ام متعب :يايمه يا تهاني قومي عليك مدرسه لاتفوتك
تهاني :يمه مابي ادوام ماقدرت
ام متعب :اقول قومي قالت ماقدرت
قامت تهاني وهي مالها نفس تدوام وكل مالقت حد حطت حرتها فيه
متعب :يالاخت تهاني وشبك جايه تحطين حرتك فينا احنا وش دخلنا
تهاني:أقوال انت اسكت
متعب :اوكيه
نوف :ههههههههههههههه صاير محترم يا متعب وشبك
متعب :افاا انا محترم بس انتوا ماتلاحضون
تهاني :اي واضح
نوف :اقول تهاني يلا انتي روحي المدرسه وانا بنام ههههههههي
تهاني :ياربي انا لو اقوم لها نتفت شوشتها في يدي
نوف :ههههههههههههههههههه
متعب :تضاربوا تكفون لي فتره ماشوفكم تضاربون
تهاني ونوف:اسكت انت
جاء نياف :يالله صباح خير انت وياها تراكم ازعجتونا
تهاني:انت مافي يوم مايجي وماتكون معصب
نياف :اقول لاترفعين صوتك عشان لا اجي اقص لك لسانك
متعب:رجال رح جرب وشوف
نياف :ترفع صوتك على مين انت
متعب :اي ارفع صوتي عليك ماعد باقي الا تجي تحط حرتك في خواتي
ام متعب :خلاص يامتعب ونياف
نياف جاء بيمد يده على متعب مسك يده
جاء ابو متعب على أصواتهم:ماتستحون انتوا على وجيهكم رجال كبركم وعبركم تسوا حركات البزران وش عاد بقيتوا ل البزارين
متعب :محشوم يبه
نياف :محشوم يبه
ابو متعب :ام متعب اليوم العصر بنروح عند اهلي تجهزوا
ام متعب :انشاءالله
راح ابو متعب ونياف
تهاني :اللهه وناسههه بنروح بيت جدي وبشوف ريوف ونغم ونورين
نوف :اي والله وناسه
بعد العصر
نوف :تهاني سرعهه طلعي من الحمام وجعع
تهاني :يوجعك انشاءالله
طلعت تهاني من الحمام وقعدت ترتب ملابسها وجاء متعب ورمى ملابسه علبها متعب: جهزيها لي وحطيها بالشنطة
تهاني :لاوالله خدامه انا عندك
متعب :اقول بلا كثرت كلام سويها واعطيك ١٠٠
تهاني :خلاص تم ابشر
متعب :ذا كله مصلحه
طلعت نوف من الحمام :اي اشوفكم مجتمعين وش بلاكم
متعب :مافي شي بس ابيها تسوي ملابسي
نوف :اها
وتجهزوا وخلصوا وقاعدين يرتبون الأغراض تهاني :يمه ضهري انكسر تعبت
نوف :وانا بعد يمه تعبت
متعب :اقول بلا دلع وقوموا كملوا
نياف :خلاص يبه رتبنا الأغراض
ابو متعب :اجل يلا اركبوا
ركبوا واتجهوا ل الديره
في الديره
نور :بنات تخيلووووو
نغم. :وش
ريوف :اكيد معك شي وشبك
نورين :وشبك وش معك
نور:خال متعب بيجييي
نغم:قولي والله
نور:والله
نورين :الله وناسه
نغم:نوف وتهاني بيجون بين
نور :اي بيجون كلهم
نغم :حلوو
هيفاء:وشبكم مجتمعين وش معكم
نغم :خال متعب بيجي
هيفاء (طبعا هيفاء تحب متعب من زمان وتحاول تلفت انتباهوا بأي طريقه ):الله حلوو
نور :يلا قوموا نسوي حلى
نغم :يلا
راحو يسوون حلى (نور نغم نورين ريوف نوره )
نور:نغم طلعي أغراض الحلى
نغم :تمام
وطلعوا كل شي
وشغلوا السماعه وقعدوا يرقصون ويطقطقون وضحك
وأخيراًا
وصلوا ابو متعب وعياله
دخلوا داخل
ام زيد :ياهلا والله في ام متعب وبناتها توه مانور البيت
ام متعب :منور بوجودكم ياقلبي وسلموا على بعض وراحوا نوف وتهاني عند البنات ودخلوا الغرفه كلهم مجتمعين فيها
تهاني:هااي
كلهم انفجعوا
نغم :تهانيييييييييي نوففففف اشتقتت لكم وتروح تحضنهم
وكل وحده تحضن الثانيه
نورين :وحشتوني حيل والله
نور :اي والله منجد اشتقنا لكم
تهاني :مو كثرنا ياعيني
فصخوا العبايات وعدلوا أشكالهم وطلعوا
عند الرجال
ابو نياف :دوبه مانور البيت ياهلا والله فيكم
ابو متعب :تسلم يابوي كيفك وكيف اخبارك
ابو نياف :الحمدالله تمام بشوفتك
ابو متعب :كيفكم يارجال
