هلاو بنات طبعا اسفه ع تأخير بس والله ماجاي الحك شغل وعمل نشالله احاول استعجل واكمل القصه 🤍
قسور الذهب|الكاتبه سرو
يلا نكمل|
لارين:كعدت ع صوت امي تحضر بالملابس
:ها يوم المن ذولي؟
:راح نروح للزياره كومي حضري روحج
:شنو زياره ماما انتي امس وكعتي من درج وسولج عمليه
:ميخالف يمه ابوج اجالي بالحلم كالي تعالو زوروني مشتاقلكم
:حجيت بقهر بابا هيج طلب؟
:اي يمه بساع كومي حضري
:زين ورجليج مايصير تمشين عليهن
: اكعد ع كرسي وهناك الله كريم
:تمام وبيت عمي يرحون ؟
:اي كلهم
:نزلت جوة لكيت الكل كاعد يحضر للروحه بس اني ماادري بشي
صباح الخير ع جميع
ردو صباح النور
:ندى شنو هاي روحه سريعه ومااندري؟
:اندري والله كعدوني من نوم راح نروح للنجف كومي بسع بس والله طاك كلبي ع شوفت ابوي اخوي مشتاقتلهم
:هه تذكرين اول روحه النه جانو ويانه هسه بدونهم رايحين علمود نشوفهم بالكبور والله دنياا اخخخ
كملنا كلشي وحضرنا قفلنه البيت وطلعنه متوجهين للنجف وبالطريق كله دموعي مانشفو ابد ومشغلين لطميه باسم الكربلائي
(يازمن وين الاحباب) كلهم كامو يبجون وياهه احس نفتحت جروحنه
اني من البجي احس غصه بلعومي موتتني
بعد ساعات وصلنه نزلنه بين الكبور
صادفنه رجال حارس المكبره سلم علي اخوي مهيمن وابن عمي مصطفى علمود يدلينه
الكبور
ساعه ونص يلا لكينه كبورهم
بس عسا لاكينه
امي كعدت يم اخوي وابوي تعاتب بيهم وتبجي
وبيت عمي نفسنا اني بس واكفه اريد وحدي هيج اكعد يمهم واطلع كل البكلبي وابجي لحتى يرتاح كلبي شي بداخلي غصه جبيره
:بويه اني لارين بنيتك اني والله اشتاقيتلك شلون طاك كلبك تعوفننا وتروح شلون
حسنن فدوة كووم كومو والله بيت بدونكم وحشه وماله وجود
(يمن فدوة لعيونك ردلي لو لحضات واشمك شمة موادع يبويه العود ماتنشف دمعتي لوبعد قرنين اضل اتحركن انا عليك يالچادود ماشايف كبل واحد يموت وكوف انه ادري اليموت على الأرض ممدود تعال وخل احطك وسط هاي العيون موتجبرني اخليك بوسط تابوت كل لحضه بغيابك چنهه عشر سنين)
خضره رويحتك يبوبه ليش تروح؟
عمو ؟حيدر شتاقينالكم والله
لنص ساعه ع هاي وضعيتنا اخير شي خلينه ع كبورهم مي ورد وبخور وكملنا كلشي طلعنه
جاي نمشي بالطريق اتصل تلفون اخوي مهيمن والمتصل ابن عمتي عباس
:شيريد؟
:هاذ عباس يكول ليش ماكلتولي اروح وياكم رايحين وحدكم
:ها خطيه ليش ماكتله
:مالحكت والله طلعنه بسرعه
:اي هم صدك
طلعنه لمطعم اكلنه شوي محد اله نفس وكملنا
طلعنه بالطريق ل 3ساعات وصلنا للبيت
تعبانين كلش كبل نمنا كلنه
مر الوقت كعدت
مالكيت امي
:عمه وين امي شو ماكو ؟
: والله ياعمه رجلهه كامت اتأذيهه ومهيمن اخذاهه للمضمد اليمنه يشوفهه
:اي طبعا اذا هيه مشت عليهه وتحركت كتلهه ديري بالج عليهه مافاد
شوي واجو
:هامهيمن شكال المضمد عليهه؟
:شوي متئذيه لان متحركه عليهه ورجع طانه علاجات الهه
التفتت لاامي
:هاا يمهه شكتلج اني موتنيهين عليهه
:اني يمه ادري بيهه هيه كامت عليهه هسه عوفكم اخذوني للغرفه انام شوي تعبانه
:اخذتهه للغرفه ونامت
نزلت جوة
ندى:ولج لارين طونا متحانات اخير سنه واني مادارسه
:شكد بعد؟
:سبوع وتبدي
:ادرسي عيوني عدج وكت
:اي راح اخلص وكتي دراسه اوف ربي
حمدلا مرتاحه من هل لعبان نفس
:اي شرايحلج ست لارين
(للعلم لارين تاركه دراسه وسبب متحبهه ولازينه بيهه)
المهم مر سبوع الوضع طبيعي وروتين ممل
ندى:لارين رايحه للاامتحان تعاي وياي فدوة لان احس خايفه ومتوتره
:تمام حبيبيتي
لشوي وصدك رحت وياهه
:شو حت اني متوتره وخايفه عبالك عدي امتحان
:اي خيه شاركتج خوفي هههه
وصلنه للمدرسه مليانه طالبات وهوسه احس نفسي جديده بينهم ستحيت
:لوادري ماجايه كلهه تباوع
:نعجبو بيج غير
