نور
لمن بابا صعده بسيارتنه، وصلنا للبيت اني ماعرف كلش خايفة احس اكو شي حيصير، مع انو جان كلش حباب بس ابد ماحبيته وكلش كرهته بدون سبب،
احمد
صبح الصبح وكعدنه،
دريد: صباح الخير
احمد: صبحك الله بالخير يخوي،
محمد"اخ دريد": صباح الخير، راح اكللهم يحضرون الريوك،
محمد، رحت للمطبخ ولكيت مرتي ونور جاي يحضرون الريوك، مرتي سألتني اذا احنه نعرفة، كتلها لا ابوي جابه لانو مضيع،
طبعا البنات خطية بس يشتغلن ميدرن ليش اجه فاني كتلهن السالفة بالمختصر،
شفت نور شوية ضايجة وكوه عليها اسوي اكل،
محمد: نور شنو هاي مو من طبايعج، ليش تشتغليت من ورا خشمج،
نور: لا ماكو شي لين كاعدة من الصبح
محمد: ترا انت كل يوم تكعدين هيج وكت،
غلست ومارديت عليه، فجان كال حضروا الريوك وراح،
زينة"مرت محمد": صدك نور شبيج،
نور: شوفي راح اسولفلج بس ابد لتحجين،
زينه: اي احجي!
نور: البارحة من جنه كاعدين بالمطعم، لمحته بالغلط، واجت عيني بعينه، اني درت وجهي وهو ضل يباوعلي، والغريب جان وياه ولد وثنين بنات، وهسه هو ديكول هو جاي للعراق وحدة، شلون رهمها؟ جذبته بيضة اني شفتهم بعيني، والغريب من كل هذا حسيته كام يراقبنه لين وين منروك يمشي ورانه، انوب بابا راح حجة وياه واجته فرصة ذهبية واجه ويانه، لذالك كلش كرهته وما حبيته،
زينه: واااو اول مره تسولفيلي هيج، بس تدرين شنو هذا يسموه حب من اول نضرة
ضرت زينه على يده خفيف فجان ضحكت،
نور: يمعودة شتكولين هذا كره من اول نضرة،
المهم صبينه الريوك و اجه محمد واخذه،
احمد: عشتو تسلمون، والله ما كصرتي وياي ان شاء الله اردها لكم يوم تجون السعودية،
محمد: ان شاء الله، والله الوالده تريد تروح للسعودية وتحج،
احمد: والله بضيافتنه،
دريد: متقصرون،
احمد
اكلنه وجان الريك كلش طيب مع انه جان بسيط، واجه الحجي هم وتريك ويانه،
وبعدها رحت اغسل، وسمعت الحجي يجي ويه بنيه، يكللها اليوم سوي غدة دسم، يعني قصدة تشريب دجاج او برياني او سمك،
اني انداريت ولكيت الباب شوي مفتوحة، يمكن هذا المطبخ، وبنيه واكفه كدام الحجي وعينها بلكاع وتكله حاضر، ايي هيه هاي البنت يلي جيت لهنا علمودها، يلي كذبت علمودها، اهخ منها ع الجمال،
المهم طبيت الديوان وكعدت وياهم شوي والحجي سألني ششتغل،
احمد: والله يعمي اني اشتغل بشركة ابوي للعقارات،
الحجي: اي الحمد لله، عرفتك ثكيل،
احمد ابتسم،
دريد: هخ عدك خوان؟
احمد: اي بس واحد ضافر،
الحجي: هاا الله يحفضكم يعني هو وريثك؟
احمد: لا هو موضوف و الوالد مقسم الورث البيت نص لاخوي ونص لاختي المزوجة، والشركة الي والاختي الصغيرة،
الحجي: اهاا حجي حلو هذا ، خوش مقسمين هاذ هو الصح،
أنت تقرأ
سعودي وحَب عِراقية
Short Storyتنطبق علي مقولة "شفتها وعقلي رأسن طار" هذا هو ماحدث مع احمد يوم زار العراق لاول مره، كيف راح يكون رد فعل "نور" بنت العراق، واسئلت اهلها يلي ماتخلص، "كيف عرفك؟" وهل راح يتقدملها؟؟ هل راح توفق!؟ بقلم: mr.kimoo القصة حقيقية. استمتعوا 💞
