قصة الغار ( مكتملة) ( إعادة تدقيق لغوي )

الفصل الرابع ( ٢ ) تم التعديل

��������
بقلم زهرة البنفسج
الكاتبة ندى صبري
������������
��������������������

وبعد مرور ساعة كانت هناء وآلاء في طريقهم إلى مدرسة آلاء وفي طريقها وجدت ياسمين وأمنة، فذهبت جميع الفتيات إلى مدرسة أمنة وآلاء لتوصيلهم، وبعد نص ساعة أخرى كانت ياسمين وهناء في كلية الآداب وكذلك كانت جويرية قد وصلت وقابلوا بعضهم البعض

جويرية: يا هلا يا هلا، يا حلوين
هناء وياسمين: أهلًا يا حبيبتي، يالا عشان الامتحانات
جويرية وهي تقترب من ياسمين وتمسكها من قميصها: لنا قاعدة بعد الامتحان يا عسل ماشي يا هانم
ياسمين بخوف مصطنع وهي ترى هناء تنظر بنظرة شر: أنا بريئة يا باشا أنا اللي أكلت الفراخ
هناء بضحك: هي مش كانت الجبنة ؟!
ياسمين بخبث: أنا بحب الفراخ وكل يوم باكل الجبنة عايزين نغير شوية

ضحكت الفتيات ثم ذهبوا إلى قاعة الامتحانات وعندما دخلوا جلست كلًا منهم في مكانهم واستمر الطلاب في دخول قاعة الامتحانات والجلوس في أماكنهم ولكن حدث شيء غريب، سمع الجميع صوت إحدى الطالبات وهي تتكلم مع أحد الدكاترة ومن الواضح أن هناك مشكلة

الدكتور: يا آنسة حضرتك ده مش مكانك ده مكان بنت اسمها ليزا
مريم: يا دكتور أنا هي البنت والله
الدكتور: أزاي بس يا أستاذة وحضرتك بتقولي اسمك مريم ومكتوب في الكشف ليزا جرجس بشرى
مريم ببعض الخوف ولكنها حاولت التكلم بشجاعة: يا دكتور أنا هي ليزا والله، ولكن أنا كنت مسيحية وأسلمت من قريب، والله روحت الشؤون عشان أعرفهم البيانات بتاعتي ومش عارفة أزاي اسمي الجديد مش موجود