ليلة الادهم♡

البارت السابع والعشرون

أحببت اخي(ليلة الادهم)
البارت السابع والعشرون

*عارفه يعني ايه " لا تَحْسَبُوهُ شَرًّا لَكُمْ بَلْ هُوَ خَيْرٌ لَكُمْ"*
*يعني هتلف الايام والله وهتعرفي إن كل خساره في حياتك كانت مكسب وكل منع كان من وراه نعمه وفضل وكل حاجه اتصرفت عنك كانت شر مش كل الناس بتشوف الحكمه من الظواهر إللي شكلها وجع وباطنها رحمه وخير ولا كل إللي بيشوف بيفهم الرساله*
*ثقي إن رب الخير لا يأتي إلا بالخير وإن كل ابتلاء في باطنه رحمه وإن كل مطب في طريقك ، وإن كل حد وحش ، وإن كل وقعه ، وإن كل خبطه والله من وراها خير و رحمه وإللي بيقع منك في الطريق  بيقع عشان إنتي تستاهلي أحسن من كده و هيجيلك بداله حاجه تليق بصبرك ربنا عالم بكل خدشه مداريه جواكي وهايجبرك  ويبهرك بعوضه .."*

"صلي ع من بكا شوقا لرؤيتنا"♡

***********************♡

ادهم: ازاي ياماما ردي عليا
فاطمه: اهدي يا ادهم ايه الكلام اللي بتقوله دي بس
ادهم: شوفي مش دي انتوا وانتم صغيرين وادي تحليل
الكل خاد الصور واتصدم منها
يارا: دي احنا فعلا لكن مين دي
ليلي بدموع: بس دي انا وانا صغيره جيت هنا ازاي معاكم وقالت لباباها: بابا ازاي دي
بصلها حسن بدموع ومردش عليها
ادهم: انطقي يا ماما ازاي دي ازاي ليلي بنتك ولما هيا بنتك ازاي خلتيني اتجوزها ازاااااي
اخ يتجوز اخته فهميني دي دي دي بقت مراتي
امينه بدموع: ليلي بنتي انا انا خلفت اربع بنات بس
ادهم بصدمه: يعني ايه وانا
امينه بقهره: انت مش ابني بس يا ادهم انا ربيتك وحبيتك اكتر من بناتي ومفرقتش بينكم ابدا
ادهم: لما انا مش ابنك انا بن مين
امينه: ابن حسن
وقع الخبر ع كله زي الصاعقه
فاطمه: ماما ايه اللي بتقوليه دي ادهم اخويا ومش بن حد ادهم اخويا انا من امي وابويا
رقيه: اكيد ف حاجه غلط ماما قولي
امينه: هقولكم بس سامحني يابني وبصت لي ليلي سامحيني يابنتي انا مقدرتش احافظ عليكي من وانتي صغيره
ليلي: ازاي انا بنتك انا بنت حسن وبس بايا قولها اننا بنتك انت انت كنت ابويا وامي قولها اتكلم يا بابا انت ساكت ليه
حسن: انتي بنتها يا ليلي
ليلي بصدمه: ايه يعني انت كنت عارف اننا
امينه: لا يابنتي ابوكي ميعرفش غير يوم الفرح وانا اللي جبرته ميتكلمش
يارا: ازاي وخليتي ادهم وليلي يتجوزوا معني كده انهم اخوات بردو
امينه: لاء ادهم بن حسن وليلي بنتي انا مش اخوات وبدات ف سرد ماذا حصل
فلاش باااك
يوم ولاده امينه
الممرضه: حمدالله بسلامه حضرتك يا امينه هانم
امينه: الله يسلمك فين ابني
الممرضه: حضرتك جبتي بنت زي القمر مشاء الله وادتلها البنت
بصتلها امينه بحب وفضلت تعيط
الممرضه: مالك ياهانم بتعيطي ليه حد يبقي والد القمر ده بس ويعيط كده
