عند هيفاء
هيفاء:بدر لازم تسويها عشان نبعدهم عن بعض ولو اعرف انك ماقدرت مارح يصير لك طيب
بدر :أنشأءالله وأبشري مالك الا الي يرضيك
وجاء اليوم المنتضر ل هيفاء
والخبر الي رح يصدم متعب
ابو بدر :والله يابو زيد حنا جينا نخطب بنتك نور ل ولدي بدر
ابو زيد :والله والشرف لنا ويشرفنا بدر يكون نسيبنا
بس ناخذ رأيى البنت ونرد لكم خبر
ابو بدر :وش بلاك يابو زيد من متى وحنا ناخذ رأيى البنات
ابو زيد :خلاص تم يابو بدر
ابو بدر :والملكه والزواج بنفس اليوم بعد شهر
ابو زيد :تم
وراح ابو زيد يكلم نور
ابو زيد :نور
نور :لبيه
ابو زيد :أليوم جاك خاطب
نور بدون اي كلام :ارفضه يبه مابيه
ابو زيد :وهو على كيفك انا وافقت وكلمتك من كلمتي
نور :يايبه تكفى وربي مابيه لاتغصبني عليه
ابو زيد :تاخذينه وغصبن عنك
دخل زيد يلي كان مسافر وتوه راجع من السفر
زيد :ماهقيتك يابو زيد تغصب بناتك على شي هم مايبونه
ابو زيد:تأخذه وغصبن عن يلي مايرضى
زيد سكت لانو مايقدر يتكلم اما نور راحت غرفتها وقفلت الباب وقعدت تبكي
وانتشر الخبر
بيت ابو متعب
تهاني:ماسمعتوا الخبر الجديد
ام متعب :وش الخبر
تهاني :نور انخطبت
متعب يلي اوجعه قلبه بعد ماسمع هالكلمه
ابو متعب ناضر ل متعب وقال :وافقت او لا
تهاني:يقولون اي وافقت
ام متعب يلي قلبها يوجعها على ولدها
دخل متعب الغرفه وماحكي لكم عن الضيقه والقهر والغبنه يلي جت متعب
وطلع متعب من الغرفه وهو معصب واوال مره يشوفون متعب معصب كذا
متعب :انا ماخذ نور والله ل أخذها انا وهي مالنا دخل في مشاكلكم انت وعمي زيد
ابو متعب :تكلمني انا كذا
متعب :اسف يبه تبي تتحكم فيني كلي اوكيه بس تحرمني من الي احبها والحين شوف وين هي ووين انا بسببك انت انا قلت لك يايبه بخطبها قمت قلت لا وذا كله بسببك انت وعمي ونور مغصوبه عليه لكن والله لو اموات اني ل أخذها
ابو متعب يلي أعطى متعب كف :ماعد باقي الا هي يجي ولدي يرفع صوته عليه عشان وحده ماتستاهل
متعب يلي الغصه شوي وتطلع مو من الكف من القهر
:بالعكس نور تستاهل لكن تدري يبه مستحيل اسامحك
ابو متعب :اذلف بس
راح متعب وانتهت ذي اليله بالنسبه ل متعب في غبنه
.
.
.
.
بدر :ابشرك وافقوا والملكه والزواج الشهر الجاي
هيفاء:اي حلو و بكذا بحاول اتقرب من متعب
وبدوا هيفاء وبدر خطتهم
