قدري الاجمل ( سندي )

بارت ١٨

رواية # قدري الاجمل (سندي)
الكاتبة # هدى سامي
........

البارت ١٨

...........

انت روحي وراحتي وسكني وسكينتي

أنت وجعي وتعبي ومهجتي ودمعة أحداقي

أنت شتياقي وألمي ووعدي ووفائي

أنت نصي وكلي وقلبي وروحي وريحانة شبابي

بقلمي ✍️ هدى سامي

...........
،

تصويت +تعليق
ولاتنسون متابعة للحساب وتعليق بين الفقرات فضلا وليس أمرا

ضيفوها للمكتبه ياسميناتي 🌺

............
،
مشهد من المستقبل
.............
،

كال ابو امير جيتكم على عيني وراسي والي الشرف بكل الموجودين الحاضرين اليوم ببيتي والله العظيم رافع راسي بيكم واني سبق وانُ اجه سيادة النقيب علي وجان الي الشرف انُ اناسبهم لكن بلغت حضرتكم ورديتوا انُ من عاداتنا وتقاليدنا ميصير هالشيء واني بلقتهم لكن اليوم بماانوا اعلنتوا موافقتكم بهالشيء وتقديراً واحتراماً واعتزازاً بالهوجوه الخيره النه الشرف انُ نوافق على طلبكم على سنة الله ورسوله لكن يبقى الرأي الاول والخير لصاحبة الشأن
‏
‏كال شيخنه ابو الحسن كلامك ذهب سيدنا ابو امير وياريت لوتشوف المحروسه وتردلنه خبر مادام الكل حاضر حتى نقره الفاتحه
‏
‏كال ابو امير تدلل شيخ وإن شاءلله مايكون خاطركم اله طيب طلع ابو امير وبقينه ننتضره مادري شبيه اجاني شعور انُ معقوله يعني متوافق؟؟؟؟

...............
،

عوده الى الحاضر

............
،

علي .. شيخنا واني البنيه شاريها وراديها على سنة الله ورسوله وذا انت تكول احنى عاداتنا وتقاليدنا ماتسمح اكلكيها كدام كل الحاضرين تفرقتنا بذمتك ليوم القيامه والله مايرضى بالتفرقه الله أمرنه انُ نجمع بين الاثنين وانتوا جاي تفرقون

كام الشيخ ابو فهد وصاح ابنه اسمه ايمن كاله تعال بويه ايمن جيب تليفونك واوكف هنا وافتح تصوير

كاله تأمر شيخ

كال الشيخ ابو فهد اعلنها من هذا المكان ومن هذا المضيف بأسمي وأسم كافة شيوخ عشيرة ال.. موافقين على اي شخص يتقدم لبناتنا ان كان من عشيرتنا او لا من اليوم ورايح ماكو اله من نفس عشيرتنا وهاي العادات والتقاليد اني اليوم الغيها والي عنده كلام يجي هنا ويحجي مضيفي مفتوح لاي واحد كبير او صغير

جانت صدمه للكُل اعتلت الصدمه ملامح وجوه كل الموجودين واولهم اني معقوله يعني؟

أشر الشيخ لابنه يطفي التصوير وكاله انشره.. توجه علينه وحجه كال وهاي سالفتكم محلوله ان شاء الله واي شيء تردونه اني حاضر ولخاطر علي وهالوجه الطيبه اني بنفسي راح اجي وياك واخطبها الك من ابوها