امينه: هترمي ف الشارع انا وبناتي ومش هعرف اصرف ع اي حد فيهم وفضلت تعيط
الممرضه: طب ممكن انا اساعدك احكيلي
حكتلها امينه كل حاجه
وطبعا الاسيوطي ف الوقت دي كان ف شغل بره البلد ومكنش حد يعرف انها بتولد غير الشغالين وبس
الممرضه: يخرابي بقا ف رجاله لسه تفكرها كده
امينه: اعمل ايه بس ياربي انا وقعت مع حد مبيرحمش ولو رجع شاف اني خلفت بنت هيطلقني ويرميني انا وبناتي
الممرضه: طب انا هحاول اساعدك بس متخافيش كل حاجه هتتحل
امينه: ازاي بس
الممرضه: انا هشوف بس متخليش حد يعرف انك والدتي
وافقت امينه ومشت الممرضه
وبعد يومين كانت امينه حبت ليلي ورضعتها ف اليومين دول
دخلت الممرضه ليها وهيا شايله طفل صغير
امينه: مين دي
الممرضه: دي طفل لسه مولود دلوقتي وامه ماتت وابوه زعلان عليها اوي هاخد بنتك ادهاله وانتي خدي ابنه
امينه: كده هحرم طفل من ابوه وممكن يعامل بنتي وحش
الممرضه: هو لسه ميعرفش مراته جابت ايه هاخد اديله البنت ومحدش هيعرف انها مش بنته وهو راجل طيب جدا
وافقت امينه بعد اسرار من الممرضه ووقتها جابت بناتها وصورتهم جمب اختهم وخلت فاطمه تشتالها وودعتها امينه بكل قهر ودموع
واخديت منها الطفل وسمته ادهم وجي الاسيوطي بعدها بيوم وفرح انها جابت الولد وفضل يعامله احسن من اخواته بس امينه كانت بتقربهم من بعض وخليتهم كلهم يحبوا بعض ومحدش يتفرق عن التاني وربت ادهم وحبيته جدا ومفكرتش ف يوم انه مش ابنها ومات الاسيوطي بعد 15 سنه من ولاده ادهم وفضلت هيا اللي ربتهم وديما كانت بتدور ع بنتها كان حسن عايش ف مكان جمبهم بس بعد فتره صغيره من ولاده ليلي ساب بيته وراح الحاره اللي هو عايش فيها دلوقتي وبعدها معرفتش حاجه عن ليلي خالص ولا شافتها
باااااك
ادهم: ازاي مستحيل الكلام دي
امينه: يابني هو دي كل اللي حصل وربنا اللي يعلم
فاطمه: وازاي يا ماما جوزتيهم حتي لو مش ابنك اكيد انتي رضعتي ادهم زي ما رضعتي ليلي
امينه بدموع: بعد ما ليلي سبتها مرديتش ارضع حد بعد بنتي ادهم اترضع صناعي
ارتاح الكل انهم مش اخوات
ليلي بدموع: وانتي ام ازاي هااا ازاي جالك قلب تسيبي بنتك ضناكي لاي حد افرضي مكنش كويس وبنتك اتبهدلت انتي ام ازاي
امينه: سامحيني يابنتي
ليلي: متقوليش بنتي انا مش بنتك انا بنت حسن وبس انا امي ماتت وهيا بتولدني يا امينه هانم
حسن: ليلي دي امك احترميها
ليلي بعصبيه: لا مش امي عاوز تتخلي عني يا بابا
حسن: ابدا يقلب ابوكي ابدا
