وحسبالي من ابتعد .
تتعنى لدياري.!
وترسلي وينك .
مختفي .?
ضل بالي.
وكل ظني اهمك صدك .!
وتهمك اخباري !.
بقلمي/اسراء الشمري
قسور الذهب
___________________________
لارين: كمت اباوع شنو صاير عدهم
صعدت ع حايط واشوف بيتهم مليان ناس والكل يصرخ
شنووو هاي شصايرر عدهم
جان يطلعون جثه
من بيتهم
تقشعر بدني
وكفت بصدمه
من خوف المنضر الشفته
رجعت طحت بالكاع بس هلمره الوكعه أثرت بيه ع المها صرخت من الوجع
ندى:هااا لارينن شبيج؟
:ندى ندى بيت جيرانه متوفي واحد منهم
:شنو منو شبيج انتي ؟
لارين:متت من البجي ضليت اشهك حت اختنكت من البجي اريد اسكت ماكو
نعادت ذكريات وفاة اهلي
ندى:ولج لارين شبيج حبيبتي شصايرلج ياروحي بس كليلي
:ندى خايفه اريد ادخل جوة اخذيني
:بس اهدي ياعمري امشينا
لارين:دخلت جوة
وامي وعمتي نتبهن عليه
ام مهيمن:شبيج يمه ليش تبجين؟
:ماما بيت جيرانه واحد منهم توفه
:عزا يمه منو؟
:مااعرف
طلعت امي لبست عبايته
وطلعت بشارع شوف منو
وره ربع ساعه اجت
عيونها تصب دمع
:ها ماما
:انا الله وانا اليه راجعون
ستغفر الله ربي امرك وحكمك
ذول بنات جيرانه بتهم توفت خطيه
ام مصطفى:بس لاذن الاخوات
:اي خيه
:الله يرحمه خطيه
لارين:ضليت واكفه ومنضر الجثه ماراح من بالي
كاعده وافكر ودموعي ع خدي
ندى:هسه البنيه ماتت الله يرحمهه انتي شبيج؟
:ندى الفكراك صعب الله يساعد اهلها اختها اذا اني الغريبه المااعرفها هيج صار بيه همه شلون؟
:يعني شيسون هيه هاي دنيا احنا هم مرينه بهاذ الموقف والشعور وهم توجعنا ع فراكهم بعد هاذ أمر الله ولااعتراض علي
لارين:حمدلا ع كل حال
:كمت تنهدت بقهر ومسحت دموعي
رحت اطلع انضف الحديقه
مريت ع الاستقبال
سمعت اخوي يخابر
مهيمن:ولك انا ماعندي واطيهم يردون الفلوس بااسرع وقت
اذا نص البضاعه النزلت ماكدر اشتريهن خلصت كل فلوسي على هالسالفه التعبانه المالها نهايه
اي ولك انا ادمنت هل شي مااكدر اعوفه
الله كريم نشوف شنو نهايته
اي انت دير بالك هم لااحد يشوفك
يلا الله وياك
لارين:واكفه اسمع لحجيه
:منو هاذ وشجاي يحجي
حت مافهمت شي
شنو هل شي الادمنا ؟
ضليت واكفه واافكر
انتبه لوجودي
:شعدج هنا؟
:ها شسمه اريد انضف
:تنضفين يمي روحي هناك
:اي رايحه
:لارين ؟
:ها؟
:جنتي واكفه تسمعين لحجيي؟
:خفت منه لايعصب لان هوة يكره هل شغله
:لاا مااسمعت شي بس اريد اروح
:ضل يباوعلي وهوة مامصدكني
:روحي منا
طفرت من خوف طلعت
بالطارمه
والخوف عماني
:بس منو الكان يحجي ويا وشعنده ؟
وخرت الافكار من بالي ونضفت كملت
دخلت جوة
لكيت امي وعمتي كاعدات يحضرن برواحهن
:ها وين رايحات
ام مهيمن:يمه رايحين للفاتحه عيب مانروح
:خل اروح وياجن فدوة
:شعدج يمه ماتكليلي ؟
:فدوة يمه خل اروح
:خوش روحي لبسي وبسرعه تعاي
ندى:واني هم اروح جا شعدي اضل
:ديلا امشن بسرعه
لارين:دخلت لبست وكملت طلعنه كلنا متوجهين لبيت جيرانه
اول مدخلنه لبيتهم
مليان نسوان وصريخ وناس هوسه
ستحيت من ناس ضليت مدنكه راسي ودخلت وي امي
:كعدنا بالديوانيه جوة
وكفن امي وعمتي يطلمن وي نسوان
واني وندى كاعدات بس نباوع
اباع وحده
مامهتمه للوضع اصلا بس كاعده تبجي بدموع قليلات
شفت وحده كاعده بصفي
:هاي منو؟
ضحكت ع خفيف
وكالت
:هاي اخت المرحومه
:رجعت باوعتلها مصدومه معقوله مامتأثره ع اختها لهدرجه عجييب؟؟!
