كلنا مُجبرين عالتخطى ، الحياة مش هتستناك عشان زعلان شوية ..
و بما إن لحظة خروجك من مكانك الضلمة حتمية الحدوث ، يبقى إسعى ليها من دلوقتي !
ماتتخلاش عن ثوابت حياتك الأساسية لمجرد شعورك بالزعل ، إستمر فى يومك ، كمل حياتك و طريقك .. و مسيرك تلاقى باب للفرحة من تانى طول مانت بتتحرك و مكمل !
مسيرك زى ما قابلت الفرحة زمان صدفة ، تقابلها صدفة من تانى .. مانت لسه فى نفس الحياة و بنفس قوانينها الغير منطقية !
إنك تفهم إنت خسرت إيه و ليه ، و إن كان للزعل نصيب فى يومك ، إديهوله ..
لكن بلاش تديله اكتر من نصيبه ، فا ياكل باقى يومك .. يخبط فى باقى أبواب حياتك ، فا تلاقى نفسك بترجع خطوات فى كل شئ !
فى النهاية ، يا إنت هتكسب يا الدنيا .. و بما إنك لسه عايش و موجود دلوقتي ، يبقى أكيد الدنيا ماغلبتكش !
يبقى قدامك إنك تتمسك بثوابت حياتك ، تتمسك بطريقك ناحية المجهول زى زمان ..
المجهول إللى أكيد إحتمالية إنك تلاقى فرحتك فيه ، أكبر بكتير من إحتمالية فرحتك و إنت فى مكانك الضلمة !🙂🖤
م̷ح̷ب̷ة ✍️
أنت تقرأ
اقتباسات وخواطر لقلوبكم❤️
Sachbücherكتابات وخواطر وبكتب كل ما افكر به واحببت ان اشاركه معكم تصويت بقي ولو في اي نصيحة🤎🥹
