مطلوب ثري عربي.
الكاتبه /بسمله صالح.
بسمله : ماما انا مش هتجوز البني ادم الي بره دا وهو معندوهوش دم رفضته مرتين وجاي بردك يخربيت الامل الي عنده.
فاطمه مامتها: يا بنتي عمر شاريكي وبيحبك وعايز يتجوزك ويسعدك.
بسمله بغرور : سوري مامي ، بس دا مقرف دا بيحط صوباعه في بوقه سوفاچ اوي ، نو نو مستحيل اتجوزه ، انا الشخص الي هتجوزه هيكون غنى ياخودني المالدليف أو دبي نعيش حياتنا سفر واكتشاف العالم ، يكون راقى ومعاه فلوس كتير ، ثري عربي من الاخر.
فاطمه بعصبيه : بصى انا جبت اخري معاكي هتتحوزي عمر يا بسمله مش هتلاقي زيه دا عيونه مش بتتشال من عليكي والكل عارف أنه بيموت فيكي وبعدين دا اختارك من بين كل البنات وهو مش فقير يعني ما هو فاتح ورشه اعمال يدويه.
بسمله: على قده الله يسهله ، بس دا مش فتى احلامي خالص ، وعرفيه أن كل شئ اسم ونصيب والى هطلع انا.
طلعت بسمله ووقفت أدام عمر الي وقف هو وأهله وكانت نظرات عمر كلها حب ليها.
بسمله : عمر انت شاب جميل وفي كتير يتمنوك انا اسفه جدا ليك بس مش قصدي اجرحك بس ملناش نصيب بجد انت مش فارس احلامي وانت هتلاقي البنت الي تستاهلك اسفه بس مش موافقه.
وقفت مامت عمر وقالت : قولتلك بلاش تجيبنا دي مغروره معرفش على ايه تكونش اميره ولا حاجه على التناكه دي يلا ي ابني مش عارفه بتحب فيها ايه دي؟
بسمله : لو سمحتي يا طنط بلاش كلام ملهوش لازمه واحنا مالناش نصيب ، ليه اتجوزوا واظلمه معايا.
مامت عمر بتريقه وهي بتمصص شفايفها: عايزه ثري عربي ومين بقا الثرى الي هيبص ليكي فوقي كدا دا انت عايشه في حى شعبي مش في مدينه ولا حاجه ، يلا ي عمر ربنا يعينها على المهبليه الي في دماغها.
بسمله بلا مباله: اورفوار ي طنط بكره يجيلي فارس احلامي.
مشي عمر وعيلته قعدت بسمله جنب مامتها ،بفىحه شديده انها قدرت تطفشه.
بسمله : انا مش عارفه ازاي الست دي كانت هتبقى حماتي ي ساتر اي دا ، يلا ي مامي هنام علشان فارس احلامي هيجيلي في احلامي انهارده ، هو وعدني.
فاطمه : يلهوي ياني البت اتجننت جالها هوس بالثري العربي بقا عندها 25سنه وبقالها 5سنين بترفض العرسان دي رفضت فوق ال 30 عريس هتجنني ربنا يهديكي.
وفي دبي وتحديدا في شركه " دي سي "
كان قاعد أريان في اجتماع مع رجال أعمال وبيسمعهم للآخر.
اريان بجديه : انا مش موافق على الصفقه دي!
وقف رجال الأعمال وقال واحد منهم : ليه ي اريان بيه.
اريان بجديه ممزوجه بغرور : عايزيني ابيعلكم الآلات الحديثه بالسعر دا اكيد لا طبعا انتهى الاجتماع.
رجل الأعمال التاني : لحظه ي اريان باشا احنا موافقين على السعر!
الشخص التاني : موافق ازاي ي اكرم السعر غالي اوي.
قعد اريان على كرسيه وحط رجل فوق رجل.
وقال بثقه : والله الكل عارف جوده شركه دي سى وان الالات بتاعتنا من افضل الآلات الي بتساعد على توفير العاملين والوقت والجهد والي عجبه تمام مش عجبك في شركات كتير بتبيع بالسعر الي عايزه بس كا كواليتي مش موجوده وطبعا مش هتكمل سنه وهتبوظ واظن دي حاجه حضرتك عارفها.
غمز اكرم للشخص : خلاص يا أريان بيه دول 2 مليون باقي نصف المبلغ.
اريان : معلش مش باخد اقساط، الفلوس كامله ونمضي العقد واستلم فلوسي وانت تستلم الآلات والأجهزة.
اكرم : تمام.
خرج اريان وهو في أيده اللاب بتاعه وخرج بكل ثقه وجاله مكالمه.
اريان : الو يا انس.
انس : اريان تعالى فرع الشركه الي في مصر وانا هاجي مكانك دبي ، مش عارف ادير أمور الشركه هنا انا كنت مرتاح في دبي ، كدا الشركه هتقع رجع الأدوار تاني.
اريان بغضب : طول عمرك غبي يا انس ، ميعتمدش عليك بعد اسبوع لما أوقع العقد هنزل مصر وهتفهمني الأمور ماشيه ازاي ، وابقى ارجع دبي تاني جتك نيله سديت نفسي !
قفل اريان فونه ودخل مكتبه وقعد يبص في العقد ويتأكد من البنود وبعد ساعات روح بيته واخد دوش وخرج ولبس ترينج وحط رأسه على السرير ونام.
بسمله : فارس احلامي قرب شويه أنا فتاة احلامك.
بدأ أريان يقرب ولقى بنت مدياله ظهرها حط ايده على كتفها.
بسمله : اخيرا شوفتك ي فتى احلامي.
أريان : انت مين ؟
بسمله : معقوله مش عارفني انا.....
لاتنسوا وضع نجمه ومتابعه وكومنت دعما لي استمر محتاجه دعمكم احبائي ، اتمنى ان تنال اعجابكم
تفاعلاتكم وتوقعاتكم ورأيكم يهمني جدا 🩵
دمتم في حفظ الله 🤗🤍
يتبع......
أنت تقرأ
مطلوب ثري عربي ، الكاتبه/ بسمله صالح
Romanceهي فتاه يلاحقها في أحلامها فارس أحلامها الثري العربي الوسيم الذي بسببه ترفض كل الشباب الذين يطلبونها للجواز ، فما هو مصيرها وهل ستجد الثري العربي فارس أحلامها الذي يطاردها ام سيكون مصيرها غير ذلك ؟؟؟!!!!! تابعوني .....