:دمشي ولي لصفج اني راح انتضرج بره يم الباب خاف تكملين
:تمام عمري دعيلي فدوة
:يارب طلعين لسلامة وتفض العمليه ع خير كون اهم شي الطفل سالم
:عابتلج ام حلك خوش دعاء هاذ
:راحت واني طلعت بره واكفه بيها جو بارد شته شكول عليج ندى نصلبت بيج هسه بهل برد
كاعدة ع كرسي وكف كبالي وسمعت صوت سلام عليكم
باوعت واشوف يسر ؟
هاذ انت ؟
يسر:هاي انتي ؟
:اي اني شنو انت هنا شعدك؟
:كلساع نصادف بمكان ههههه
:اي ماكتلي شنو عدك هنا ؟
:اختي داوم هنا وعدها متحان جاي عليهه
:حلو
:وانتي ؟
:جايه وي بت عمي هم عدهه متحان
:الله ع صدف الحلوة التجمعنا
:مافهمت شلون؟
:لاتفهمين بويه
:ليش تكلي بويه ؟
:احسن بويه احسن
باوعتله بستغراب وعدم فهم
:لاتباوعين هيج خليج طبيعيه وياي
:لاوالله ومنو حضرتك درت وجهي منه واشوف 2ولد واكفين ويباعون عليه بنضرات سخيفه وتلعب نفس
انتبه عليهم يسر
:هذول شعدهم يباعون ؟
:اني ادري بيهم
:امشي مناك تعاي
:مااجي عوفني روح منا لااحد يشوفنا سوة
:وذول الكلاب اليباعون؟
:شعليه بيهم
مااحس الاهاذ راحلهم حجه وياهم مااعرف شنو بس احس بتهديد يحاجي بيهم ذول كبل راحو
:اجالي وانتي بعد لاتجين مفهوم بت عمج وداوم انتي شنو موضوعج ؟
:انت شعليك ها كلي روح مني
:احترمي نفسج تره علمودج الجاي اسوي شفتي ذولي شلون يباعولج لوااني ماموجود جان ابصر شسوو وانتي وحدج
:تمام شكرا الك
:ادخلي جوة وانتضري بت عمج موبره
:شوي وطلعت بنيه شافتنه سوة
حجه يسر ها الله يساعدهم شلونه الامتحان ؟
:زين والله بس شوي صعوبات يسر منو هاي ؟
وتباوعلي
:هاي بت صديق ابوي نجم الله يرحمه
:ياا صدك والله حجت وياي هله بيج بيج حبيبتي شلونج؟
:هلا بيج عيوني حمدلا
:والله من سمعنا باابوج توفه كلش نقهرنا علي خوش رجال وطيب الله يرحمه
:تسلمين كلبي ويرحم موتاج
:شوي وهم طلعت ندى
:ها كملتي امتحان
:يي حبي كملت ها نرجوسه انتي هنا ؟
:اكلكلم ماجاي افهم ؟انتو تقربون لبعض ؟
:اي حبي هاي بت عمي الكتلج عليهه
:والله صدك ولاعرفتهه توه يسر اخوي حجالي عليهه
يسر:هسه نضل واكفين اخذجن للمطعم تكعدن تاكلن وتتعرفن ع بعض مواحسلجن ؟
نرجس:ههه ياريت والله شتكولن بنات
لارين: لاحبيبتي تأخرنه ع بيت لازم نرجع
نرجس:والله حبيتج باجر اخلي يسر يجيبني الكم وتعرف عليج اكثر
ندى:ها عيني حبيتها واني كشكش هنا ؟
نرجس انتي صديقتي الاحبها واموت عليهه ومن بعدج لارين
لارين:حبيبتي انتي كل الهلا بيج شوكت ماتجين والله
:تسلميلي كلبي
:ها يسر موتنسا تاخذني
يسر:دمشي عمي مسويتني سايق الهه بت المعكب
ضحكنه عليهم
:يلا بنات اوصلجن بطريقي ؟
ندى:اي ياريت والله مابيه حيل امشي
ندستهه ع سكته
:وين نروح وياهم عيب ولج بلا واحد من اخوانه شافنه؟
مايدرون دمشي يمعوده
:امشي لارين امشي فدوة ويانه
:تمام هاي لخاطرج
صعدنه بسياره ومستحيه كلش
رفعت وجهي اباع من الجام التقت نضراتي وي نضرات يسر الي من مرايه السياره بتسملي ستحيت منه رجعت دنكت وجهي
:شهل فشله هاي ياربي
شغل اغنيه ع شكل موال
(حضن دافي للراحل حيدر العابدي)
ندمجت وي الاغنيه ونزلن دموعي وياهه
انتبه علي يسر وكال
:خلتج تبجين ؟ اسفين عمي خل اغيرها
:لاعادي بس شوي عحبتني
مسحت دموعي وكعدت عدل شوكت نوصل ؟
هاي وصلنه
نزلت من سياره سلمنه عليهم وراحو
:ندى:خوش ولد حباب والله
:اي بس تأخرنا هسه شنكلهم ؟
دخلنه جوة وسمعت عياط اخوي ومصطفى
هاي شصاير جوة؟
دخلنه واشوف ؟؟!!
لهنا ويكمل البارت انتضروني بارت قادم
في امان الله ✍️❤️
أنت تقرأ
قسور الذهب
ChickLitتبدأ الأحداث حول فتاة في طريق المضلم القاسي الذي سلب منها فرحتها وعائلتها لتقع بحب شخص تراه صدفه وتبدا معاناتها وقسوة الأيام معها فما مصيرها؟
