صاحبُ اللثامِ الأسودِ
الكاتبة: x8lll.a
آني ذاك الگاعد
متانيله صدفه تلمّه بيك
آني ذاك الشاف كومه وجوه حلوه
وگلبه ما رَفّ بس عليك٠٠ ♥
___________________________________
كتب ورقه قصاصه بيها رقمه وكاتب أحبج شمرها جوه رجليه دنكت شلتها ورحت للبيت بلطريق لحكني واحد على بايسكل وبيده محبس شمره جواي وراح بس مو نفس الشاب الاريده!
ريام: هذا منوه
ردت اركض ورا بس تذكرته يشتغل ويا مصعب اخذت المحبس ومسحته من الطين جان الشارع مطر وشته ونسمه هوى بارده
رجعت للبيت حيل فرحانه ووياي الورقه مالته قررت احاجي بس يمته مامقرره باليل صعدت وصحت بنات عمتي وحجيت الهن كلشي
وراسلته كدامهن هنه شجعني احاجي
رفاء: حاجي لاتخاذه براء منج
لباب: يلاا سجلي الرقم واحجي ويا
تحمست وسجلت الرقم ماكتبت اسم بس قلب حاجيته على الواتساب
ماعرفني بعدين شوي شوي عرفني تعرفنه وبقينه نسولف
ثاني يوم
براء: اي اختارج الج وعافني بس عرفت صاحبه حلو
ريام: ها؟ يمته عرفتي صحبانه ولج
براء: البارحه باليل شفته واكف ويمه جوكه شباب يخبلون
ريام: ضحكت على حجايتها وعبالي تتشاقه لأن هيه هم ضحكت
كمنه ندرس وخلصنه كعدنه يم خاله (ام براء) ضلينه نسولف ونضحك صار العصر توسلنه بخاله تخلينه نروح نشتري
بس هلمره غير هلمره اشوف حبيبي ويباوعلي شفته وابتسمت اله هوه هم ابتسم وبقه يباوع
ريام بكلبي: واخيررا افتكت عقدته ضل يباوعلي ويضحك
ضلينه هيج تقريب سنتين وطبعا اختلاف ارائنا وحجينه هواي سوالنه مشاكل بس مصعب حنين ويحبني حيل حته لو زعلته الف مره يرجع يصالحني ومايخليني زعلانه عليه تعلق بيه وتعلقت بي حيل
رفاء كامت تحجي ويا بصفته صديق ويضحكون ويسولفون وتصيحله ضلعي!
مادري شجنت احس من اقبل بيها تحجي ويا حبيبي هيج
بس اثق بمصعب واعرفه يحبني حيل صرنه نلتقي اني ومصعب بفرع ورا بيت صديقتي صاير خلينه نسمي شارع العشاق هناك نحجي ونتمشه سوه ومرات يبوسني ويحضني حيل مأمنه بي واحس لمن يحضني يملي صدري أمان وياخذني بحضنه الدافي الحلو أطمن واني يمه حيل
حسيت رفاء زودتها بلميانه الزايده صارت تحجي ويا واني ما ادري!
حذرت مصعب وما انطيت الموضوع اهميه لأن اعرف بي يحبني
رفاء: ريام اني احبج واريد مصلحتج مصعب مايفيدج انهي علاقتج ويا لو يحبج ما يتقرب الج ولا يلمسج بالحرام
نوعا ما اقتنعت بحجيها بس ادري بي يحبني ما يكسرني ولا يهون عليه يقهرني
صرت الح عليه بموضوع الخطوبه وانته لو تحبني دك بابي ضغطت عليه حيل بموضوع الخطوبه وحسيت روحي لحيت بهل موضوع سكتت
ريام: معقوله تحبه وهيج حجت وياي حته اعوفه يوووهه شجاي احجي اني اكيد تحبه هاهيه
منعت مصعب منها ولاحض عليه صرت اغار حيل اذا سألني عليها اكب بوجهه
أنت تقرأ
صاحبُ أللثامِ ألاسودِ
Romanceنافذة مفتوحه، وفتاة تقف أمامها، الهواء يحرك خصلات شعرها السوداء، الملتفه مع بعضها، تغلق عيناها بقوة، لعلها تتخلص من هذه الذكريات السيئه، تحاول أن تتذكر اي شيء يسعدها، لتفتح عيناها وترى شخصٌ ذو نصف إبتسامه لتكون هذه اللحظه من أجمل ذكرياتها لتغلق النا...
