Part 1
_اصحي بقي يا سمسم اصحي يلا عشان نفطر ولا هتروحي الجامعة من غير فطار زى كل مرة؟.
_ياماما سبيني بقي .
_انا عامله بطاطس محمرة وكوباية الشاي.
روحت قومت بسرعة جري على الفطار طبعًا ست الكل فاهمه بنتها .
_يعني لو مكنتش عامله الفطار دة مكنتش قومتي صباح الخير ياسمسم.
_صباح القمر ياست الكل .
_ اي الفطار القمر ده هي الساعه كام دلوقتي ؟؟
_متخفيش المحاضره الساعة ١٠ ودلوقتي الساعة8:30 يعني يدوب تفطرى وبعدين تجهزي نفسك عشان تتحركي.
_هاتي ايدك ابوسها
ايديك ياست الكل.
_ بقولك أى:-
نور رنت عليكي وقالت إنها جايه عشان تروحوا سوا يلا خلصي الاكل عشان المحاضرة .
فطرنا وساعدتها وبعدها دخلت غيرت هدومي وجهزت.
_عايزة حاجة يا ماما انا رايحة الجامعة
_مش عايزة غير سلامتك ياسمسم خلي بالك من نفسك وطمنيني عليكي.
_تحت امرك ياست الكل مع السلامه.
_نزلت ولقيت نور تحت مستنياني
_ وحشتيني اوى يا قمر اى الفستان القمر ده.
_ وانتي اى الطقم الحلو ده يلا بينا عشان نلحق المحاضرة هنتأخر والدكتور ده رخم.
_يلا بينا
روحنا نلحق اتوبيس الساعه 8:30 وقعدنا في الطريق زى ما تعودنا دائما ونقرأ الاذكار ونستغفر وكمان نبدا يومنا بسورة البقرة.
وصلنا الجامعة علي الساعة ٩:٣٠
_تفتكرى الدكتور الجديد دة هيكون شاب
_ولو انا مش هسيبه انا لزم اعدى السنادى و انا عارفة هعمل أى.
دا كان كلام بنات قاعدين في المدرج ورانا لمجرد أننا نسمع أن في دكتور جديد تقوم الدنيا متقعدش
لازم كل بنت تقعد تتكلم وتحكي تحسي أن شاروخان زمانه داخل علينا .
_عملتي اى في حوار اللِ قولته ليكي امبارح
_نور أنا مش هعمل كد الي عايزني يجي يتقدم أنا مش غلطانة انا بس عايزة العلاقة تبقي حلال وقدام الناس هو انا طلبت حاجة غلط؟
_لا مش غلط بس هو هيعرفك ازاى لو مكنتوش قربين لبعض؟!
_في فترة خطوبة أومال هم عاملين الفترة دى لي مجرد اسم يعني؟
فجأة لقينا الدكتور الجديد دخل علينا كان شكله عامل زى شاب كبير عنده حاجة و ثلاثين.
_السلام عليكم ورحمه الله وبركاته
انا الدكتور حمزه النورى الدكتور الجديد اتمنى تكون فترة لذيذه مع بعض يلا نبدأ
