هلووو
———————————————-
صالح قرر ينتقل من مدينته ومدينة اهله واقاربه "جده" ويروح للرياض بسبب عرض وظيفي.
امه تحظنه بقوه وتبكي على كتفه "بشتاق لك حبيبي صالح بالله عليك تكلمني وتطمني كل يوم" قالت له امه بحزن شديد لانها بتفارق ولدها الصغير المدلع.
صالح يحظنها ويمسح يده على ظهرها " ياحبيبتي انتي مابروح بعيد كلها الرياض متى ماتبيني اجيك، وبعدين بكون مع محمد اخوي لا تخافين".
مسحت دموعها بيدها وقالت له " يلا خلاص روح ياصلوح المطار لا تتأخر، لو تقعد زياده ترا مابخليك تروح".
ضحك صالح وباس راسها " يلا توصين على شي حبيبتي؟".
"سلامتك حبيبي وكلمني اول ماتوصل".
"ابشري" رد عليها صالح ب ابتسامه وطلع.
——————————————
" عبود تكفى يمديك تجيب اخوي صالح من المطار؟ ماقدر انا الدوام نادوني شفت بالليل" محمد قال لعبدالاله وهو يكلمه بالجوال.
"ياخي مادري ماتوقع يمديني" عبدالاله يرد، هو ماعنده شي بس توه قايم من النوم وماله خلق.
"عبوووود توك قايم من النوم ماعندك لا شغل ولا مشغله ماعلي منك بتروح يلا باي" قفل محمد قبل مايسمع جواب عبدالاله حتى.
دق جوال صالح
"هلااا محمد" قال صالح وهو يرد على جواله
"ياهلا صلوح ها رحت المطار؟"
"اي توني واصل اقلاعي بعد ساعه كذا"
