مسلمة ولكن 😔

#اسكريبت
_ ماما ماتت لااااااا متسبنيش يا أمي هعيش من غيرك إزاااي
أنا ريم عندي 21 سنة في 3 كلية هندسة لا أعرف شيء عن الإلتزام لأن مكنش عندي حد يقولي ده صح وده غلط أمي ماتت من حوالي شهرين في حادثه وبابا مات وأنا صغيرة ماليش حد غير أختي مريم الكبيرة

مريم:- يلا يا ريم هتتأخري على الجامعة
ريم:- حاضر
ونزلت ريم وقابلت شلتها في الجامعة
رضوى: هاي ريم
ريم بخنقة:- أهلا
رحمة:-عامله ايه يا ريم
ريم:-.......
رحمة:- بكلمك يا بنتي
ريم:- ها آه نعم بتقولي ايه
هاجر بمكر:- لأ دي مش معانا خالص بتفكري في مين قولي متخبيش
ريم بعصبية:- لييه إن شاء الله فاكرني زيكم ولا ايه لأ مش معنى إني مش ملتزمة يعني قليلة الأدب لا أنا مش بفكر التفكير اللي حضراتكم بتفكروا فيه عن إذنكم ومشيت
رحمة:- مالها دي؟
هاجر بلا مبالاه:- فكك يا ستي شوية وهتلاقيها راجعة تاني

ــــــ🍀
"عند ريم "
خلصت محتضراتها وهي مروحة خبطت في حد
ريم بأسف:- أنا آسفه ما أخدتش بالي
البنت:- عادي ولا يهمك
ريم باستغراب:- ممكن أسألك سؤال؟
البنت بإبتسامة:- طبعاً إتفضلي....
ريم:- هو إنتي مش حرانه يعني أنا ملاحظة إنك لابسة النقاب والخمار طويييل والبتاع ده ولابسه تحتيه جيبة غير كده كله أسود وده غير البتاعه اللي حاطاها على عينك
البنت بحب:-لا يا كتكوته أنا حرانه وحرانه أووي كمان والبتاع االي بتقولي عليه ده اسمه اللي حطاها على عيني دي بيشة أنا برضو عاوزة أسألك سؤال قبل ما أجاوب؟
ريم:- إتفضلي..
البنت:- فضلكِ الله يا جميلة
إنتي لما بتتلسعي من نار البوتاجاز إيه اللي بيحصلك
ريم بتلقائية:- بتحرق وبتوجع
البنت:- حلو أوي إنتي بتتلسعي وبتتوجعي من نار الدنيا فما بالك بنار الآخرة هل هتقدري تستحملي تتلسعي لسعة واحده بس من نار الآخرة أكيد لا ده انتي مبتستحمليش نار الدنيا أومال هتستحملي نار الآخرة إزاي، عرفتي ليه أنا مستحملة الحر علشان مش هستحمل نار الآخرة مش هستحمل حرارة نارها ربنا قال:-"قُلْ نَارُ جَهَنَّم أَشَدّ حَرًّا" أشد حر من الحرارة دي ده إحنا كمان شوية هنسيح من حرارة الشمس فما بالك من حرارة جهنم، أنا مستحملة علشان كده وربنا يثبتنا 💜🌹
ريم:- طب لو أنا عاوزة ألتزم أعمل إيه؟!
البنت:- أولاً: إبعدي عن أصحاب السوء علشان هما مش هيشجعوكي بل هيحبطوكي
ثانياً:توبي إلى الله وصلي ركعتين توبة
ثالثاً: الندم على ما فات إندمي على اللي كنتي بتعمليه
رابعاً: أخلصي نيتك لله وإنك مش هترجعي للطريق ده ثاني
وربنا يهدينا جميعاً 💜🌹🤗
ريم:- جزاكِ الله خيراً
البنت:- وأنتِ جزاكِ خير
ريم:- معلشي إسمك إيه
البنت:- أنا إسمي نور
ريم:- وأنا ريم تشرفت بمعرفتك يا نور
ممكن رقمك
نور:- أها طبعاً ****
ريم:- شكرا
نور:- الشكر لله وحده
وروحت ريم
ريم:- مريييييييييم
مريم:- فيه ايه يا حاجه بتزعقي ليه
ريم:- مش هتصدقي
مريم:- إيه اللي حصل
ريم:- عباس إتكسر
مريم:- إيه!
ريم:- وقع في حلة البصل
مريم وهي بتحدف عليها المخده:- إمشي ياللي هتجيبي أجلي قريب
ريم:- خلاص إهدا يا رمضان كنت عاوزاكي في حاجه بجد
مريم:- هببتي إيه
ريم ببراءة:- أنا! ظالماني أهئ أهئ يا ميلة بختك في إخواتك يا ريييم
مريم:- هتقولي ولا
ريم:- بصي وحكتلها على كل اللي نور قالته
مريم:- معاكي طبعاً
ريم:- أختي حبيبتي يلا ننزل بقا نشتري الليقولنا عليه ودورت ريم على أطول حاجه عندها لكن ملقتش غير بلوزة لحد الركبة لبستها ولبست بنطال طويل والطرحه ومحطتش أي ميك اب
ونزلوا هما الاثنين وراحوا عند محل خاص بالحجاب الشرعي واشتروا خمارات وجيب وفساتين وإدناءات وروحوا البيت وكانو تعبانين كل واحده دخلت تنام

ـــــ🍀
"في يوم جديد "
عند ريم
صحيت وصلت ولبست فستان لونه أسود وخمار لونه بينك ونزلت عالجامعه
شافت رحمه وهاجر ورضوى لكن مهتمتش
رحمه:- إيه يا ريم إيه اللي حصلك ما كنتي كويسة إمبارح ولا ده كله علشان هاجر قالتلك بتفكري في إيه وبعدين إيه القرف اللي لابساه ده شكلك بيئة أووي إرجعي لريم بتاعت زمان
هاجر بميوعه:- خلاص يا رحمة دي مش بتتأثر بالكلام معرفش مين اللي لسح دماغها ههههههههه
ريم بقوة:- ربنآ يسامحكم ويهديكم وسابتهم ومشيت
ريم في نفسها:- ممكن أكون اللي عملته ده كان غلط واتسرعت في إني ألتزم بس ده خير إن شاء الله ♥
وخلصت المحاضرات وسمعت أذان الظهر راحت تصلي
وهي مروحة ما أخدتش بالها من العربية اللي جايه عليها وحاولت تتفادى العربية وتلحق نفسها لكن لم تستطع وخبطت العربية في ريم وودوها المستشفى ومريم ونور عرفوا باللي حصل

ــــ🍀
"في المستشفى"
الدكتور طلع من أوضة العمليات ووجهه لا يبشر بالخير أبداً
الدكتور بحزن:- البقاء لله
ماتت!
ماتت وهي طالعه من المسجد!
ماتت على حسن خاتمة!
ماتت وهي ملتزمة!
دخلت عليها مريم ونور لقوها مبتسمة ووجهها منور
نور ببكاء:- ربنا يرحمك يا ريم وإن شاء الله تكون دي حسن خاتمة
مريم ببكاء:- إنا لله وإنا إليه راجعون 😔

وبكده يكون الإسكريبت خلص أتمنى تكونو إستفدتم
في أمان الله 👋🏻
إنتظرونا في إسكريبت جديد

#أسكريبت جديد
#مسلمة ولكن 😔
# الكاتبة: نور محمد