وقعدوا يسولفون
عند الحريم
هيفاء راحت تسلم على ام متعب : هلا والله في خالتي ام متعب
ام متعب :هلا فيك شخبارك
هيفاء:الحمدلله انتي كيفك ياخاله
ام متعب :الحمدالله بخير ياعيوني
(هيفاء تسوي نفسها سنعه قدام ام متعب عشان تخطبها ل متعب فهمتوا)
اما عند البنات
نور :استغفرالله شوفوا حركات هيفاء مسويه نفسها طيبه
تهاني :برضك حتى اليوم تكرهينها
نور:اي ماطيقها
نوف :حرام والله يزينها
نور :تراها من تحت ال تحت
تهاني :تدرون حتى انا ماني مرتاحه لها
وقعدوا يسولفون
وجاء وقت العشاء
متعب بصوت عالي عشان يسمعون الحريم :ياولد
طلعت له تهاني:نعم وشبك
متعب :جيبي العشاء
تهاني :ثواني بقول ل وحده من عماتي تجيبه لك
متعب :تمام انتظرك
تهاني :ياعمه
ام مطلق :هلا
تهاني :متعب يبي الاكل وانا مشغوله قاعده اسوي السلطه خلي اي وحده تطلع له
نادت ام مطلق :يانور
نور :لبيه عمه
ام مطلق:اطلعي اعطي متعب الاكل
نور:ابشري
وطلعت
لما شافها متعب (طبعا نور لابسه نقاب) قعد يتأمل عيونها توترت نور وتعطيه الاكل وعلطول راحت(هيفاء كانت تشوفهم ومقهوره )
تهاني :وشبه وجهك اصفر
نور توترت :لا مافيني شي
عند متعب بداخله :يالله وش هالزين وذي العيون الفاتنه
ابو متعب:يا متعب تعال
متعب :ابشر
راح ولحقه المجلس يلي كله رجال وجلسوا
ابو مطلق :ابو متعب
ابو متعب :سم
ابو مطلق :حنا نبي القرب منك واطلب يد بنتك نوف ل ولدي مطلق
مطلق يناظر مصدوم من أبوه حتى ماشواره
ابو متعب :ان شاءالله خلنا ناخذ رأيى البنت ونرد لك خبر
قام مطلق وطلع برا ولحقه نواف اخواه
نواف :مطلق
مطلق :لبيه
نواف :وشبك ياعيون اخواك
مطلق :مقهورر يخطب لي بدون علمي وبعد وحده حتى ماقد شفتها او لمحتها
نواف :مطلق نوف وش حلاتها ومو لازم تشوفها عشان تخطبها وبعدين اهم شي الاخلاق ونوف ماشاءالله عليها محترمه
مطلق:يانواف انا مابيها افهم
نواف :الشكوى لله ياخوي
عند الرجال
نياف :يبه وافق مو لازم تاخذ رايئ نوف
متعب :اقول اسكت هي يلي بتاخذه او انت نوف هي يلي رح تقرر والي على راسه بطحه يحسس عليها
ابو متعب :حتى قدام الرجال بس تتهاوشون اسكتوا عشان لاوريكم وجهي الثاني وبعدين انت يانياف صادق متعب انت مالك دخل
قام ابو متعب ونادا ام متعب
ام متعب :هلا ابو متعب وشبك بغيت شي ؟
ابو متعب :نوف وينها
ام متعب :جالسه معا البنات اناديها لك
ابو متعب :اي ناديها
راحت ام متعب نادت نوف
نوف :هلا يبه
ابو متعب :بغيت اكلمك يابنتي بكلمه
نوف :وش يبه
ابو متعب :مطلق ولد عمك تقدم لك والشوار شوارك
نوف مستحيه :الي تشوفه يبه
ابو متعب :القرار قرارك انتي مو انا موافقه أو لا
ام متعب :خلها يابو متعب تفكر وبعدين تعلمك
ابو متعب:انشاءالله
دخلوا
تهاني:وش يبي فيك ابواي
نوف :مالك دخل
تهاني:تكفينن وش يبي فيك
نوف :مطلق ولد عمي تقدم لي
تهاني :أحلفي بالله
نوف:وربي
وراحت تهاني ركض عند البنات
تهاني :بناتتت عندي لكم خبر
نغم :الله يستر وش معك
ريوف :وش معك حمستيني
نورين :وش
هيفاء:وش مسويه
شمقت لها تهاني
تهاني :مطلق خطب نوفففففف
نغم :قولي واللله
تهاني :وربي
نورين :الله بيصير فيه زواج
نوف استحت
راحو كلهم ضمواها وقعدوا يباركون لها
نغم :طب نوف بتوافقين ؟
نوف :مادري والله بستخير وبشوف
نوره:ترا اخواي مطلق يازينه
تهاني :اي عشانه اخواك تمدحينه
نوره :لا ياعيني انا مامدحه انا اعلمها
نور :خلاص انتي وياها لو مره واحده لاتتهاوشون
