ليلة الادهم♡

البارت الثامن

أحببت اخي
البارت الثامن
عند ليلي وإيمان خرجوا من المحاضره
ايمان: الحمدالله الدكتور مطردناش من المحاضرة كنت خايفه اووي
ليلي: سبيها علي الله يا امونه يالا عشان نروح المستشفي بقا هنتاخر
ايمان: هنتأخر علي المستشفي ولا علي مدير المستشفي
ليلي: وانا مالي ومال مدير المستشفي يالا ياختي امشي دي بومه قوه برود كده مش علي حد وعصبيه
ايمان: عليا انا بردو الكلام ده ياست ليلي وبعدين مش يمكن انتي اللي تخليه يبطل البرود اللي عنده ده
ليلي: وانا مالي يبطل ولا ميبطلش سيبك منه ويالا يابتاعت دكتور محمد
ايمان: وانا مالي ومال محمد بقا ياست ليلي
ليلي: عليا انا بردو الكلام ده يابت دي احنا طبخينها سوا وانتي من آخر مره حصل بينكم في المستشفي وانتي مش طيقاهه الحب ولع في الدره
ايمان: امشي ياختي وبعدين دي إعجاب مش اكتر
ليلي: إعجاب بكره يقلب بحب
ايمان: اشوف فيكي يوم يا ليلي يابنت ام ليلي
ليلي بضحك: لا ياختي تطمني مش هتشوفتي ابدا
وعند أدهم في غرفه المكتب في المستشفي
مالك: يعني ايه بقا ياعم مالك معندكش بنات للجواز
ادهم: زي ما سمعت كده يا خويا
مطر: اهدي يا أدهم دي احنا صحابك بردو يا اخي وافقك وحيات عيالك ياجدع
ادهم ببرود: معنديش عيال
اياد: أدهم انت حبيبنا واكيد هتوافق علينا طبعا
مالك: أدهم احنا بنتكلم جد فعشان خاطرنا وافق بقا
ادهم : وحد قالكم اني بهزر
مالك: خلاص يبقي كده علي معادنا النهارده الساعة 8 بليل في بيتكم تمام كده يالا يا شباب وعلي المعاد بقا
محمد: بس ده مقالش اي حاجه حدتت انت المعاد كده من نفسك
مالك: اسكت يا بأف انت وتعالا هنا انت بقا كنت بتقول عاوز تتجوز مين
محمد بتوتر: الانسه ايمان اختك يا مالك
مالك: معنديش اخوات انا يالا يا شباب
ضحكوا مطر واياد : نفس جمله أدهم اومال حديت من نفسك بقا عند أدهم ومش عاوز تدي اختك للواد حن عليه يا اخي يمكن أدهم يحن عليك
مالك: خلاص بكره الساعه 8 تشرفنا دي عشان خاطر أدهم بس
محمد: ماشي ياعم وانا موافق عن اذنكم
ادهم: زي ما قولت كده انت كده يا مالك معنديش بنات للجواز تمم ومفيش اي معاج النهارده والمح طيف حد فيكم كده النهارده
مالك: تمم علي معادنا بقا ياحبيبي اتفاقنا يلا سلام
ادهم: ماااللك بطل استظراف
مالك: انا مش بستظرف ياعم انت موافق من قلبك بس مش عاوز تنطق كده
اياد: وافق بقا يا أدهم عشان خطرنا
مطر: طب حتي خد رقيعم ونيجي نتقدم رسمي وبعد كده ربنا يسهل
ادهم: ماشي وغوروا من وشي يالا
مالك: هو انتم وقعتوا لشوشتك انت وهو
مطر واياد بضحك: زي ما انت وقعت لشوشتك
مالك: لا دي انا دخلت القفص بس ربنا يستر بقا ويوافقوا اصل بعد اللي عملته معتقدش
مطر: ولا انا اعتقد
اياد: عملتوا ايه يا خويا انت وهو انا حاسس انها لو تطول تضربني بالجزمه هتضربني
مالك بضحك: ربنا يستر منهم بقا بس بطريقتي الخاصه بقا سلام اشوفكم 8 بقا اروح اخلص شغلي
مطر واياد: سلام وذهب كل واحد منهم علي شغله
عند البنات فاطمه ويارا ورقيه
رقيه: ايه يا زفته انتي وهيا روحتوا فين
فاطمه بعصبيه: سبيني دلوقتي يا رقيه عشان مش طيقه نفسي بجد
يارا: انسان بارد ومتعجرف ومتخلف
رقيه: طب احكولي حصل ايه ياختي انتي وهيا
يارا: بصي هو اللي حصل وحكتلهم كل اللي حصل معاها
رقيه :وانا اللي حصل وحكتلهم بردو اللي حصل
فاطمه : انتي غلطانه يارقيه عشان هو مخدش باله كان ممكن تعنزري وهتسبيه وتمشي وانتي ياست يارا هو مخدش باله وهو معدي ما انتي خبطي فيه قبل كده
يارا: متغلطنيش يافاطمه عشان هو إنسان بارد مستفز
رقيه: حاسه ان فيه ريحه شياط في الموضوع مش كان اعجاب
يارا: إعجاب بس ياختشي زي ما انتي معجبه بي سي مطر وبس
رقيه: طب احكي يا فطومه ايه حصل معاكي
فاطمه بعياط: اللي حصل وحكتلهم كل اللي حصل
يارا: وانتي ازاي تسمحيله يكلمك بطريقه الهمجي دي.
