انا حاسه ان طريقه الكتابه اللي انا بكتب بيها مش حلوه فهكتب بطريقه تانيه اريحلكو و اريحلي خلونا نشوف البارت😁
*#################*
*###############*
آسر: تحبي اوصلك
نور: لا مش هينفع
آسر: مش هينفع لي بس
نور: ما بركبش مع حد غريب
اسر احترم كلامها و سابها و مشي و هنا كانت المفاجئه
شخص مجهول: يا استاذ يا استاذ
آسر: في اي
الشخص: البنت اللي كانت واقفه معاك وقعت و باين اغم عليها
آسر جري عليها شالها و ركبها عربيتو و كان خايف اوي عليها بس مش عارف لي اخدها علي مستشفي و حكي للدكتور اللي حصلو قاله ان هي خطيبتو بس مش عارف برضو اي اللي خلاه يقول للدكتور انها خطيبته
و بعد حوالي نص ساعه الدكتور خرج من اوضه نور
آسر: طمني يا دكتور نور مالها
الدكتور: ده مجرد هبوط هي ما اكلتش من امتي
آسر: مش عارف والله بس هي حالتها اي دلوقتي
الدكتور: هي الحمدلله بس هتفضل هنا للصبح عشان نعرف نعلي ضغطها شويه عشان واطي و نعالج الهبوط ده
آسر: تمام ما فيش مشكله شكرا
آسر فضل جنبها طول الليل بيتفرج علي شكلها و هي نايمه و قد اي هي جميله و ماسك ايديها و بيفكر البنت دي عملتلو اي عشان ده كلو و مش لاقي رد غير ان هو بيحبها
و ف نفس الوقت اهل نور هيتجننو علي بنتهم تليفونها مقفول و الساعه 4 الفجر و هي ما رجعتش البيت نزلو يدوروا عليها ف الاقسام و الشوارع و المستشفايات لحد ما لاقوها ودخلو عليها الاوضه لقوها نايمه و متعلقلها محاليلو آسر قاعد علي الكرسي اللي جنبها و ماسك ايديها و نايم راسه عل السرير
السؤال بدا يدور ف دماغهم مين ده و اي اللي مقعده جنب نور
آسر صحب علي صوتهم و قال
آسر: انتو مين
ابوها: انت اللي مين احنا اهلها
آسر: هي تليفونها وقع ف الشارع ف انا ندهت عليها و اديتهولها و سيبتها و مشيت لقيت واحد بيندهني و بيقولي اللي كانت واقفه معاك اغم عليها حاولت افوقها ما فاقتش روحت جايبها المستشفي الدكتور قال عندها هبوط شديد و ضغطها واطي شويه
ابوها: شكرا جدا يا ابني انا مش عارف اقولك اي اتفضل انت روح نام شويه و احنا معاها
آسر: تشكرني علي اي يا عمي ده واجبي استاذن انا
آسر سابهم و مشي و استحمي و نام و صحي راحلها المستشفى تاني بس لاقاها فاقت
آسر: السلام عليكم اي ده انتي فوقتي حمدالله على سلامتك
نور: الله يسلمك
مريهان اختها: اه فاقت بس مغلبانا و مش راضيه تاكل
آسر: طب ممكن تسيبونا لوحدنا شويه
مريهان: اه اتفضل
آسر: بقي كده تقلقيني عليكي
نور: معلش تعبتك معايا
آسر: تتعبيني اي بس ده انتي غلبتيني و انا مستنيكي تفوقي
نور: ههه للدرجه دي تعبتك
آسر مسك ايديها: والله انا مش قادر احدد انتي تعبتيني و لا ريحتيني
نور: ازاي تعبتك ف اي و ريحتك ف اي
آسر: تعبتيني من خوفي عليكي و انا هموت لو جرالك حاجه
و ريحتيني لاني اطمنت و انا جنبك و باصص عليكي و علي جمالك و انتي نايمه
نور ابتسمت: هو انا المفروض ارد اقول اي
آسر: والله انتي المفروض تاكلي عشان ما تتعبيش اكتر
نور: لا انا كويسه و مش عاوزه اكل بالله عليك بقي
آسر: ما فيش بالله عليك انا ما بحبش اكرر كلامي سامعه
نور اكلت و اتبسطت من طريقته معاها بالعكس ما اتضايقتش
آسر: اهو حصل حاجه لما كالتي كان لزمته اي من الاول بقي
نور: هو انا همشي من هنا امتي
آسر: هروح اشوف الدكتور هيقول اي
آسر راح للدكتور و ساله عن حالتها و قاله ان هي كويسه و ضغطها مظبوت و كتبلها علي شويه فيتامينات و فاتح للشهيه
و قاله ان هي ممكن تخرج النهارده عادي.
آسر: الدكتور بيقول انك هتخرجي النهارده
نور: طب كويس
آسر: لا مش كويس هشوفك ازاي انا بقي
نور: لو في نصيب نتقابل هنتقابل
آسر: طب ممكن تديني رقم تليفونك عشان ابقي اطمن عليكي
نور: لو لينا نصيب نتقابل هنتقابل
آسر سابها براحتها و نزل دفع مصاريف المستشفي و جابلها العلاج
ابوها: قولي يا.....
آسر: آسر... اسمي آسر
ابوها: انت دفعت كام مصاريف المستشفي
آسر: انت بتهزر يا عمي دي اقل حاجه اقدمها و بعدين هي تعبت و انا اللي معاها و انا اللي جايبها المستشفي يبقي انا اللي هتكفل بمصاريف علاجها بعد ازنك
