"معتم،تلفونك انخبص شو دكوم"
استقام الي جان نايم بعمق على صوت صديقه ولاحظ أن صديقه كاعد قبله بفترة من ترتيبه الواضح وريحه الطبخ الي ملئت البيت
"الو،ها يوم"
"وينك ها؟الليل كله ما اجيت،ادك عليك ما ترد؟؟!!"
"يعني قابل اموت؟يم جماعتي سهرانين ودنتونس فرحانين بالتخرج"
"معتم"
نز معتم لأن هلمرة ابوه الحچه مو امه ويبدو أنه كان موجود من البداية واخذ الجهاز من أمه
"ها يابة"
"سهران ويه جماعتك؟"
"لا والله يابة يم باسل بس عزمني على اكل هوة طابخه بمناسبة التخرج وضلينه نسولف وجنت تعبان خفت اسوق بليل ويصير حادث شيء"
"أنت رجعت جليلة البارحة؟"
"ها؟"
"علي كالي انك خابرته وكتله اني ارجع جليلة لا تجي"
" ها أي...هية كالتلي رجعني وياك لان رادت ترجع من وكت"
"خوش،شوكت ترجع للبيت؟"
"هسه جاي"
"جيب باسل وياك"
"لـيش؟"
"جيبه وتعال"
سد الجهاز بوجهه والثاني صدع من التعب وعرف من ابوه طلب باسل يعني ما مقتنع بولا حجاية كالها ابنه ونقل نظره بتعب لصديقه
"شنو؟"
"مهاب يريدك"
"ليش"
"ممصدك أني ضليت يمك"
"يلا مو مشكلة"
"والله اهلي غثه"
"ميخالف يخاف عليك"
"مو زعطوط اني"
"مو لو انته زعطوط مراح يخاف عليك لأن المزعطه يخافون بس لأنك مو زعطوط يخاف عليك ويخاف منك"
"جنك بيبيتي"
"عاد بيبيتك حسنه العشيرة"
"بس مسكينه اذوها"
"الله يرحمها"
"امين"
"دكوم خناكل بسرعة ونروح لا عمي مهاب ينهينا"
"يلا"
****
"ست جليلة...ست جليلة كعدي"
"شبيج سرى"
تحدثت بدون ما تحرك ساكن من سريرها والتعب جان واضح عليها من صوتها
"استاذ محمد القيس يريد الكل يجتمع على المائدة"
"وبعدين ويا هلمخلوق،شيريد منة هلمرة"
"اروحلج فدوة كومي مو مال مشاكل من الصبح"
"هو بس اسمه مشكلة"
"يلا كومي حضرتلج حمامج وغراضج"
"كايمه"
"تمام ست"
استقامت الثانية من مكانها وراحت اتحممت ولبست ملابس فضفاضه جينز رصاصي فاتح عريض وقميص حرير باللون البنفسجي الفاتح وربطت شعرها كله بشكل مرتفع وما حطت أي مكياج واكتفت بمرطب بشرة وعطر هادىء ونزلت لكت الكل متجمع والعيون كلها منزعجه وهذا شيء طبيعي جداً لان العجوز هذا ما وراه غير الطلايب
كعدت بمكانها المعتاد والي هو بصف امها وابوها وكدامها جان كرسي فارغ والي هوة بالفعل مكان معتم
باوعت لجدها وشافت النار تشتعل بعيونه بسبب عدم وجود معتم وبهالاثناء دخلوا معتم وباسل البيت وتوقفوا لما شافوا الكل متجمع على السفرة
"هذا وين جان دايح راجع للبيت الصبح؟"
سأل محمد القيس بعد ما شاف معتم داخل للبيت من وجه الصبح بلبس البارحة
"اعتذر يابة،جان اكو حفل تخرج بالمعهد مالته وكتله يتأخر براحته،حقك علي"
"مو احنه ماعدنه شغل وعمل ياهو يريد يديح براحته،مخلف نغولة"
ضحكت جليلة بشكل غير لائق والكل نظر الها بعصبية لأن ضحكتها جانت ساخرة
YOU ARE READING
مُعتِم جَليلة
Romanceاحيّا لِإجلّي لا لَكم وَ مَهمّا حَدث لَن اكونَ إبنَتكُم ترتيل سفيان القيس م تمشي عليها قواعد الجاهلين فَقط أبتَعِد عَنّي قَليلاً وَدعّني اعيّش يَومّاً هادىٔ غيث مُهاب القيس يهرب دائماً مِن قواعد الجاهلين بداخل قصر مطلي بالذَهب والاكاذيب والحقد ول...