رقيه: ما هيا ردت عليه وضربته يا يارا عاوزاهه تعمل ايه اكتر من كده
فاطمه: بس انا مش زي ما هو مفكر
يارا: عارفين ياحبيبتي انتي مش محتاجه تظبتي لحد يافطومه انتي أصغر واحده فينا بس بنعتبرك الكبيره بتاعتنا ياقلبي اهدي ومش محتاجه تنزلي دمعه بسبب حد
ونسبهم بقا يكملوا شغلهم وللمفاجاه بتاعت بليل الساعه8😂😂😂
عند ليلي وإيمان وصلوا المستشفي
ليلي: لا انا هروح بسرعه اشوف الجدول بتاع النهارده عشان نخلص تمم سلام
ايمان: ربنا معاكي سلام
ليلي: لو سمحتي ممكن الجدول بتاعي النهارده
السكرتيره: دكتوره ليلي انتي دلوقتي معاكي عملية مع دكتور أدهم عشان انتي تحت التدريب طبعا وهو ومستنيكي في مكتبه من نص ساعه وانتي اتاخرتي
ليلي :ربنا يستر عليا بصي لو طلعت سليمه من عنده ابقي ادعيلي
السكرتيرة بضحك: مش عارفه ليه المكتب بيتقلب لما تدخلي عنده
ليلي: حظي المنيل بقا ياختي يالا كفايه تأخير لغايت كده
دخلت ليلي عند أدهم
ليلي: السلام عليكم ممكن ادخل
ادهم : وعليكم السلام وانتي دخلتي خلاص يادكتورة
ليلي: احم مختش بالي
ادهم بعصبيه: هنا مفيش مختش بالي وممنوع التأخير ده انا مش هنستني حضرتك طول الوقت هنا شغل والشغل يعني نظام
ليلي: بس انا متأخرتش جيت في معادي بظبط
ادهم: طلبتك من نص ساعه كنتي فين حضرتك سياتك مكنتيش موجوده صح لما يكون في مريض تعبان اقوله ايه استني اصل الدكتوره لسه مجتش
ليلي: حضرتك عارف اني في جامعه ولما بخرج منها باجي علي هنا وساعات مش بحضر اخر محاضره عشان اكون هنا في معادي ومش بتاخر خالص وانا لسه تحت التدريب ومعاك في ان مفيش مريض بيستني بس لو في حاله طأرقه حضرتك موجود دكاتره تانيه موجودين اما انا تحت التدريب لسه مدخلتش غرفه عمليات ولا عملت عمليات لحد لوحدي
ادهم: اديكي قولتي تحت التدريب يعني لازم تتعلمي مش هتفضلي تتمخطري هنا كتير تحت التدريب وانا مليش دعوه محاضراتك انا هنا مدير وبس وعاوز نظام في شغلي ومواعيده مش قد الشغل مكنتيش تشتغلي من الاول
ليلي وقد خلاص وصلت في قمه غضبها والدموع في عيونها بس ماسكه نفسها بالعافيه: حضرتك انا قد اي حاجه ولو علي الشغل انا اقدر عليه وعلي عشره وانا من دلوقتي اعتبرني مستقيله ورقه استقالتي هتلاقيها علي مكتبك او ثواني وشدت ورقه من علي المكتب اخديت قلم وكتبت استقالتها اتفضل دي استقالتي ولسه هتخرج
منعها ادهم: استني عنديك اما مخلصتش كلامي عشان سياتك تمشي انتي فاهمه واستقلتك مرفوضه وقطعها ورماها ودلوقتي عندك عمليه ثواني واشوفك هناك ويا وياويلك تتأخري عشان هنا مش سوبر ماركت تدخلي وتخرجي زي ما انتي عاوزه مفهوم
ليلي:انا مش عبد عندك انت فاهم ومتقوليش فاهمه دي انا هنا شغاله دكتوره مش شغاله عندك يا دكتور وسبته ومشت ورزعت الباب وراهه