ضل تركيزي كله يمهه اخير شي نقالها اتصل ترخصت من نسوان وطلعت
اسمع لحجي نسوان يمي يحجن عليهه بالفاض موزينه
بقينا شوي كاعدين وكل شوي وحده تدخل تلطم وصرخ
راسي كلش كام يأذيني
لارين:ندى كايمه اشرب مي هسه اجي
:تمام حبيبتي
:طلعت للمطبخ
اشرب مي
واشوف طفله صغيره كلش وحدها عايفيهه وتبجي
اجيت يمهه
:ها حبيبتي ليش تبجين ؟
باوعت للنسوان واكفات يحجن ومامهتماتهله!
:وين ام هاي طفله؟
:غير امها المرحومه عمت عيني
:يعني امها التوفت
باوعت للطفله بنضرات حزينه
نقهرت عليهه
شلتهه وبستهه
:زين محد الهه وين خالتهه ؟
:عشتو خالتهه شني هيه هاي تنحسب خاله عود
لارين:ضليت صافنه ع حجيهن ليش الكل يحجي ع اخت المرحومه وشبيها
اخذت طفله
شربتها مي
وغسلت وجهه
اباوعلها كلش حلوة وبريئه
:ياعمري انتي شنو هل حلا هاي
بعدج صغيره وتيتمتي!شنو ذنبج ماتكليلي
بستهه من راسهه اخذتها ورحت يم امي رجعت
ندى:منو هاي؟
:هاي بت المرحومه
: ياا خطيه بس فدوة شحلاتهه
:اي فدوة حلوة
ضلت ندى تلاعب بيها
التفتلي وحده من بنات وكالت
:والله الغريبه احسن من خالتها
مافهمت كلامها
كتلها
:بلا زحمه شنو قصة خالتها ليش كل يحجي بيها ؟
:اني اكلج هاي خالتهه فد وحده ادبسزز وبت شوارع
دائما اخواني وزلم منطقه يشوفوها تركب بسياره وتصعد وي زلم
وسمعتهه كلش موزينه
حت مره تعاركت هيه واختها المرحومه
لان اختها الكل يحجي بيها وماراضيه عليهه
اما المرحومه جانت خوش بنيه وحبابه
بس بسبب اختها ماخذين هم نضره خايسه عليها
: نصدمت من كلامها
: استغفر الله ربي ليش هيج سوي بروحها
زين اختها شنو سبب وفاتهه ؟
:والله يكولون صايره عدها جلطه بليل ومتوفيه هيج سمعت
:اوفف الله يرحمها
:اميين
باوعت للطفله بحضني وكتلها
وهاي طفله شنو ماعدهه ابو كرايب؟
:وين ابوهه طلك امها وشرد وي صاحبته يكولون واجدادهه متبرين منهه مايردوها
:شنوو من ناس هاي عجيب امرهم والله بلا شنو ذنب هل طفله نخلقت بين عايله لاضمير ولارحمه
اباع لندى كاعده وتسمع لحجينه
ثنينه نقهرنا
:اني من القهر كلبي كام يوجعني
ضلينا شوي كاعدين
وعمتي كالت
:يلا خيه ام مهيمن هم يالله نرجع للبيت
:اي يلا بنات كومن
:من سمعت راح نرجع نقهرت ع طفله مابدي اعوفها لوحدها
شلتها بستهه
وحاجيت البنيه
:فدوة ديري بالج عليهه بعدها طفله كلشي ماتفهم
:نشالله حبيبتي
:يلا باي
: مع سلامه
طلعنا وكل شوي التفت للطفله
اخذت كلبي
أنت تقرأ
قسور الذهب
ChickLitتبدأ الأحداث حول فتاة في طريق المضلم القاسي الذي سلب منها فرحتها وعائلتها لتقع بحب شخص تراه صدفه وتبدا معاناتها وقسوة الأيام معها فما مصيرها؟
