Single Dad Club: Tempt

Chapter 11

"We will use a different car, Mom."

Tahimik kong pinagmamasdan si Sir Silas at Ma'am Nisyel na nag-uusap sa harap ko. Buhat buhat ko si baby Remi na tahimik lang din sa aking kandungan. Nakasimangot ang bata dahil naistorbo ang pagtulog niya, naapektuhan tuloy ang mood niya.

Kita kong aangal pa sana si Ma'am Nisyel nang hawakan siya ni Sir Theo sa bewang at inilingan. Napatigil tuloy ito at inirapan ang asawa bago lumayo rito. Si Sir Theo naman ay nakangisi lang na sinundan ng tingin ang asawa.

"Drive safely, son," anas ni Sir Theo kay Sir Silas. Tumingin siya sa akin at ngumiti bago umalis para puntahan ang asawa niya.

Matutuloy ang beach na sinasabi ni Sir Theo para i-meet ang potential business investor nila. Sinama nila ang buong pamilya at hindi ko ine-expect na isasama rin ako. Akala ko kasi para sa buong pamilya lang nila.

"Let's go. Come to Dada," anas ni Sir Silas. Iniumang niya ang kaniyang kamay at kinuha sa akin si baby Remi na agad namang sumama sa kaniya.

Ibinaon agad ni Remi ang mukha niya sa leeg ng ama at pinulupot ang maliliit niyang kamay palibot sa leeg nito. Parang wala lang buhat si Sir Silas dahil nagawa niya pa akong hawakan sa akkng bewang habang naglalakad kami.

Binuksad agad ng driver ang pinto ng kotse nang makita niya kami. Doon ako umupo sa shotgun seat habang si Sir Silas ay nasa driver's seat dahil siya ang magmamaneho. Ilalapag niya na sana si baby Remi sa car seat kaso nagpapasag ito at nagsimulang umiyak.

"Sa akin muna siya," anas ko. Hindi na nagdalawang isip si Silas at agad na ibinigay sa akin si Remi. Sumandal naman agad sa dibdib ko ang bata bago sumisibi na tumingin sa akin.

Nakanguso ang labi niya habang maluha luhang nakatingin sa akin. Nanginginig pa ang baba dahil sa pagbabadya ng luha. Nangiti ako dahil ang cute cute niyang tignan.

"Bakit po ikaw naga-cry?" malambing na tanong ko rito. Hinaplos ko ang likod niya at inipit ang takas ng buhok sa kaniyang tainga.

Saktong pagsakay ni Sir Silas ay ang paghikbi ni baby Remi. Tumulo na ang luha sa kaniyang mata at nagsimula ng mamula ang mataba niyang pisngi.

"Sleep pa po ikaw?" nananantyang tanong ko kay Remi.

Saglit siyang napatigil sa pagiyak nang umandar na ang kotse na sinasakyan namin pero umiyak din ulit nang maging stable na ang makina.

"Mama," umiiyak niyang sinabi bago yumakap sa aking leeg. Wala naman akong ibang ginawa kundi ang haplusin ang likod niya at patahanin siya.

Humina naman ang pagiyak niya pero naririnig pa rin sa loob ng sasakyan ang bahagya niyang paghikbi hikbi. Humaba ang nguso ko nang marinig ko ang pagsinok niya.

"She doesn't like her sleep getting interrupted," saad ni Sir Silas. Pinagmasdan ko ang pulido niyang pagikot sa manibela.

Tumango lang ako sa kaniya at hindi na umimik pa. Pinagtuonan ko na lang ng pansin si baby Remi na paunti unti na rin namang tumatahan. Paulit ulit kong hinahaplos ang likod niya. Napatigil lang ako nang maramdaman ko ang palad ni Sir Silas sa aking... hita.

Tumingin ako kay Sir Silas pero diretso lang ang titig niya sa daan kaya naman hindi na lang ako umimik pa. Naramdaman ko pa ang bahagya niyang pagpisil sa aking hita.

Akala ko patulog na si baby Remi pero nagulat ako nang bigla na naman siyang umiyak at tumingin na naman sa akin. "Mama, milk!" umiiyak na saad niya sa akin.

Ako naman ay agad na hinagilap ang bag niya na naglalaman ng kaniyang gamit pero bigo akong mahanap iyon. "Gusto niya ng milk. Asan 'yung bag niya?" tanong ko kay Sir Silas.