خرجت ليلي ونزلت دموعها قبلت مالك وهيا طالعه من غرفه المكتب
مالك: مالك يا ليلي بتعيطي ليه حد عمل فيكي حاجه
ليلي ومسحت دموعها بسرعه: لا يا مالك مفيش حاجه
مالك: أدهم ذعلك في حاجه او قالك حاجه
ليلي: لا مفيش حاجه عن اذنك
دخل مالك لي أدهم
مالك: هو انت عملت ايه في ليلي ومخليها طالعه معيطه من هنا
ادهم ببرود: مكلمتش حد وبعدين هيا لحقت تشتكيلك ولا ايه
مالك: انت ايه يا اخي كميه البرود اللي انت فيها دي مش هتتغير ابدا وبعدين هيا مشتكتليش انا شايفها وهيا طالعه من هنا ولما سألتها قالت مفيش ومشت ليلي مفيش أطيب منها بنت جدعه بلاش تجرحها بكلامك يا أدهم اللي شافته مكنش سهل وانت اللي هتندم وهتخسرها في الاخر
ادهم : بتتكلم ولا كأني بحبها ولا مراتي
مالك: عشان انت فعلا بتحبها يا صاحبي بس انت بتعاند عينك فضحاك وهاين عليك تقوم تموتني دلوقتي عشان بتكلم عنها ارجع عن اللي في دماغك يا صاحبي
وسابه ومشي
ادهم كان قصدك ايه يا مالك لما قال اللي شافته مكنش سهل ياتري وراكي ايه يا ليلي
وطبعا غروره منعه ان يسأل هيا شافت ايه
عند ايمان كانت ماشيه بسرعه كبيره جدا وكانت هتقع جي شخص ولحقها
فضلوا يبصوا لبعض (زي لقطه الهندي كده بظبط ساعه ولا حاجه عشان ياخدوا بالهم😂)
ايمان: اسفه عن اذنك
محمد: لا عادي ولا يهمك و... سابته ايمان ومشت
محمد في نفسه قريب اووي واعرف اخد حقي منك يا ايمان
البت ايمان شاطره والله انها سابته ومشت (اسم اختي ياجماعه امونتي ربنا يخليكي ليا يا ايمان وميحرمنيش منك ابدا قولوا امين)
في المساء في بيت ليلي
الاب: مالك يا لي لي من ساعت ما جيتي وانتي زعلانه فيكي حاجه
ليلي: ابدا ياحبيبي دي البكاشه بتاعتك جات
الاب: جيتي ونورت بيتك ياقلب ابوكي
ليلي: دي منور بيك ياحبيبي قولي بقا اتعشيت ولا مستنيني اوعي تكون اكلت من غيري دي الاكل ملوش طعم من غيري ولا ايه ياسي بابا
الاب: صح ياقلب ابوكي جهزي العشا بقا وتعالي يلا عشان ومستنيكي من ساعتها
ليلي: انت راجع من الشغل بدري ماكلتش ليه ياحبيبي انت
الاب: وانا اكل من غير ليلتي ازاي دي حتي الاكل ميبقاش حلو خالص
ليلي: الظاهر ان هيبقي هنا في بكاشين غيري وباست ابوها من خده يالا هروح اجهز الاكل عشان ناكل سوا
الاب والدموع تلمع في عيونه: ربنا يحفظك ليا يا ليلي يابنتي وميحرمنيش منك ابدا يارب كان نفسي اعيشك احسن من كده بس غصب عني يانور عيني امك سابتك من وانتي مولوده عمرك مطلعتي زعلك لحد ابدا هتفضلي كتومه لحد امتا يابنتي الزعل باين في عينك ومش راضيه تتكلمي وتحاولي تبيني انك كويسه ربنا يرزقك بأبن الحلال اللي يعوضك ويريح قلبك يارب اللهم امين
ليلي جهزت الاكل واتعشوا والأب دخل نام وليلي صلت العشاء وقرأت قرآن شويا وفضلت تدعي ان ربنا يريح قلبها ويجبر بخاطرها اللهم امين وفضلت تزاكر شويا وبعدين نامت