ليلي: كانت فين وانا صغيره اللي بتقول عليها امي دي رمتني وانا لسه لحمه حمره رمتني عشان واحد مبيفهمش وكل طمعه الفلوس والورث والولد انا كان زنبي ايه اشمعني انا عشت كده يا بابا اشمعني انا وفضلت تعيط انا كنت عاوزه يكون ليا ام تاخدني ف حضنها من وانا صغيره اروح الحضانه مش معايا امي زي بقيت صحابي وكانوا يعيروني ويقولولي انتي ملكيش ام ولكل ما اصاحب واحده تبعد بعيد عني كانوا يجوا ينحسوني وتقولي انتي شعرك وحش انا ماما سرحتلي احسن والسندوتشات يا بابا وفضلت تعيط وكملت انت كنت ليا اب وام وكنت بتحاول تعمل كل دي ليا عشان محسش بفرق واننا من غير ام مفيش غير ايمان رديت تصاحبني هيا الوحيده اللي قدرت دي وان دي نصيبي اني معنديش ام ولا مره جات حسستني بدي وبقت تقولي مامتي هيا مامتك يا ليلي كنتي فين يا امينه هانم فكل دي كنتي فين لما انا دخلت المدرسه وبابا اللي فضل جمبي وساب شغله كنتي فين لما انا كبرت وبقيت اعيط لوحدي والراجل دي اللي بتقولي عليه مش ابويا هو اللي فضل جمبي لما انا دخلت ف صدمه وفضلت سنتين متكلمش بسبب تريقه صحابي عليا كان هو اللي جمبي كنتي فين انتي هاااه كنتي فين جايا بكل بساطه تقوليلي انك انتي امي وانا مش بنته لاء يا امينه هانم لاء والف لاء انا هفضل بنت الراجل دي ليلي بنت حسن وبس وحسن مجبش غير ليلي بس وضحكت بوجع وانا الهبله العبيطه اللي صدقتك يوم فرحي وانتي بتكلميني وبكل بجاحه منك خلتيني اقولك يا ماما وعلشان ليلي لازم تضحي فضلت مكمله وقولتلك ياماما رغم اني وسكتت وكملت رغم اني كان اول مره اقولها لحد بس انسي دي يا امينه هانم انتي مش امي انا بنت حسن وبس قولها يابابا قولهم كلهم دي
حسن خضها ف حضنه: بس يا ليلي اهدي انتي بنتي وهتفضلي كده ياحبيبتي مفيش حاجه هتتغير انتي بنتي انا اهدي ياقلب ابوكي
الكل عيط ع ليلي والمعاناه اللي هيا عشتها
امينه: عشان خاطري سامحيني يابنتي سامحيني كان غصب عني مكنتش عارفه وقتها اعمل ايه غير اني اوافق وبس
ليلي: كان عندك اهون تربي بناتك غير انك تبعيها لكن انتي معندكيش قلب فضلتي عايشه26 سنه كده انتي ايه اي ام انتي
فاطمه: ليلي اهدي دي مهمي كانت امك مهمي عملت هتفضل امك
ليلي: بعصبيه مش امي محدش يقولي امي
فاطمه: ليلي اللي ضحت قبل كده مش هتقدر تسامح امها مش هتعتبرينا اخواتك وانك انتي نصنا الرابع
بصتلها ليلي ومرديتش
قرب حسن من ادهم وقاله: يمكن انا مربتكش ومكنتش اعرف بوجودك بس سامحني يابني
قربت منه امينه: سامحه يا ادهم هو ملوش ذنب انا اللي حرمته من ابنه متحسسنيش بالذنب اكتر من كده ابوك ملوش ذنب سامحه يا ادهم
حسن: سامحني يابني لو كنت اعرف كنت ربيتك انت وليلي بنتي
حضنه ادهم: مسامحك يا بابا وقال: عمري محسيت مع الاسيوطي بحب اب لابنه ابدا ديما كان عاوزني علي مزاجه واني اكون صعب مع اخواتي انهم بنات وانا الراجل انت ملكش ذنب
حضنه حسن: هعوضك يابني هعوضك
وفضلوا يعيطوا شويا
الكل اتجمع حوالين ليلي
ايمان: سامحيها يا ليلي هيا كمان ملهاش ذنب وكلنا جمبك
يارا: كلنا محتاجينك جمبا اوي
