*ဒါက ပိုးထည်တွေပါ...*
*မဟုတ်တာ ဗျာ။ဒီလိုပစ္စည်းတွေယူမလာလည်းရပါတယ်..*
*မြို့တော်ဝန်ကလည်း ..မကြာခင်ဘဲနှစ်အိမ်တစ်အိမ်ဖြစ်တော့မှာကို စိမ်းကားနေတုန်းဘဲလား..*
*ကျွန်တော်ကအဲလိုသဘောပြောတာမဟုတ်ပါဘူး..*
*အဟား..!မြို့တော်ဝန်က ရိုးသားလိုက်တာ..*
*အားမနာပါနဲ့ နောက်ဆိုဒီထက်တန်ဖိုးကြီးတဲ့ပစ္စည်းေတွရအုန်းမှာပါ..*
ဂရေ့စ် ၏ဖခင်ဖြစ်သူအရာရှိကြီးက ပြည်မကြီးကဝင်တဲ့နူးညံ့အိစက်တဲ့ပိုးထည်စတွေကို လက်ဆောင်အဖြစ် ဂျောင်ဂု ဆီကိုယူဆောင်လာပေးသည်။ပြောရရင် မျက်နှာလုပ်တာပေါ့။
အကျိုးလိုလို့ညောင်ရေသွန်းတယ်ဆိုလည်းမမှားဘူး။အများမြင်မှာတော့ အရာရှိကြီးကကုန်သွယ်လုပ်ငန်းလုပ်ကိုင်တယ်လိူ့ဘဲသိထားကြတာ။သို့ပေတည်း သူသည်တခြားသောတရားမဝင်တဲ့အလုပ်တွေလည်းလုပ်ကိုင်ပါသေးသည်။
*သမီး မြို့တော်ဝန်ကိုနှုတ်ဆက်လိုက်အုန်းလေ..!*
*တွေ့ရတာဝမ်းသာပါတယ် မြို့တော်ဝန်..ဂရေ့စ် ပါ.*
*ထပ်တူပါဘဲ..*
မြို့တော်ဝန်နဲ့တွေ့ဆုံဖို့ရှိလို့ လိုက်ခဲ့ရမယ်ဆိုတဲ့ ဖေဖေ့စကားကြောင့် ဂရေ့စ် လည်းမလွဲသာဘဲလိုက်လာခဲ့ရသည်။ရောက်တော့လည်း လူကြီးချင်းစကားလက်ဆုံကြနေသည်မို့ သူ(မ) ငြိမ်ငြိမ်လေးထိုင်နေပေးသည်။
ဖေဖေ ဘယ်အကွက်ကိုရွှေ့နေလဲဆိုတာ သူ(မ)သိသည်။သူ(မ)ကိုအရုပ်တရုပ်လိုသတ်မှတ်ပြီး ကုန်သွယ်ရေးလုပ်ဖို့စိတ်ကူးနေတာလေ။
တည်ကြည်ခန့်ငြားတဲ့မြို့တော်ဝန်ဂျောင်ဂု ကအပြုံးယဲ့ယဲ့လေးဖြင့်သာ သူ(မ)ကိုတချက်ကြည့်ပြီးနှုတ်ဆက်လာသည်။အေးစက်စက်နိုင်လိုက်တာလို့လည်း မှတ်ချက်ပေးမိသည်
*အရာရှိသမီးကအချောလေးဘဲ..*
*ကျေးဇူးတင်ပါတယ် အန်ကယ်လ်.*
တယောက်တခွန်းစီနှုတ်ဆက်ရုံကလွဲရင် ဘာစကားမှထပ်မစဖြင့်တဲ့ သားဖြစ်သူကြောင့် ဂျွန်ဆော့ ကဘဲစကားလမ်းကြောင်းဖွင့်ပေးလိုက်သည်။ဂေရ့စ် နဲ့သားကိုလိုက်ဖတ်တယ်လို့ သူမြင်တယ်။