسر المعسكر ويحس بدوشة في أوضة الجنود يروح يبص يلاقي مقنعين في أوضة الجنود وعددهم كبير جدا وموجهين سلاح في وش اسر وفجأة يحس بسلاح محطوط في دماغه من ورا
الراجل الي ماسك السلاح ده:ايدك فوق يا عفيفي يا مغفل
يرفع اسر أيده لفوق براحة ويمسك أيده بالسلاح وفجأة بحركة سريعة يخلي الراجل ده قدامه والسلاح اسر حاطه علي دماغه
اسر:مين بقي المغفل فينا كل واحد فيكم ينزل سلاحه طلقة كده ولا كده هتيجي فيه
يأمرهم الراجل أنهم ينزلوا السلاح
اسر:عايز ايه من عفيفي يلااا
الراجل:عفيفي خد حد غالي عند القائد مش انت عفيفي
اسر:لا يا حيلتها معاك قائد المتدربين بنفسه فعيب عليك تلعب معايا ومش معقول عاملين كل ده علشان تاخدوا عفيفي علشان الاسري(لو فاكرين الي سجي ربطتهم)بدأتوا ليه من البداية ببعتكم لرجب والي معاه مش معقول هتبعتوا دول علشان يسممونا
وهو بيتكلم مخدش باله من الي اتحرك واداله بالسلاح علي دماغه فوقع اسر أرضا
الراجل:مش بقولك مغفل
واغمي علي اسر من تأثير الضربة علي دماغه وخدوه معاهم
في مكان آخر بجوار المستشفي كانت تمشي سجي لتحذر الناس لتسمع صوت لتري من اين يأتي
سجي:ايه الصوت ده الي جاي من الزبالة
تبص تلاقي قنبلة وكلها دقايق وتنفجر
تجري بسرعة لفهد
سجي:فهد الحق فيه قنبلة في الزبالة الي لازقة في المستشفى
فهد بزعيق: كملوا تخريج الناس من هنا بسرعة ومن اي مكان جنبها
ويجري بسرعة مع سجي ومعاهم مفكك قنابل لغاية ما راحولها
مفكك القنابل:ديه من أصعب القنابل الي بتاخد وقت بس خلاص هي هتنفجر خلال دقايق
فهد:اعمل الي عليك وانا هطلب دعم حالا لمساعدتك
سجي في نفسها:فينك يا أسر ربنا يستر قلبي واجعني عليك
بعد مرور 10 دقائق
مفكك القنابل:كده هي خلاص هتنفجر مفيش حل طول ما احنا مش لاقيين السلك الرئيسي اشهد ان لا اله الا الله
---------------عند اسر فاق اخيرا في غرفة اطفال وهو مكتف اليدين والقدمين
يدخل عليه شخص
الشخص:اسر بيه بنفسه ياااه
اسر:انجز عايز ايه من عفيفي
الشخص بضحك وهو يرمي عقب سيجارة في الارض:عفيفي ده نملة هدوس عليها زي السيجارة ديه ومتقلقش هخلص منك بعدها منه وبعدهم اي حد بيدافع عن البلد البايظة ديه
اسر:عفيفي متقدرش تلمسه فكر بس ترقبله كده وانا همحيك من علي وش الأرض والبلد الي بتتكلم عنها ديه الي مخلياك فيها وحمياك
الشخص:حمياني اه حتي.....
فُتح فجأة باب الغرفة لتدخل طفلة في غاية الجمال لكن عيونها مليئة بكثير من الحزن
الشخص:اميرتي الجميلة خلاص هاخد حق ابوكي متقلقيش
البنت (نور):جدو ممكن تسيبني لوحدي دلوقتي معاه علشان انتقم منه قبل ما تموته
الشخص:ماشي يا نور
يخرج الشخص
نور:عمو ايه وقعك مع جدو الواقعة ديه
اسر:اهو بقي بس هو باباكي فين واهلك
نور بحزن:ماتوا كلهم علشان كده جدو بينتقم
اسر: ماتوا ازاي
نور:قولي بس يا عمو افكك ازاي الاول
اسر بص حواليه لقي طبق فاكهة فيه سكينة
اسر:السكينة الي هناك ديه حاولي تفكي بيها ايدي
نورجابتها وحاولت بس لانها طفلة مكانتش عارفة تمسك السكينة كويس وعورت اسر بالغلط
نور:اسفة اسفة اسفة عمو انت بخير يا عمو انا بجد اسفة
اسر:هشش انا بخير فداكي يا عمو التعويرة بسيطة
نور :بس ايدك بتنزف
اسر:المهم انك فكتيني
وراح استحمل الوجع وفك رجله وبص حواليه لقي علبة اسعافات صغيرة خدها وطلع منها شاش لفه علي أيده
نور بدموع:انا بجد اسفة
اسر حضنها:حبيبتي ولا يهمك انا بجد كويس احكيلي بقي عيلتك ماتوا ازاي
نور:بابا كان سواق غلبان وجدي عرض عليه فلوس كتير بس بابا لما عرف أن جدو شغال شغل حرام رفض يعيش معاه واشتغل من البداية لغاية ما في مرة
فلاش باك
ركب اتنين مع ابو نور بليل وقالوله يوصلهم لمخزن قديم فلما وصلهم لقي فيه واحد واقف ووشه واضح وبيقتل حد
ابو نور:يالهوي لازم ابلغ بسرعة
الشخص الأول:امسكه بسرعة ليبلغ عن المعلم
مسكوا ابو نور ونزلوا بيه والمعلم الي قتل الراجل ضربهم
المعلم:يا اغبية ناقصين احنا علشان أهله يبلغوا عنه شغال مع شوية اغبية وفي وقت ما الرجالة ماسكين ابو نور يجي البوليس وياخدهم كلهم فيما ضمنهم ابو نور
اند فلاش باك
اسر: وبعدين يا نور
نور:بعد كده الظابط عذب بابا والباقيين ومصدقش أنه مش معاهم واتحكم علي بابا زيه زي الباقي بالاعدام لأنهم كانوا مجرمين كبار وقالوا إن بابا معاهم وجدو حاول يخرج بابا بس معرفش لغاية ما بابا من الصدمة والتعذيب وكل ده مات لوحده قبل حكم تنفيذ الاعدام
وبعده ماما ماتت بسبب حزنها عليه وجدو قرر ينتقم من كل بتوع الشرطة من وقتها
اسر:هو جدك كان شغال ايه اصلا حرام
نور: تاجر مخدرات وماما قالتلي ان ده حرام
اسر:طيب يا نور انتي ليه فكتيني
نور: لانك يا عمو اكيد.عندك بنت وعيلة مينفعش اخدك منهم زي ما هما خدوا بابا مني وملكش ذنب في كل ده
اسر:وجدو بيعاملك حلو هنا
نور:جدو مش بيهتم غير بالانتقام
اسر:تعالي يا نور معايا
نور:فين هتوديني سجن يا عمو زي بابا
اسر:لا يا حبيبتي هاخدك معايا عند ام واب جداد يعاملوكي حلو ويحبوكي ولا انتي مش عايزة كده
نور:الله لا عايزة كده معاك يا عمو
---------------عند سجي وفهد
امممم لا نكمل المرة الجاية😂🫶🏻
روايتنا قربت تخلص فاضل بس خمس بارتات❤️
بحبكم في الله
Snow white ❄️ 🌪️
وما ادراك امتزاج الجليد مع العواصف ليصنعوا كاتبة تمزج ما بين الواقع المؤلم والخيال الرائع❤️