رقيه: ارجعلنا خلينا اربع بنات وديرتنا تكمل
قرب منها ادهم وضربها ع راسها بهزار: طب قولي اربع بنات وراجل
رقيه: حبيبي هتفضل طول عمرك اخونا ومش الصغير ابدا هتفضل اخونا الكبير اللي ملناش غيره
مالك: يلا ياجماعه انا اول مره اسمع القصه دي
اياد: وانا كمان
مطر: عمرك سمعت اتنين اخوات اتجوزوا لبعض
محمد: مقالت مش اخوات ياعبيط منك ليه
قرب ادهم من ليلي
سامحيها وسامحيني وانا هعوضك وهنسيكي كل حاجه فاتت
ليلي بدموع: معتش ينفع خلاص
ادهم: قصدك ايه
ليلي: قصدي انك تطلقني يا ادهم وتبعد عني حكايتنا خلصت قبل ما تبدا اصلا انت لقيت ابوك وعرفت الحقيقه وعندك اخوات بيحبوك وبابا لقي ابنه الوحيد اللي مكنش يعرف بيه وانتوا اخوات والكل عايش مبسوط امينه هانم عندها ولادها اللي عاشت طول عمرها معاهم وجي الوقت بقا ان يكمل العيله دي هتفضل تلات بنات والشاب بتاعهم وبس انا مليش دور هنا دوري خلص
الكل: قصدك ايه
ليليي: قصدي واضح جدا انا مليش مكان ف البيت دي ولا ف حياتكم من بعد النهارده وان رجعت فهرجع عشان خاطر الراجل اللي رباني وموعدهوش اني هرجع تاني
ادهم: انا مش هطلق يا ليلي انسي الكلمه دي خالص انتي مراتي وهتفضلي مراتي
نزلت دموع ليلي: مراتك كانت فين مراتك دي وانت بتضربها وتتعصب عليها وتغتصبها يوم فرحها صدقت يابن الاسيوطي اديك عيشتني ف جحيم بس مش حجيم الادهم بس لاء جحمكم كلكم مستنين مني ايه اجي اقولكم يلا انا مسامحه ف حقي لا ليلي العبيطه اللي بتسامح انسوها
ادهم: بس انا مش هسيبك يا ليلي مش هسيبك
زقته ليلي بعيد عنها: وانا مش عاوزاك ومش هتجبرني ع حاجه تاني طلقني وانساني خالص واتجوز واحده تانيه تقدرك وورقتي توصلي يا هخلعك يا ادهم وطلعت تجري بره البيت
امينه بدموع: بنتي ليلييي وفضلت تصرخ وتعيط
رجعلي بنتي يا ادهم رجعهالي
ادهم: ليلييييي
وطلع يجري وراها والشباب راحوا وراه
راحت البنات اتجمعت عند امينه
فاطمه: هترجع يا ماما هترجع الصدمه مكنتش بسيطه عليها ليلي شافت كتير اوي وان شاء الله ادهم هيرجعها
امينه: انا السبب انا السبب بنتي هضيع مني تاني
يارا: اهدي يا ماما هترجع وهتسامحك وتحضنيها كمان
رقيه: ليلي طيبه جدا يا ماما وهترجع تاني وهيجبوها معاهم اهدي انتي بس
فضلت امينه تعيط ع خساره بنتها للمره التانيه
وعيط حسن ع وجع بنته حتي لو مش بنته بس هو اللي رباها وعشان معاها كل اللي مرت بيه
بكت ايمان ع صحبتها فا ليلي مش صحبتها بس دي اختها اتعرفت ع ليلي ف الابتدائي وكانت حزينه ديما ومش بتحب تصاحب حد وايمان خلتها تصاحبها بصعوبه وعرفت عنها كل حاجه وحاولت تقرب من ليلي وتعتبر انها اختها ومامتها مامتها
وبكت البنات ع فراق اختهم فهما حبوا ليلي ف الاونه الاخيره واعتبروها اكتر من اخت وها القدر يعلن انها اختهم بجد