عند مالك
مالك: يالا يا ايمان هنتأخر
ايمان: اهوه يالا خلصت هو انت ليه مقولتليش انك هتتقدم لفاطمة دي يا مالك
مالك: بتقولي فاطمه ومش طيقاها ليه كده
ايمان بدموع : بصراحه كده يا مالك خايفه تيجي تاخدك مني وانا مليش غيرك انت اخويا وحبيبي وسندي بعد بابا الله يرحمه وخايفة ابقي مرات اخ وتاخدك مننا انا وماما ومش تسأل عننا تاني
مالك: ايه يابنتي جو الروايات اللي انتي فيه ده دي لحست مخك خالص وبعدين انتي تعرفي عن اخوكي كده ومسح دموعها تطمني ياستي هتحبيها هتلاقيها عبيطه وهبله زيك كده وعاوزك في موضوع بس لما نيجي
ايمان: وانا هبله بقا ياسي مالك وبعدين موضوع ايه تكونش عاوز تجوزني وتخلص مني عشان يخلالك الجو بقا
مالك: اها عاوز اجوزك واخلص منك ياختي بس انتي هتفضلي في قلبي علطول
ايمان: دي بعينك انا لازقه هنا علطول
مالك: لا انا بتكلم جد في عريس متقدملك النهارده
ايمان : ومين تعيس الحظ اللي امه داعيه عليه ده
مالك بضحك:هيا فعلا داعيه عليه هو ياستي دكتور محمد
ايمان بصدمه:مين دكتور محمد دكتور محمد
مالك:في ايه يابنتي اها هو دكتور محمد اللي معانا في المستشفي يالا ولما نيجي نتكلم في الموضوع ده
الام:ربنا يخليكوا ليا ياحبايب قلبي
مالك وايمان:ويخليكي لينا ياست الكل
في فيله أدهم الاسيوطي
ادهم:عاوز اتكلم في موضوع مهم
امينه الام:في ايه يا أدهم
ادهم:في عرسان متقدمين لي فاطمه ويارا ورقيه
التلاته في نفس الوقت:مش موافقين
امينه:اسكتي انتي وهيا مين دول يا أدهم
ادهم:مالك واياد ومطر
الثلاثه بصدمه :مين
امينه:وقالوا المعاد امتا
ادهم :الساعه 8
امينه:ينوروا
فاطمه:بس احنا مش موافقين يا ماما
الام:لما يجوا ابقي اتكلمي انتي وهيا انتوا مقعتوش معاهم ولا حاجه مترفضوش من دلوقتي ويالا كل واحده تروح تجهز نفسها
طلعوا التلاته
يارا:احنا كده كده مش موافقين هنلبس ليه
رقيه:دول عاوزين ايه من بعد اللي عملوه مع كل واحده فينا
فاطمه:اكيد انتقام مننا وانا بقا هنتقم وهجيب حقي منك يا مالك وبكره تشوف يالا نجهز نفسنا
وبعد شويا كان وصل مالك ومطر واياد
ادهم: اتفضلوا
مالك: انتوا متأكدين ان ده أدهم بتاع الصبح
اياد: مستحيل
مطر: بعد كده لما اطلب منه حاجه هبقي اجيله هنا بدل في المستشفي بيطلع عين امي
امينه: السلام عليكم يا جماعه
الكل: وعليكم السلام وبعد السلام
والد اياد: احنا يشرفنا يا مدام امينه نطلب ايد الانسه يارا لابني إياد
والده مالك: وانا يشرفني اطلب ايد الانسه فاطمه لبني مالك
والد مطر: وانا يشرفني اطلب ايد الانسه رقيه لابني مطر يا استاذ أدهم
ادهم: استاذ ايه ياعمي انا في مقام ابنك بلاش القاب
امينه: يشرفني طبعا بس انا مش موافقه
بقلمي🖊️دعاء محمد نصر