طلعت ليلي تجري ومشافت قدامها غير وعربيه بتخبطها وقعت ليلي ع الارض وشاب نزل من العربيه  جي يفوقها مفقتش اشتلها بسرعه وطلع ع اقرب مستشفي

ادهم طلع وراها وفضل يدور عليها ملقهاش كانها فص ملح وداب
محمد: تعالا نرجع ممكن تكون رجعت البيت تاني
ادهم: مش هرجع غير بمراتي
مالك: ملهاش اثر هتكون راحت فين دي
مطر: ان شاء الله هتبقي كويسه نهدي بس وهنلاقيها
اياد: نفكر هيا من ساعات ما طلعت وادهم طلع وراها والكل الشوارع القريبه من البيت دورنا فيها مش معقول تكون لحقت تمشي
محمد: ممكن تكون اخديت تاكسي او حاجه
مالك: ارجعوا انتم طمنوهم ف البيت واحنا هندور ونرجع ممكن نلاقيها
مطر: احنا مش هنسبكم هنفضل معاكم
ادهم: كلكم ارجعوا انا هدور ع مراتي وهجبها
مالك: بس
ادهم: مبسش الكل يرجع
مالك: انا هفضل هنا مش هرجع لازم حد يفضل معاك همي هيرجعوا يطمنوهم وبعدين نشوف هنعمل ايه
وافق الكل وبالفعل رجعوا البيت وفضل مالك مع ادهم
وفضلوا يدوروا عليها

رجع مطر ومحمد واياد البيت
جرت امينه عليهم: فين ليلي بنتي فين جات صح مع ادهم
مطر: اهدي يا امي ان شاء الله هيرجعوا سوا
رقيه: يعني ايه فين ليلي
مطر: اهدوا يا جماعه ملقنهاش ومالك وادهم بيدوروا عليها واحنا جينا نطمن عليكم
زعقت فاطمه ف الكل: يعني ايه جايين تطمنوا علينا انا عاوزه اختي احنا كويسين ليلي مالها اختي مش كويسه
يارا: اهدي يافاطمه بالله عليكي
فاطمه: انا هدور عليها انا لازم ارجع ليلي لازم ترجع
رقيه: هترجع ياحبيبتي هترجع
محمد: اهدوا كلكم اظن ان امينه هانم محتجاكم جمبها اوي دلوقتي خليكوا جمبها واحنا هنرجع ندور تاني معاهم
قربت منه ايمان: محمد بالله عليك رجعلي ليلي ليلي مش صحبتي وبس ليلي اختي انا من غيرها ولا حاجه
حضنها محمد: اهدي ياحبيبتي وهترجع ان شاء الله
ايمان: وعد
محمد: وعد
ورجعوا الشباب يدوروا عليها وحسن طلب منهم يروح معاهم بس همي رفضوا وبشده
وفضلوا البنات جمب امينه
وسعاد هتموت من الفرحه وسرين
وسرين حكت للمجهول كل اللي حصل وهو قررر انه لازم يدخل ف الوقت دي ويكون هو المنقذ بتاع ليلي

بقلمي🖊دعاء محند نصر

_______________________♡

ياتري مين خبط ليلي وهل هتخسر الجنين او هيجرلها حاجه ولا لاء
ومين هو المجهول وعاوز ايه من ليلي وازاي هيبقي المنقذ ليها
ليلي فعلا هترجع وتسامح ولا ممكن مترجعش تاني
ياتري ادهم هيقدر يلاقي ليلي فعلا ويرجعها ولا لاء
كده الروايه وضحت لسه سر من هو المجهول ودي هنعرفه البارت الجاي ومين هو المجهول وحقيقته
توقعاتكم يا قمرات علشان تمهني

دمتم سالمين💕💕💕💕💕💕
دعاء محمد